مشاكلي إلى جانب دراستي ....

بارت 1

الساعة السابعة صباحاً والمنبه يرن مرة مرتين ثلاثة فتطفئه ثُــمَّ تعودُ لتكمل نومها فجأة يرنُّ هاتـفها ففركت عينيها جيداً وعندما رأت الرقم نهضت بسرعة عنِ السرير وردَّت قائلة : أجل.. لا لستُ نائمة.. لا تقلقي لن أتأخَّر.. عِدَّة دقائق وأصل ثُــمَّ أغلقت هاتـفها بسرعة لتغسل وجهها بعدها أخرجت من خزانتها بلوزة حمراء مع جينز أسود وحذاء ذو كعب رفيع لونهُ أحمر ثُــمَّ نثرت شعرها ذو اللون البني الناعم ورتبتهُ قليلاً ذهبت إلى المطبخ وحضرت شطيرة بسرعة بعدها خرجت مِنَ السَّكَن والتقت مع صديقتها عند المكان المتفق عليه . (مرام بنت حلوة وناعمة شعرها بني وعينيها لونهن عسلي وعمرها 22 سنة/ هناء صديقتها المفضلة والوحيدة من الصف الأول وهي عمرها قد عمر مرام لون شعرها عسلي وعينيها لونهن أخضر) . هناء بغضب : ليه كل هالوقت ؟! ساعتين وأنا بستنى يا آنسة مرام . مرام : أنا آسفة بس ما أتأخرت كثير وهذا المهم . هناء : يعني إنتِ لسا عم ... رفعت إيدها ووضعت إصبعها على فم هناء فسكتت وما كملت حكيها . مرام : آه ورح كمل طريقي وما لحد دخل فيني . هناء : طيب مثل ما بدك بس إنتِ بتعرفي أبوكي كثير وما رح يسكت على هيك شي صرلك هاربانه من البيت شهرين أكيد رح يلاقيكي. مرام : يسكت ولَّا لبعمره أنا بكرهه وما رح أرجعله ويدور وين ما يدور أكيد رح يستسلم وهسا قفلي الموضوع ويلا نوقف سيارة تاكسي عشان تأخرنا كثير . _________________________ولمَّا وصلن على الجامعة : هناء : وهسا شو بدنا نعمل ؟! مرام : شو قصدك بِـ شو بدنا نعمل ؟! أنا رح أروح على قاعة إدارة أعمال وإنتي على قاعة الإلكترونيات والحواسيب وبعدها رح نلتقي عند البوابة بنمشي شوي مع بعض وبعدها بنفترق أنا بروح لعملي الجزئي وإنتي لبيتكم وخلصنا . هناء بضحكة خبيثة : يعني بتخططي لإكمال دراسة إدارة أعمال ؟! مرام : آه بخطط لأني مستحيل أترك تعب اللي درسته قبل يروح عالفاضي وكمان أنا مش ضايلي إلَّا هاي السنة والسنة الجاية وبخلص . هناء : بس يمكن تتوظفي هلأ . مرام : رح يوظفونني مبتدئة وبنصف راتب وأنا مش رح أقبل بهيك شي إمَّا بشتغل زي الخلق والناس وإمَّا بكمل شغلي الجزئي. هناء : طيب وأنا بدي أجي معك مشان هيك ما رح تروحي لحالك . مرام باستغراب : شو بيحصل هون ؟! طول العطلة الصيفية وإنتِ نايمة بالبيت وهسا بدك تعملي ؟! هناء : كان توديعاً لأوقات النوم والكسل وبعديها إنتي قلتِ إنَّهم بحاجة لنادلة إضافية ؟! مرام : امبلا قلت بس ما رح تخدعيني لأنه الظاهر هاد القرار طلع قبل بضعة أيام . فشبكت هناء يديها ببعض وقالت : آه معاكي حق قررتُ قبل بضعة أيام والسبب إني سمعت أبي وأُمي إنهم رح يخرجوا خواتي من المدرسة عشان ما بيملكوا المال الكافي ورح يحرصوا فقط على تعليمي . مرام : يعني هاد السبب ؟! هناء : آه إنتِ بتعرفي قديش عيلتنا بسيطة وإنُّه أبي بيعمل من الصباح حتى المساء بدون كلل