زواج بما يرضى الله / للكاتبة اسماء حسن

3 و 4

الحلقة(3)

___/السلام عليكم يا نرمين 
نرمين/وعليكم السلام يا حازم 
حازم/انتى مش روحتى تتغدى؟!
نرمين بضيق/لا 
حازم/ممكن نتغدى سوا 
نرمين بضيق/لا مش بتغدى مع حد و تقدر تروح مكتبك 
حازم بأحراج/عن اذنك 
بعد مغادرتهxxxx*
نرمين/اووف بنى آدم ثقيل 
اسماء/بتكلمى نفسك 
نرمين/ها لا ولا حاجه 
اسماء بتعجب/ماشى براحتك 
بعد كام يوم فى إحدى المولات xxxx*
اسماء/يا ماما انا مش بحب الألوان ديه 
الام/اسكتى اش فهمك انتى 
اسماء بهدوء/يا ست الكل انا ال هلبس الهدوم ديه فأخترها على زوقى 
الام/يعنى زوقى وحش!
اسماء/لا طبعا يا حبيبتى بس لولا اختلاف الازواق لبارت السلع صح 
الام/خلاص اختارى ال يريحك 
فى بيت محمدxxxx*
محمد/اه يا ضهرى كل ده عشان اشترى العفش كل يوم انزل اجيب اوضه و اختار الألوان و الاستيل ال هى عايزة د انا هموت قبل الفرح 
الاب/امال انت فاكر الجواز حاجه سهله لازم تتعب 
محمد/انا مش عارف اشمعنا العريس هو ال يجيب كل ده و العروسه تجيب الرفيع و السجاد فى مشوار تجبهم 
الام/الصراحه العروسه بتجيب حجات كتير مش ينفع يتقال عليها رافيع و تحتاج اكتر من شهر مشاوير 
الاب/اول مرة تقولى كلمه عدله 
الام/انا كل ال يهمنى سعادة ابنى 
محمد/ربنا يخليكي ليا يا أمى
فى بيت اسماءxxxx
سالى&عبير/عايزين نشوف جبتى ايه؟؟
اسماء/ايه الرخامه ديه و انتو مالكم يا عالم يا حشريه 
سالى/كده يا سومه تزعلنى منك 
اسماء/معلش يا سوسو بس ديه حجات خاصه مش اى حد يشوفها 
عبير/خلاص يا سالى سيبها على راحتها 
سالى/ماشى يلا تصبحى على خير 
اسماء/وانتى من أهله 
فى الشركهxxxx*
اسماء/هههههههههههه بجد دمك خفيف يا حازم 
حازم/انتى لسه شوفتى حاجه 
محمد بضيق /والله و انا كمان عايز اشوف 
اسماء/محمد انت جيت امتى 
محمد/من ساعه ضحك سعدتك ال واصل آخر الشركه 
حازم بأحراج/طب عن اذنكم 
اسماء/فى ايه يا محمد
محمد/فى انك يا محترمه وقف تهزرى مع راجل غريب فى قلب الشركه و ال رايح و ال جاى يتفرج 
اسماء بهدوء/ممكن تهدى طيب 
محمد /اتفضلى اتكلمى 
اسماء/حازم كان عايزنى أساعده فى لفت نظر نرمين ليه عشان معجب بيها و عايز يتقدم لها بس خايف من رد فعلها عشان هى مش معبره 
محمد/يا سلام و ايه خفت الدم فى كده و ضحكتك اووي كده 
اسماء/أصله قال لى نكته ضحكتنى و انا اسفه و انا عارفه انه مش ينفع انا اسفه آخر مره سماح بئا 
محمد/خلاص و على الله تتكر تانى 

-------؛-؛-----------؛؛؛؛----

ملحوظه 

1-ياريت نحاول نشوف الناس ال بتحبنا بجد و مش نجرى ورا وهم 
2-نستخدم الهدوء فى الحوار بلاش عصبيه
3-نسمع بعض قبل ما نحكم على بعض 
4-لم نغلط نتأسف وبلاش نكابر فى الغلط و نعند 
كان معكم اسماء حسن من زواج بما يرضى الله 

#############

الحلقة (4)

