شمس الليل صراع الحياة

الفصل الخامس عشر

بسم الله .......
***********************************
قمر ..وااه لاه ميصحش
شمس..مش هياكل منك حتة ..ادخلو المكتب اتكلمو
جاسر ..لاء هنروح الاسطبل عند ليل
شمس ..امممم ماشى
قمر ..كيف دة لاه ميصحش جبل الفرح
نوران ..يا بنتى قومى بقى
هاجر ..مش بياكل البنى ادمين قومى ليطفش منك
شمس..خلاص قومى بقى
قمر ..بس امه..
شمس..مالكيش دعوة بماما قومى
قمر باستسلام..حاضر
وتنهض قمر وتسير خلف جاسر متجهين للاسطبل ..
هاجر ..قمر دى مشكلة
نوران..قفيلة اووى البت دى
شمس..لاء هى مش قفيلة بس ليها عوايد و تقاليد وعندها حدود لكل تصرفاتها ..اتعلمو منها
هاجر بسخرية ..شوف مين بتقول اية
نوران ..احنا اللى نتعلم طب وانتى اية
شمس ..طب يا جزمة منك ليها قومو من قدامى لاوريكو التعليم بيبقى ازاى
تهرول هاجر للخارج قائلة وهى بصحبة نوران..
هاجر ..مالكيش امان بتقلبى فى ثانية ..
شمس..برة يا جزمة..
.......................
......................
فى الاسطبل......
يقف جاسر يمسد على شعر ليل وينظر لقمر التى تضع وجهها بالارض ولا تتحدث ..فيقطع الصمت قائلا..
جاسر..قمر ..بصيلى
قمر ..لاه ميصحش
جاسر ..انتى عروستى ويصح جدا وعايز اتكلم معاكى
قمر ..اتحدت انا سامعاك
جاسر ..قمررر قولتلك بصيلى
قمر ..حاضر..وترفع وجهها لتلتقى بعيون جاسر ..
جاسر ..بتحبينى
قمر ..هاااااا
جاسر ..هاا ايه بقولك بتحبينى
قمر بتلعثم..ب ..ب ..م..ا
جاسر ..هههههههههههه انتى بتقولى اية انا مش فاهم حاجة ردى على سؤالى
قمر ..ميصحش الحديت دية عيب اكدة يا سى جاسر
جاسر بصدمة ..سى جاسر ..مين سى جاسر دا
قمر ..واااه مش دة اسمك
جاسر ..اسمى جاسر بس..مش سى جاسر
قمر ..لاة امى جالتلى اسمك سى جاسر
جاسر ..اسمى جاسر بس
قمر ..لاة ميصحش اكدة انت ليك مجامك برضيك وليك احترامك عاد
جاسر بهيام ..بحبك
قمر..هااا
جاسر هههههههههههه هو انا كل اما هقولك حاجة هتفتحى بؤك كدة
قمر ..انا انا
جاسر ..رجعتى تقطعى لية يا قمرى
قمر بخجل ..هاعاود للجصر ..بعد اذنك
وتخطو عدة خطوات وتتوقف وتلتفت لجاسر وتراة مبتسما وكانة يعلم بما ستقول ...
قمر..مهعرفش اعاود لحالى ممكن ترجعنى
جاسر بثقة ..كنت متاكد .
قمر ..الجصر كبير وانا لسة مخبراش المكان اهنة
جاسر ..بعشقك لغتك دى
قمر بخجل ..شكرا
جاسر ...تعالى يلا يا قمرى
............................
............................
فى ثريا هنداوى بقنا..
يجلس خليل برفقة ايهاب بالمندرة الخاصة باستقبال الضيوف..
خليل ..وااه كيف يعنى انا مش هسيبها واصل
ايهاب..بجولك اية انا ما صدجت خلصت منيهم
خليل ..تجوم تسيب البت دى اللى اسمها شمش تاخدهم من وسطينا ..لبستنا طرح كيف الحريم
ايهاب بغضب ..خلييييل احفظ لسانك ومتنساش انت عتتحدت مع مين ..انا ايهاب هندواى
خليل ..انا مش هسيبها
ايهاب ..انت نااوى على موتك صوح شمش دى واعرة جوى دى تدفنك وتجول ما شوفتوش
خليل ..جمر ليا انى بس
ايهاب . يبجى الله يرحمك ..
......................................
......................................
فى المساء بقصر الحسينى ..
تجتمع العائلات الخمس بعد تناول العشاء برفقة جاسر ايضا..
تهمس هاجر ونوران بشئ ما لشمس ..
شمس ..خلاص بقى قولت لاء يعنى لاء
محمد ..اية دا فى اية
شمس ..مفيش
محمد ..فى اية يا هاجر عايزة اية
هاجر ..مش عاوزة خلاص
نوران.. انت اتقمصتى لية يا هاجر خلاص نفكر فى حاجة تانية
قمر ..متزعلش يا خيتى شمس مجصدهاش
جاسر ..قمر متدخليش بينهم
شمس ..نعم ..وانت مالك وبتكلمها كدة لية
جاسر ..اهدى يا شمس مش قصدى بس مش عاوزها تدخل فى كل حوار
قمر ..احم اسفة مجصديش ادخل ..بعد اذنكم
شمس بغضب..رايحة فين اقعدى مكانك
مجدى ..شمس
قالها مجدى وهو يشير بعينية لقمر التى اوشكت على البكاء فلاحظ جاسر ذلك فقال مسرعا
جاسر ..قمر ..متزعليش مش قصدى بس دا طبع فيا ..
قمر ..محصولش حاجة بس انا نعسانة وعاوزة انام
جاسر ..نعم نوم مين ..الحقنى ياليل
ليل ..هههههههههههه لسة نص ساعة
شمس..نص ساعة على اية
كارين ..بابى مش هنروح بقى
صخر ..نعم لاء ليل الحقنى
ليل ..هههههههههههه هههههههههههه
نوران ..اية دا هو فى اية
رعد بغمزة ..هتعرفى كمان نص ساعة ياعسل
كارم ..فرحانين اووى يا خويا انت وهو بلا نيلة
كارول ..احم كارم
كارم بقرف..نعم
كارول ..ممكن اسالك سؤال
كارم ..لاء
كارول باحراج ..طيب
وتصمت كارول وتضع وجهها بالارض حتى لايلاحظ احد دموعها
فيقول احمد لينقذ الوضع ..
احمد ..ليل خلاص خلص بقى
ليل .طيب يلا يا محمد
محمد ..حاضر ..
وبعد عدة دقائق يدلف محمد بصحبة المأذون فتنهض شمس مسرعة ..
شمس..لالالا دا بجد ..متفقناش على كدة
ليل ..اقعدى مكانك
شمس ..نعم لاء انا مش موافقة
ليل ..اقسم برب العزة لو ما سكتى يا شمس لخطفك كفياكى ذل فيا سبع سنين مستحملك ..اقعدى مكانك
وقال اخر جملتة بصوت مرتفع بنبرة امر
شمس ..دا بجد..انت بتزعقلى يا ليل هونت عليك
ليل ..حقك عليا ..اقعدى بقى
شمس ..حاضر
وبعد مرور بعض الوقت تم عقد قران كل من ..
شمس &ليل
قمر.&  جاسر
كارول.&  كارم
كارين& صخر
نوران. &  رعد
واخيرا .....
ميادة.& مجدى
..................
.....................
مجدى ..مبروك يا ولاد
شمس ..انت اللى مبروك كدة يا بوب تضحك على الحاجة وتتجوزها
ميادة ..وااة اختشى يا شمش
شمس..يالهوووى عل شمش دى
ليل ..مبروك يا حرم ليل السيوفى
شمس ..مش عارفة لية مش مرتاحالك
جاسر . طب اخلع انا . يلا يا قمر
قمر ..هااا فين
جاسر ..هقولك فى السكة يلا و...
ويصمتون جميعا عندما صدع هاتف شمس معلنا عن اتصال من شخص ماا
شمس ..الو..خير
الشخص .............
شمس،..كنت متاكدة ..
الشخص .................
شمس ..هههههههههههه طب علقوة لحد ما اجيلو ..سلام
ليل ..فى اية
شمس بنبرة استهزاء ..هههههههههههه خليل
تنتفض قمر وتقول ..
قمر ..لاة جاى يجتلنى
جاسر ..اهدى وانا روحت فين
شمس ..ياااة اخيرا الواحد لقى حاجة يتسلى بيها ..حمار الواد دا والله
ليل ..شمس ..انطقى عملتى اية فية
شمس بخبث ..مش عملت حاجة ..بس هعمل .
...............
******************************************************

.....يتبع ....
منى مصطفى الاسيوطى