حتى يحصل على النقود وكمان أخي وهو بعمري انفصل عن عيلتنا واعتمد على حاله هيو بدو يتجوز وشغله ماشي امليح. مرام : آه اسمه باسم إنتي حكتيلنا عنه لمَّا كنا بالمرحلة الثانوية وكيف إمك وأبوكي تصالحه معه؟! هناء : إمي لمَّا طلع من البيت حزنت عليه كثير وقررت تقاطعه بس ما قدرت تتحمَّل بس أبي لسا ما بيحكي معاه كثير وزعلان منه ويمكن هو يرجع عن قريب ويتصالح معهم مرام : إنتي قلتي لأهلك إنك بدك تشتغلي ؟! هناء : قلتلهم ووافقوا بس بشرط إذا كان فوق طاقتي أو تراجع تحصيلي بالجامعة رح أتركه. مرام : آه منيح كثير . هناء : بس إنتي احكيلي بصراحة هسا مش رح نستمتع كثير مع بعض ؟! مرام بابتسام : أكيد رح نستمتع كثير هنووشة. هناء : طيب ما تـنسي رح نلتقي عند بوابة الجامعة بس نخلص محاضرات. مرام : شكلك نسيتي إننا رح نلتقي بعد المحاضرة الأولى في الكفتيريا وبعدها رح نرجع للمحاضرة الثانية ؟! هناء : لا ما نسيت لأنه مو دايماً متواجدة بالكفتيريا يمكن أتأخر يعني بس المهم بتعرفي وين قاعتك ؟! مرام : ما تقلقي رح أسأل حدا ليدلني على طريق القاعة مشان هيك ما في داعي تتأخري بسببي عن محاضرتك . هناء : إنتِ متأكدة ؟! لا تنسي إنّها هاي الجامعة مش كجامعتك السابقة يعني مش الجميعُ فيها امليحين في التعامل ويمكن يخدعوكي ويستغلوكي ويضغطوا على إيدك اللي بتوجعك إذا غلطتي معهم. مرام : آه متأكدة وكمان إنتي قلتيلي عنها كثير رح كون حذرة ما تقلقي. هناء : طيب مثل ما بدك بس حطي هالمعلومة بعقلك وما تنسيها لا ترافقي حدا قبل ما تكوني حافظتيه مثل ِاسمك وحطي مسافة بينك وبين أي رفيقة بتقابليها جديد اوك ؟! مرام : اوك ما رح أنساها وبعدها راحت وطلبت حدا يدلها وكان الآذن وراح دلّها ولقيت رقم قاعتها وهناء راحت على قاعتها . _______________________________فطرقت باب القاعة ودخلت : مرام : بعتذر دكتور لأني تأخرت . دكتور نبيل : طيب ادخلي بس ثاني مرة مش رح أمرقها بس قبل ما تفوتي عرفي زملائك عن نفسك لأنك جاية جديد على الجامعة ما هيك ؟! مرام : آه انتقلت جديد اسمي مرام تشرفت بمعرفتكم . دكتور نبيل : أهلا وسهلا فيكي يمكن هلأ تتفضلي مكانك . ___________________________________وبعد عشر دقايق : دكتور نبيل : طيب هسا رح نبدا مين ما أجى لحد الآن ؟! فرفع إيده شاب وحكى : دكتور رواد ما أجى . دكتور نبيل : طيب هسا بعد المحاضرة بدق لأهله عشان ما أجى واحنا متعوديين ما يجي بس مش فاهم كيف بيحصل على العلامات في الإمتحان وهو ما بداوم كثير والله غريبة هههههههههه . مجد : دكتور إنتَ جربت تروح على بيتهم وتشوف أهله أو بعثتلهم ورقة عشانه ؟! دكتور نبيل : لا صراحة أنا بتصل وبس ما في داعي لأروح وهسا بدنا نبدأ بالمحاضرة . ________________________________________ولمَّا خلصت المحاضرة : تقربت بنت من مرام وحكت : أهلين مرام أنا اسمي سارة تشرفت بمعرفتك . مرام : وأنا تشرفت كمان بس إنتي كم ضايلك حتى تتخرجي ؟! سارة : أنا ضايلي سنتين وبخلص . مرام : هلأ يعني أنا وإنتي نفس بعض أنا كمان ضايلي سنتين . سارة : طيب بأي جامعة كنتي ؟! وليه انتقلتي لهاي الجامعة ؟! فضبضبت مرام أغراضها وحكت : بعتذر بس هاي أمور ما بقدر أحكي فيها . سارة : آه طيب مثل ما بدك أنا بعتذر كمان تدخلت بأشياء ما إلي دخل فيها . مرام : لا تعتذري لأنه مش هالشي اللي بيستحق بس المهم مين هاد رواد ؟! سارة : طيب هات لحكيلك اللي بعرفه عنه رواد هاد واحد عمره 24 سنة وغامض كثير هاي السنة الأخيرة له بالجامعة طبعاً ما في له أي صديق هون وما بيحكي مع حدا أحياناً بيجي بيحضر الدروس مش دايماً بس هو معدلاته عالية كثير وبضل دكتور الجامعة يمدح فيه بس وين المشكلة غموضه بقتل الواحد قتل وهو جميل كثير وشخصية وجميع البنات اللي شفنه طار عقلهن منه. مرام : من حكيك استنتجت إنه واحد مغرور ومخيف كمان صراحة هلأ دروح عالكفتيريا بشوفك بعدين . سارة : أي روحي الله معك . مرام : كأنه مو عاجبك يعني تفضلي قدامي عازمك على فنجان قهوة يلا . سارة : وللللل إنتي مخيفة صرتي قارية شو بعقلي كمان . مرام : ايه وبقرا شو بدك كمان ؟! سارة : طيب يلا نروح عالكفتيريا ما دمتِ عنجد عازمتيني . مرام : طيب اوك يلا نروح . ____________________________ ولمَّا كنن كاعدات بالكفيتيريا : سارة : شوفي يا مرام ؟! كأنك كاعدة بتدوري على حدا معين ؟! مرام : آه بدور بس مش مبين . سارة : يعني صرتِ مكونة صداقات من أول ما وصلتي هون؟! مرام : لا أنا بدور على صاحبتي كنت أنا وإياها بالمدرسة الثانوية مع بعض بنفس الصف جيت أنا وإياها على الجامعة . سارة : وشو بتدرس ؟! مرام : الكترونيات وحو اسيب أكيد مشغولة هلأ بعثـتلها رسائل بس ما ردت. سارة : آه أكيد مشغولة لأنهم مشغولين كثير بس شو رأيك نتبادل الأرقام واسم حسابات الفيس والواتـ... مرام مقاطعة : اوك بس أرقام التلفونات أمَّا الفيس والواتس ودواوينه للأسف ما عندي . سارة : عنجد ليكي الجميع بحط وانتي لهلأ شو بتستني ؟! مرام : أنا بعرف إنه كثير من وراهن بيجي وجعة رأس وبهادل لهيك أنا ما رح حط حتى أنهي جامعة منه بتسلا مع رفيقاتي ومنه بكون فاضي ومتفرغ لأنشر منشورات وأشياء حلوة . سارة : معناها بس تحطي لا تنسي تقوليلي ماشي ولي ولَّا بقبرك . مرام : أكيد إذا ضلينا على طول هيك صاحبات . سارة : ليه ما رح نضل ؟! مرام : ما بيعرف الواحد شو بصير معه . سارة : ولو شكلك ما بتأمني عليَّ معقول في حدا خانك من قَبِل من صاحباتك ؟! مرام : فيكي تقولي شي مثل هيك صار عشان هيك مشان ما نزعل من بعض أو أتشاجر معك قوليلي عنجد وبكل صراحة ليه جيتي تحكي معي وكأنك بتعرفيني من قبل يعني أنا جديدة على القاعة وغريبة على الجامعة يعني شي غريب.... صح ؟! سارة : طيب أنا جيت لعندك لأني كنت مستغرب منك يعني الواحد لمَّا بيعرف عن حاله وخصوصاً بالجامعة بيعمل حاله أبصر شو وفارد شخصيته ومو بس هيك يعني الكل كان عم يطلع فيكي