زواج بما يرضى الله / للكاتبة اسماء حسن

11 و 12 و 13

الحلقة (11)

فى بيت عائلة اسماء xxxx
الام/يلا يا سوسو العريس على نار 
سالى/ حاضر ها ايه رائيك؟ ؟
الام/قمر يا حبيبتى 
عبير/مبروك يا سالى 
سالى /الله يبارك فيكى 
عبير /صلتى صلاة استخارة ؟
سالى /استخارة ايه ! هو عريس يتعيب 
عبير/ازاى يا بنتى مش ينفع 
الام/يلا يا سالى مش وقتك يا عبير
عبير فى نفسها/ربنا يهديكى يا سالى و يوفقك و يخيب ظنى فيه 
فى غرفة الضيوف xxxx
ادهم /انا يا عمى والدى و والدتى متوافين و انا واخويا ورثنا عنهم شركة الأخشاب و فلوس فى البنك و قرية سياحيه فى الغردقة 
الاب/طب أخوك فين ؟ 
ادهم/ هو ييدير القريه و مستقر هناك و انا بدير الشركه هنا و أن شأالله لو حصل نصيب هيجى معايا 
الاب/تمام 
أدهم /طلباتكم ايه؟
الاب/احنا مش لينا طالبات غير أن تكون بنتنا سعيده و حد يراعى ربنا فيها 
ادهم /أكيد انا عايش فى الفيلا لوحدى بس اخويا ليه نصها بس هو مش عايش معايا لو عايزين نعيش فيها ماشى اشترى ليها شقه برضو ماشى 
الاب/ليه يا بنى تشترى و حتى لو أخوك عاش معاكو ايه المشكله ما الفيلا كبيرة 
ادهم /ماشى بالنسبه للشبكه مفتوحه تجيب ال هى عايزة و المهر تحب كام ؟ و المؤخر ؟ 
الاب/الفيلا بتقول جاهزه يعنى بنتى مش هتشارك فى فرشها يبقى مش ليه لازمه المهر 
ادهم/ازاى يا عمى ديه حاجه و ديه حاجه 
الاب/يا بنى احنا بتشترى راجل و بالنسبه للمؤخر فشوف أنت شارى بنتى قد ايه و حدده 
ادهم /مليون جنية كويس 
الاب/ده مش هتكلم فيه انت و هى ال هتعيشو مع بعض
ادهم / يعنى نقرأ الفاتحه 
الاب/على باركة الله بسم الله -------------------
الام/ جر ايه يا أبو اسماء مالك متساهل معاه كده ليه انت فاكر انه لسه هيكون نفسه زى جوز اسماء 
الاب/ انتى عايزة نتشرط عليه عشان يقول أننا طمعنين فيه
الام/ ما هيقول كده أن بنتنا بايرة ولا معيوبه 
الاب/اعقلى كده و حسبى على كلامك و راعى ربنا 
الام/اعقلى!انت شايفنى مجنونه 
الاب/انا مش شايف حاجه انا داخل انام 

--؛؛--؛-؛--------؛؛---------؛؛؛؛-----

الملحوظه 
عمركم ما تحسبوها بالفلوس و لا ده جاب بكام و لا ده كتب كام الزواج مش بكتر الفلوس لكن بالسعادة و السعاده مش بالفلوس لكن بالتفاهم و الراحه و الثقة و الحب الحب بما يرضى الله 

###########

الحلقة (12)

