صافن وافكر بيك ياحلو العيون
لوهيه صفنة موت لو انه مجنون
٠٠٠٠٠٠٠
تكاثرو لاصحاب من زينه الاوضاع
باعوني سعر تراب من الفلس ضاع
٠٠٠٠٠
خلي بحلاة الروح يامحله خلي
من شافته الكفار كامت تصلي
٠٠٠٠٠٠٠٠٠
عرجه وحمله ثكيل ومروجه الكاع
تمشي بضلام اليل محاوطه ضباع
٠٠٠٠٠٠٠٠
روحك عرج وحمول ومحاوطه ضباع
روحي بجحر حيات تنلدغ كل ساع
٠٠٠٠٠٠٠٠٠
ياصاحب الحيات يم علتي تهون
روحي بوسط بركان ومفكسه العيون
٠٠٠٠٠٠٠٠٠٠٠
تحجيلي عالبركان اسمع لعد هاي
تجرع غصب تيزاب بي ذابت جلاي
٠٠٠٠٠٠٠٠٠٠٠
تزعل لون سموك جلب الدواوين
الجلب اوفه هواي من صاحب الشين
٠٠٠٠٠٠٠٠٠٠٠
ربي الجلب تلكاه يتذكر الطيب
وابن ادم تربيه كل ضنك يخيب
٠٠٠٠٠٠٠٠
هزيت انه الغربال طاحو من العين
بغربالي من هزيت ماضل بعد زين
٠٠٠٠٠٠٠٠٠
هزيت انه الغربال لن قلبي النصاب
الجنت احسبه حجار لن كومة تراب
٠٠٠٠٠٠٠٠٠٠٠
خذ قلبي يالمحبوب بيدك دخلي
يشكيلك المتعوب من عشكك البي
٠٠٠٠٠٠٠٠٠
شعرك سواد اليل بي ذوبتني
بعيونك الحلوات جن صوبتني
٠٠٠٠٠٠٠٠٠٠٠
دك دكتين رداف قلبي وسكت ليش
لن زفة المحبوب يردف بعد بيش
٠٠٠٠٠٠٠٠
دك دكتين رداف كلبي ولزمته
لن عافني المحبوب موش انه عفته
٠٠٠٠٠٠٠٠
دك دكتين رداف قلبي ورجف حيل
مابي صبر لفراق لابي سهر ليل
....
شلتيني وانه صغير من عمري ساعات
بعمري ماوفيج يايمه هيهات
.....
ياهزة الغربيل تبين الزين
الجانو عليه عزاز طاحو من العين
.....
حشمتك اعله موش صعبه وتحله
ياگاضي الحاجات يمك اخلها
....
:كون الابو ياناس مايخله داره
لعياله تجوه يصير مثل المناره
.....
جاون يدك بالروح واصفك بالايدين
غدر الكرايب حيف تسولفه العين
....
ديوانك الغربان تنعق جزت بيه
والدله ونت حيل المن تخليه
......
ديوانه عامر بيه والدله مقياس
غرب واجه الحصين يتولى عالناس
.....
:ابن امی بالکلفات هوای وفای
ذكرني بالعباس من ماشرب ماي
..٠٠٠٠٠٠٠٠٠٠٠٠٠٠...
بسك يدهري وياي ماضل بعد راي
العندي اغله الناس لن صارو اعداي
......
الجنت اضنه حزام والضهري حماي
هداني وكت العوز يطعني بجلاي
.....
:طكني وتلاوه وياي وتعارك البين
مو بس ضلع ياناس كاسرلي ضلعين
......
بالكسر خلها تهون اسكت يموجوع
بجون رماني البين يطحن بالضلوع
.....
جانت سند بالضيج امي وتجيه
وسفه والف ياحيف جتها المنيه
.....
ربك ترى موجود هو خالق امك
ادعي بقلب ملهوف لابد يرحمك
....
:ربيتك بدمعات ياساعه تكبر
ملح الدمع جاليش عدك مغزر