في المحاضرة وإنتي ولا كأنك شايفة حدا عقلك وتركيزك مع دكتور الجامعة فأعجبتني شخصيتك وقررت أحكي معك . مرام : طيب ما في عندك صاحبات ؟! سارة : أنا شايف شلة هالبنات اللي بالقاعة عنا مغرورات كثير وإذا غلطتي وعلقتي معهن احسبي حالك ثاني يوم متقلعة منِ الجامعة أنا بحذرك منهن كثير غنيات وأي شي بدهن إياه بصير ما حدا بيقدر بوقف بوجههن مشان هيك أنا ما بمشي مع حدا إلي رفيقة مثلك وهيها بنفس قاعة رفيقتك . مرام : اها الله يديم هالصداقة بينك وبينها . سارة : آمين وإنتي شو رأيك بنقدر نوثق ببعض ولَّا شو ؟! مرام : طيب أنا وثقت فيكي وفينا نكون صاحبات بس أنا وحدة غامضة كثير وكمان فقيرة ويتيمة يعني عادي عندك ؟! سارة : عادي ما في حدا منا كامل كلنا عنا نقص يعني أنا عيلتنا غنية وعندي أهل كمان بس أهلي بضلوا مسافرين وأنا بضل قاعد لحالي أنا والخدم ونفس الروتين من وأنا صغيرة لحد الآن بس اللي تغيَّر إني هلأ بالجامعة والله نفسي ملَّت نفسي شي يوم أكسره بس لو أكسره بتعاقب . مرام : يعني شلة البنات اللي حكتيلي عنهن شو عملن لحتى تحكي عنهن هيك ؟! سارة : صراحة هذيك السنة قلَّعن وحدة بدون أي سبب قال بس لأنها وحدة عادية وبسيطة وبقرفن هيك أشكال كل يوم صرن يعملن مشكلة إلها لفصلنها مشان هيك لا تقربي منهن . مرام : طيب خلص فهمت يلا نتبادل أرقام الهواتف . سارة : آه يلا سجلي عندك ***** ______________________ولمَّا كانت هناء ومرام رايحات مع بعض على العمل الجزئي : هناء : آسفة ما كان عندي وقت فراغ حتى أحكي معك وانتبهت للرسائل قبل شوي . مرام : عادي عندي أصلاً كانت فرصة منيحة لأتقرب من حدا وأكون صداقة جديدة . هناء : لا تنسي شو عملن صاحباتنا معانا قبل في المرحلة الثانوية . مرام : لا مش ناسي وما رح أنسى بكون وحدة غبية إذا وقعت بنفس الحفرة مرتين . هناء : يعني شو عملتي ؟! مرام : عملت مسافة بعيدة بيني وبينها وما حكيت شي غير عن الجامعة واشي مثل هيك . هناء : امنيح وشو كمان ؟! مرام : طلبت مني رقم تلفوني وأنا عشان أكمل القصة إنه أنا فقيرة ويتيمة طلعت تلفون من النوع القديم بتعرفيه وأعطيتها رقمي وبس والفيس والواتس والأشياء اللي مثل هيك ما أعطيتها إياهن وقلتلها وجعة راس. هناء : آه منيح والله إنك داهية بس عنجد حطي واتس بتسلى أنا وإياكي . مرام : بكفي الفيس وإنتي الوحيدة اللي بتعرف عندي فيس . هناء : هو فيس يعني ولَّا بتمزحي ؟! مرام : ليه مو عاجبك اسمي المزيف ومنشوراتي كلهن حلوات ؟! وبعديها ما بحكي عليه كثير . هناء: لأنه بحس حالي لمَّا أفتح على صفحتك إني ما خلصت من شي اسمه عربي وشعر وروايات إنتي حيانة فيكي رايحة إدارة أعمال كون رحتي شاعرة، روائية، معلمة عربي والله بتليق فيكي أكثر. مرام : وإنتي حيانة فيكي رايحة الكترونيات وحواسيب لازم رحتي رياضيات يا عاشقة الرياضيات مشان هيك ولا كلمة ما تفتحي ثمك . هناء : ههههه طيب يلا نسرع يا أستاذة مرام مو امليح