اسماء/اووف يا ربى انا اجى من الشغل اشتغل تانى فى البيت يرضى مين يا رب 
محمد /مالك بتبرطمى ليه ؟! انتى اتهبلتى بتكلمى نفسك
اسماء/من ال بشوفه انا كنت مرتاحة فى بيت ابويا ايه ال غصبنى على كده
محمد /اهدى بس و فهمنى فى ايه 
اسماء/ فى انى زهقت من كل حاجه البيت و الشغل انا مبقاش قدره
محمد /عايزه ايه و انا اعمل معاكى 
اسماء /لا و الله 
محمد /أيوه ايه المشكلة احنا مش قولنا أن الحياة مشاركة 
اسماء/صحيح بس انت مش بقيت تعمل معايا حاجه 
محمد/عشان انتى كنتى بتعملى كل حاجة و مش بتطلبى منى اساعدك 
اسماء/مش كنت عايزه احساسك أن الشغل مأثر على بتنا بس تعبت خلاص 
محمد /هههههه و ربنا عبيطه و فيها ايه لو شلت معاكى شويه 
اسماء /بجد انت نعمة ربنا ليا
محمد /و انتى فرحه عمرى يلا جهزى لى الغد و نضفى البيت لحد ما انام شويه 
اسماء و فى يدها سكينه/مححححححمممممددددددد 
محمد /هههههههههههه بهزر يا مجنونه
نسيب الهبل شويه xxxx
عبير/يا سالى ألبس هنا غالى على الفاضى
سالى /انتى عايزانى ألبس زى اى حد انتى نسي انا خطيبة مين ولا ايه 
عبير/ولا تتكبرو 
سالى/بس عبط و يلا عشان نخلص 
عبير/ربنا يهديكى يا رب
نرمين/الو 
حازم /السلام عليكم 
نرمين/و عليكم السلام 
حازم /واحشتنينى 
نرمين /أحترم نفسك 
حازم/الله انا قولت حاجه 
نرمين/و تقول ليه ؟
حازم /نرمين بيتهيألي كده انى خطيبك و فرحنا فاضل عليه يومين 
نرمين/ان شأالله يكون ساعتين لم نتجوز قول ال انت عايزة
حازم/ماشى 

--؛؛؛؛؛-----؛؛----؛؛----؛-؛؛-----

الملحوظه 
لم نلقى الطرف التانى فى حاجه مضايقنا منه ياريت نقول و مش نسكت 

###############

الحلقة (13)

فرح حازم و نرمين xxxx
محمد /يلا يا اسماء اتأخرنا 
اسماء/اصبر يا محمد جايه 
محمد/يلا ايه ده ال فى وشك 
اسماء/ايه!
محمد /الزفت ال أحمر ال على بؤك ده 
اسماء/ده خفيف يا محمد 
محمد /بلا خفيف بلا تقيل روحى شيلي الزفت ده 
اسماء/مش شايله يلا بئا 
محمد /طب مفيش فى فرح 
اسماء/اوووووووووف بئا 
محمد /ها 
اسماء/خلاص أهو 
محمد /أيوة كده 
اسماء/انت رخم اصلا 
محمد / و انت عسل 
اسماء/خفه
محمد /يلا اتأخرنا 
فى الفرحxxxx 
محمد /مبروك يا عريس 
حازم /الله يبارك فيك 
اسماء /مبروك يا نرمين ربنا يتمم بخير
نرمين /الله يبارك فيكى 
ام محمد /عقبال لما أفرح بعوضك يا بنى 
حازم/اللهم أمين انا و محمد 
ام محمد /يمكن انت الأول أصل محمد و مراته اتأخرو يمكن مراته فيها عيب ما تروحى تكشفى يا اسماء 
محمد /ايه يا ماما احنا مش مستعجلين على الخلفه تيجى فى وقتها و اسماء مراتى مش فيها اى عيب و احنا مش عد على جوزنا غير شهر واحد عشان نروح لدكتور 
اسماء /عن اذنكم 
ام محمد / انت بتنصرها عليا 
نرمين / يا خالتو محمد عنده حق 
ام محمد /قال حق قال
حازم /سيبها احنا مالنا 
نرمين /فى ايه 
حازم /في انك مركزة مع الناس كلها 
نرمين /عايز ايه يعنى 
حازم /عايزك تركزى معايا شويه 
نرمين /مركزه اهو قول 
حازم /مركزه اهو قول طب مش قايل ايه الرخامه ديه 
نرمين /احسن برضو 
حازم /ماشى حسابك معايا بعدين هتروحى منى فين؟ 

----؛؛؛؛؛----------؛؛؛------

الملحوظه 
مبدأين كده مش ينفع صوتك يعلى عليه و لازم تطعيه فى كل شئ مادام مش حرام و لا معصية 
و انت مش تفرح كدة تعالى هنا مش كل حاجه تتعصب عليها و بأسلوب كويس هتعمل ال انت عايزه و هى مبسوطه تمام كفايه كده انهارده