(((((سونيا والجن العاشق)))))
وصلنا لبيت
ايفين: شكد يخوف بعدني ماداخله بي وكمت ارجف
سونيا: لاتخافي اذكري اسم الله وحتصيرين بامان محد حيكدر ياذيج
انتو ادخلو واني هسه اجي خل اخابر ابوي واشوف امتا يرجعون
البنات: اوك
سونيا: خابرت ابوي وكمت احجي ويا
الو ها بابا شلونكم
الاب: هلا بنتي زينين انتي شخبارج وليليان شخبارها
سونيا: كلنا زينين حبيبي انتو امتا ترجعون
الاب: مادري بنتي بـعد اسبوع او اسبوعين
سونيا: اوك حبيبي يلا باي وسلملي عل سان وماما
الاب: يوصل
سونيا: غلقت الخط واجيت ادخل لكيت ايفين تركض بتجاهي ووجهه اصفر
ركضت الها
ها ها ايفين شبيج حبيبتي
متحجي بس تاشرلي ع مطبخ
كل عبالي وحده منا صايرلها شي ركضت لمطبخ لكيت جثه معلكه والمطبخ مليان دم كلشي كلشي
جان بي دم الثلاجه الشبابيك شفت بنات مصدومات باوعت لباب لكيت مكتوب جمله
((لاتحاولي اللعب معي ستندمين))
كمت ركضت لموبايل حتى اتصل على الشرطه
لكيت موبايلي ماكو باوعت لكيته ع ميز الي بالهول صفنت ماذكر اني رحت لهول المهم ركضت لموبايل لكيت الشحن مطفي
سونيا: خرررب هسه وكتك ركضت لبيت جيرنا واني ابجي ادك بالباب طلعو وحجيتلهم السالفه بس مصدكو
سونيا: خاله تعالي وشوفي المره معلكه بس تعاي
ام احمد: بنتي صًلّيےّ عل نبي
سونيا: جبتها لمطبخ وهي صفنت كلتلها ها صدكتي
ام احمد: بس بنتي ماكو اي دم 😒😒😒
سونيا: شنووو باوعنا لمطبخ لكينه نضيف كلش خاله اقسم بالله جان بي دم وابجي
ام احمد: لا اكيد تتخيلين تُعباُنٌهْـ من دراسه انتي
سونيا: بعد ماراحت جرتنا مَآعِرَفتّ شلون صار هيجي بس عرفت يريد العالم يشوفونا مخبلات بس والله مراح اخلي يوصل للي يريده هو
رحت جبت بنات وكعدتهم بالهول واقرى عليهم المعوذات
عطشت كلش
سونيا: بنات حروح اشرب ماي واجيكم
ماحجن شي بس هزن راسهن رحت لمطبخ طلعت دبيه ماي م̷ـــِْن ثلاجه شربت ماي حسيت قطرات مثل الماي ينزل عل راسي وكفت كمت ارجف خليت ايدي عل راسي وباوعت لكيت دم انصدمت باوعت لفوك لكيت المره معلكه وكامت تنزل وتمد ايدها علـّۓ. راسي حتى تخنكني
رجعت لوره واني ماكدر اصرخ باوعت لثلاجه لكيت راس مره ثانيه وحسيت ايد خنكتني كمت ابجي اريد يطلع صوتي حتى بنات يسمعوني مكدرت كامت تخنكني اكثر بالكوه طلعت كلمه يالله ساعدني يالله وهي حيل صرخت ورجعت خليت ايدي عل عيني وكمت اهمس سور الي حافظتهم
يتبع„„„