نتأخَّر. مرام : الصبح كنت آنسة وهلأ أستاذة أبصر شو بعدها . ____________________________وفي الشغل : فادي : مين اللي بتكون معك ؟! مرام : هاي رفيقتي هناء بدها تعمل كمان . فادي : طيب تفضلن ساعديها يا مرام ما بدي ولا غلط . مرام : اوك في شي ثاني ؟! فادي : آه بكرى بدو يجي رئيس الشغل هون وبدو يشرف على كل شي وما بدي أيَّة أغلاط . مرام : طيب شرحتلوا إنه ما بنقدر نيجي من الصبح ؟! فادي : آه قلتله وقال عادي بسيطة بس المهم تكونن قدها وقدودها. مرام : طيب شكراً الك عذبتك معي . فادي : لا ما عذبتيني وأنا كنت بدي حدا يعمل مهما كان وبحب أساعد بقدر الإمكان كنت لسا إذا رفض رح أتواسطلك عندو حتى تشتغلي بالشركات. هناء : هو عندو شركات كمان غير إنه عنده هالمطعم ؟! فادي : هو بيعمل على إدارة خمسة شركات ومطعمين غير هاد لسَّا وكلهن مشهورات كثير ما سمعتي فيهن قبل ؟! هناء بقلبا : لا هاي المرة الأولى بسمع شو شايفني يعني بتتكبَّر ؟! مرام : يلا بدنا نروح على الشغل وراحت هي وإياها . ________________________ولمَّا خلصن ولبسن أواعي النادلات : مرام : واو حلو لايق عليكي كثير . هناء : لا إنتي الأحلى حبيبتي ... مرام ؟! مرام : نعم . هناء : بتعرفي حاسس حالي مو نادلة وإنما خادمة . مرام : ههههههه بلشتي من هسا تتذمري ولسا ما عملتي شي معناها الله يعيننا ويصبرنا عليكي . هناء : لا عادي أعمل بسس حاسسته هلأ شي غريب ما حسيتي أول ما لبستيه مثلي ؟! مرام : عادي بتتعودي وصراحة مش فارقة عندي المهم أصرف على حالي من عرق جبيني. هناء : ههههههه بعد ما كنتِ عايشة عيشة ما شاء الله "قال عادي عندي" ما رح صدقك لو بتموتي . مرام : يعني في معك حق كرامتي شوي انذلَّت بس المهم مش خادمة . _______________ ولمَّا الساعة كانت ستة وكانت هناء رايحة توصل القهوة لطاولة ما : الشخص : قعدنا كثير هون شكله عنجد الشغل ماشي امليح . مساعد الشخص : يعني إنتَ قعدت هون عشان تشوف الشغل ولَّا عشان تضيع وقت وتتهرَّب ؟! الشخص : ليه بدي أتهرَّب ؟! لو أتهرَّب ما رح أستفيد . مساعد الشخص : أحط في القائمة التقييم ممتاز . الشخص : آه يلا بدنا نروح بلكي خلصت بدري شغل . مساعد الشخص : وما لقيت حِجِّة عشان ... الشخص مقاطعاً : شوفيها إذا غبنا أوَّل يوم ؟! عادي بتتعوَّض . ولمَّا كانوا بيتناقشوا في الموضوع كانت هناء زهقانة وتعبانة كثير من كثر ما نقلت فاصطدمت بِـ الشخص وانسكبوا فناجين القهوة على أواعي وإيدين مساعد الشخص فانحرقوا إيديه من كثر ما كانت القهوة ساخنة . الشخص بغضب وعصبيَّة: لك إنتي شو عملتي؟!!! فادي... لك فادي !!!! وكان يصرخ بصوت عالي. فأتي فادي مرعوب وقال : شوفي هون ؟! ولمَّا شاف الرئيس حكى وكان مصدوم كثير : سيدي إنتَ شو جابك هون ؟! مش قلت بكرى ؟! الشخص بغضب : شو يعني ممنوع ؟! أنا حبيت أقيِّم المكان على السكت وكان المطعم رح يترقَّى بس بسبب اللي حصل هسا هاي النادلة الهبلة مطرودة وإنتَ مخصوم من راتبك وهاد المطعم مستحيل أرقيه ولا رح فكِّر بترقيته أو أفوته من هون لشهرين ثلاثة . هناء : أنا آسفة بس ... الشخص مقاطعاً : لا بس ولا غيره هلأ انقلعي من وجهي وما بدي أشوفك هون يلا لبرا ولا تفكري تدخلي هون مرة ثانية . مرام : تجاوزت حدودك يا محترم . الشخص : مين إنتي كمان ؟! صاحبيتها صح ؟! وجاي عشان تمثلي دور البطلة معناها انقلعي إنتي وإياها لبرا . مرام بغضب : كيف بتحكي معي هيك؟! شو شايف حالك عليّ؟! ما رح أنقلع لا أنا ولا هي . الشخص باستغراب : كمان إلك عين تحكي وصاحبتك غلطانة ؟! مرام : آه في إلي عين لأنه هالقصة صراحة ما بتستحق كل هالعصبيِّة كمان إنتَ يا محترم شو بتستنى روح أغسل إيديك هناء روحي جيبي مكعبات ثلج للمحترم هاد شكله مصدوم شوي، فراحت هناء بسرعة وكانت بتقول بقلبها : أبصر شو يصير فينا هلأ الله يستر من مرام. فادي بارتباك : آنسة مرام إنتي بتعرفي مع مين بتحكي ؟! مرام : آه بعرف مع واحد مغرور كثير وشايف حاله. الشخص : لا ما حزرتي عم تحكي مع رئيسك . مرام : وشو يعني رئيسي ؟! شو بدي أعمل إذا بحكي معاه ؟! الشخص : يعني لو سمحتِ شوية احترام قبل ما أفقد أعصابي . مرام : قبل ما أحترمك لازم تحترمني أوَّل شي . الشخص : يا عيني كبرت معي القصة السيد لازم يحترم خادمه . فغضبت مرام كثير ورفعت إصبعها بوجهه وقالت : ليك أنا ماني خدامة وأنا بعمل هون زي أي شخص بدو يعيش ويصرف على حاله وبعديها أنا طلبت من صاحبيتي تعمل هون وجبتها لا فادي ولا هناء إلهم دخل بدك تعاقب بتعاقبني أنا وأنا مستعدة لأدفعلك أي مبلغ وعادي عندي أنطرد بدور على مكان ثاني أنا أصلاً رايحة من هون من أوَّل ما سمعت كلمة خادمه مش مستاهلة الشغلة تهين كرامتي بالأرض أنا كرامتي فوق كل شي وهيني ماشية وقبل ما أروح قول كم بدك ؟! عادي بدفع . فادي : آنسة مرام بس إنتي عندك ...؟! مرام مقاطعة : عادي عندي قلت بقدر أدور على مكان شي ثاني أي ما في غير هالمكان دروح أبدل أواعيي وبرجع. فأمسك الشخص بإيدها وقال : طيب زي ما قلتي الشغلة مش مستاهلة مشان هيك ما رح أعمل شي بس إنتي بتتحملي المسؤولية . فتركت مرام إيدها منه وقالت : لا مش رح أرجع وهسا بدفعلك . الشخص: إنتي عاقلة وواعية وبتعرفي إنك ما رح تتوظفي بسرعة لأنهم ما بيوظفوا ببساطة. مرام : وطيب وزي ما بدك وهلأ كم بدك أدفع ؟! الشخص : بدي تعوضيني بس مو دفع . مرام : بالمختصر شو ؟! الشخص : بدي تكوني مساعدتي بداله . مرام باستغراب : شوووووووووو؟!!! الشخص : لا ما حزرتي هلأ أنا عليّ شغل مليان وما بقدر أجيب مساعد بسرعة بدي يومين ثلاثة على الأقل مشان هيك رح تعملي بداله . مرام : يعني هاد التعويض ما بتقدر بشي ثاني ؟! الشخص : لا يا ستي هاد مساعدي وحرقت صاحبيتك إيديه وإنتي قلتي الحق عليكي وبتعوضي وما إلي أي دخل . هناء : هي أحضرت مكعبات الثلج . فادي : هاتي عنك أنا بساعده روحي نظفي مكان اللي حصل بسرعة . هناء : حاضر . الشخص : لا مو اللي إسمها هناء رح تنظف الثانية لأنها على أساس بدها تتحمَّل المسؤولية . مرام بتذمر : طيب وشو كمان متى بدك إياني آجي وأساعدك وكم المدة ؟! الشخص : أسبوعين حتى يتحسنن إيديه امليح لأنه القهوة كثير كانت ساخنة . مرام : كلها قصة هالأسبوع وبرجعوا مثل ما كانوا ليش الأسبوعين ؟! الشخص : بقلك القهوة كانت ساخنة كثير وبعدين إنتي ما تعترضي وإلَّا بخليها شهر . مرام بقلبها : العمى شو إنه واحد مغرور وشو بقرفه أي شو ورطنا بالعمل عنده وبعدها قالت : يعني من بكرى رح أبدأ ؟!!! الشخص : آه ومن الصبح كمان . مرام : بس أنا... الشخص مقاطعاً بغضب : أي كلمة بدي أقولها بدك تعترضي خلص اسكتي ولا صوت بدي أسمع منك. فادي : بس معها حق سيدي . الشخص : ليش واقف معها ؟! يعني لأنها ساعدتك ؟! فادي : لا بس هي ... مرام مقاطعة : أنا بدرس لسا بالجامعة يا محترم هاد اللي كنت بدي أقوله وقاطعتني . الشخص : امليح وبأي جامعة وأي فرع ؟! مرام : جامعة الساهرة إدارة أعمال . الشخص : ممتاز نفس الجامعة اللي فيها أنا يلا بشوفك بكرى بس قبل ما أروح بدي أشوفك بتنظفي مطرح اللي صار قدامي وإنتي يلي إسمها هناء روحي جيبي إلي ولمساعدي كوكتيل الفراولة . هناء : حاضر وبعدها راحت . الشخص : وإنتَ يا فادي تفضل اقعد معنا عشان نناقش الدعم والترقية اللي بدها تصير . ______________________ وبعد ما نظفت وغادروا : فادي : فيكن تروحن وشكراً إلك يا مرام أنقذتينا . مرام : ما عملت شي مهم بس كنت بدافع عنِ الحق وهسا بدنا نروح بدك شي ؟! فادي : لا الله معكن . _________________________ولمَّا كنن مرام وهناء بيمشين بالطريق : مرام بغضب : أي ما أوقحوا شو إنه متكبر ومغرور زيادة عنِ اللزوم . هناء : إي والله بس امليح حصل خير . مرام : لك بقرفوا كيف رح أتحمَّل أعمل معه أسبوعين ؟! هناء : بتهون بس كيف هيك بتعملي ؟! كان خطأي احكيلي كل شي . مرام : هسا بقلك شو صار وحكتلها كل شي . هناء : بس مش عارف كيف أعوضك إنتي كاعدة بتتحملي ثمن خطأي . مرام : اسكتي بلا هبل ولك هو كان متضايق ومعصب بدون شي يعني على الجهتين رح يغضب . هناء : بس إنتي ... مرام مقاطعة: قفلي الموضوع وخلص احكيلي شو عملتي بالجامعة اليوم ؟! احكيلي كل شي صار معك. _______________________وفي اليوم التالي ولمَّا كانت جالسة بمكانها في الجامعة : سارة : صباح الخير مرام . مرام وكانت تتصفح بالكتاب : هلا صباح النور . سارة : شو هالإجتهاد يا بنت ؟! مرام : مش إجتهاد ولا غيره بس فضول شو في داخل هالكتاب. سارة : هههه يعني ؟! مرام : آه وأنا مش من النوع اللي بيمزح لمعرفتك يعني . سارة : طيب ليه ما رنيتي عليّ ؟! مرام : كنت تعبان كثير خلص بحاول أتصل اليوم إذا كنت متفرغ . سارة : طيب بس إذا ما اتصلتي رح أقبرك . مرام بقلبها: شو قصة هالقبر معها ؟!!!!!! سارة : مرام ، مرام ليكي هيو أجى . مرام : مين اللي أجى ؟! سارة : رواد اللي أحكيتلك عنه اتطلعي عليه .