محمد/يلا عشان اوصلك
اسماء/ماشى اه الواحد مش قادر هلكت انهارده فى الشغل 
محمد/هانت كلها أسبوعين و نتجوز و تقعدى من الشغل
اسماء بدهشه/نعم ليه؟!
محمد/عشان تفضى لبيتك و لجوزك 
اسماء/لم تلقنى قصرت فيك و فى بيتى انا من نفسى هسيب الشغل لكن مش هسيبه عشان عايزنى اسيبه و ده مستقبلى 
محمد/انا مستقبلك مش شغلك 
اسماء/انت عايز تلغى شخصيتى 
محمد/انا ألغى شخصيتك!! لم أكون عايز اريحك 
اسماء/لم اشتكى 
محمد/خلاص يا اسماء ال يريحك اعمليه 
اسماء/اهم حاجه مش تكون زعلان منى 
محمد/لا طبعا فى حد يزعل من نفسه 
فى بيت نرمينxxxx 
نرمين/يا ماما انتى بتقنعنى بأيه ده فاضل أقل من أسبوعين على فراحهم 
الام/ما هو عشان انتى خايبه مش عرفتي توقعيه 
نرمين/ايه اوقعه ديه يا ماما هو انا بايرة ولا فى عيب عشان اوقعه 
الام/ما كل البنات بيعملو كده يعنى اسماء ديه وقعته ازاى 
نرمين/يا ماما أسماء إنسانه محترمه و ده نصيب مالناش دخل فيه 
الام/يعنى عليا وعلى بختى الأسود فى بنتى الهبله ال بتشكر فى ال خطفت منها عريسها 
نرمين/يا ناس الحقونى انتى عايزة تهبلنى عريس مين محمد طول عمره بيعملنى على انى اخته 
الام /كده طب اعملى حسابك اول عريس هيتقدملك هتجوزى اى أن كان سنه او شغله او تعليمه ماشى
نرمين/ليه أن شأالله 
الام/هو كده 
نرمين/ياررررررب ارحمنى 
فى بيت اسماءxxxx
اسماء/ايه ده يا ماما 
الام/طقم حلل
اسماء/ليه يا ماما ما انا جبت 3
الام/ما بنت خالتك جيبه 4 و بنت عمتك جيبه 5 هم احسن منك 
اسماء/ده اسمه تبزير هو انا هطبخ فى كل ده و انا اجيب زيهم ليه هم مقياس و ال هيجيب اكتر هيكون احسن ايه النظريه الغريبه ديه 
الام/يعنى ايه 
اسماء/يعنى خاليه لسالى او عبير لكن انا مش هخد 
الام/انتى عايزه الناس تاكل وشى 
اسماء/هى ديه مشكلتنا أننا ديما بنخاف من كلام الناس وهم فى جميع الحلات بيتكلمو لو وحده مش اتجوزت بيتكلمو ولو اتجوزت بيتكلمو لسه مش خلفت و لو أطلقت يكون فيها عيب لو جوزها مات هى ال موتته و انها نحس
نشغل دماغنا بيهم ليه ؟؟ 
الام/و النبى عندك حق خلاص ال يريحك اعمليه 
اسماء/ربنا يخليكى لينا يا ست الكل
فى بيت خالد xxxx 
خالد/بابا عايز أخطب 
الام بفرحه/بجد يعنى هتخطب بنت خالك
خالد/لا 
الام بحزن/ليه؟ 
الاب/أكيد هيخطب بنت عمه صح 
خالد/لا انا معجب بزملتى فى الشغل و عايز اخطبها 
الام&الاب/ايييييه
خالد/انا ماشى معها دى بنت محترمة جدا 
الاب/وانت عارف اهلها 
خالد/اه يا بابا محمد صاحبى تكون بنت خالته
الاب/اه غرفتها باباها صاحبى 
الام/انا اعرف امها شديدة فى التعامل 
خالد/انا مالى بأمها انا هتجوزها هى مش امها 
الاب/تمام انا هكلم والدها و اتفق معه على معاد و نروح نطلبها 
خالد بفرحة/ربنا يخليك يا بابا يا ررررب 

------------؛؛؛؛؛---------

ملحوظه 
1-اهم حاجه المشاركه مش ينفع طرف ياخد قرار من غير يستشير التانى المناقشه بهدوء عشان نتفق 
2-بلاش حكاية بنت خالتى جبت و بنت عمتى عملت و صاحبتى راحت بلاش تقليد أعمى 
3-لكل أب وأم بلاش تفرضو على أولادكم حاجه عشان يتعلمو الاعتماد على النفس و تحمل المسؤليه ويقدر ياخد قرارته 
يارب تكون الحلقة نالت اعجبكم و تفاعل بئا