ليش اليحب ياناس حاله يتمرمر
بنهاره صافن ليش وبليله يسهر
٠٠٠٠٠٠٠٠٠٠
هجر المحب لوعات وموادعه دموع
من سافر الهل يوم ضل قلبي موجوع
٠٠٠٠٠٠٠٠٠٠٠
عشكتك يابدر دنياي عينك خاوت الكحله
كبالك سنه ولاسنتين وجهك ابد مامله
٠٠٠٠٠٠٠٠٠٠٠٠
صرت احسب الايام ودروبي بذراع
متاني بيك سنين لاترحل بساع
٠٠٠٠٠٠٠٠٠٠
نخله وسعفه تهون هينه بلعته
بس مدت الايدين متحملته
٠٠٠٠٠٠٠٠
فز وتزعزع حيل كلبي بلياليه
رايد حبيب الروح هالساع اوديه
٠٠٠٠٠٠٠٠٠٠
فز كلبي يرعد ليش جيت انه انشده
جاوب اريد هواي وديني عنده
٠٠٠٠٠٠٠٠
فز كلبي يردح حيل حسبالي زفه
لان التفت مر بي لخدوده ترفه
٠٠٠٠٠٠٠٠٠٠
فز كلبي جن موجوع يتكاطر دموم
من سافرو لليوم ماضايك النوم
٠٠٠٠٠٠٠٠٠
يمسافر اترجاك خذ روحي وياك
تهيم وتفر كل ساع من يمر طرواك
٠٠٠٠٠٠٠٠
يل شايل التابوت نزله ارد احاجيه
ياخذ كليبي ويا شلي بعد بيه
٠٠٠٠٠٠٠
يل شايل التابوت حلفتك تهيد
شيهود الدلال لوغرب بعيد
٠٠٠٠٠٠
يال شايل التابون روحه ارد ارده
صوبني ثلث جراح ودواي عده
٠٠٠٠٠٠٠٠٠٠
فاكد حبيب الروح ايست منه
اكضيه بالونات لو يرجعلنه
٠٠٠٠٠٠٠٠٠
حيه وحفر واشواك خله بطريجي
الجنت احسبه عضيد واحسب رفيجي
٠٠٠٠٠٠٠٠
حيه وحفر وشواك خلاها وتهون
كطعني كوم اوصال وماشه اليدفنون
٠٠٠٠٠٠٠٠٠٠٠٩
حيه وحفر واشواك سهله اعله الصغار
سلمني بيد اعداي ذبوني بالنار
٠٠٠٠٠٠٠٠
حيه وحفر واشواك واتحمل اكثر
ياقلبي بسك عاد بيهم لاتنغر
........
::شايف دمع بالعين. يتحول حجار
هيج انه دمعي يصير من هجرو الدار
.......
:صارو ليل هندس واحنه شمعه
خذو كل العمر منهو اليرجعه
اكلو زادنه بس ضيعو الملحات
نزل منا الحزن دمعه اعله دمعه
سوونه صور ومعلكه عالحيطان
من طعناتهم كبورنه مصدعه...
هذه للحشد
....
صارولي ليل طويل صرت انه شمعه
كل لحضه افز ملهوف وبعيني دمعه
.......
متعجب انته بهاي كل لحضه ملهوف
من الدمع ياصاح صبحت ماشوف
....
.تشرب جكاير ليش من ماتت امك
والكلب وجر نار تسري ويه دمك
......
ورثت كطف الروح اجذب ونينه
من نامت بتابوت امي الحنينه
.....
تيزاب اخل للعين واعميه للدوم
لو بجت يم شمات ودَمِعت يوم
.....
ماغمض جفن العين ووليدي غايب
انطر واصبر الروح وگلیبی ذايب
