مشاكلي إلى جانب دراستي ....

بارت 5 (والأخير ♥)

فأجى رواد وكان مبسوط كثير وحكى : إيواه كيفها مرام ؟! سماهر : كيفها يعني ؟! كاين معصبها شو هاد ؟! سارة : إنتَ غليظ كثير معها. رواد : شو أعملها مش ملاحظتني ولا معبرتني بالمرَّة وبالأصل هي البنت الوحيدة اللي بحكي معها ومش ملاحظة  . سارة : هههههه ما تنسا نظراتك عليها . رواد : طيب شو حكتلكن برأيها ؟! سماهر : حكت إنها بتحبك وبتموت فيك بس حرام عليك بدك تخليها على أعصابها ثلاث أشهر . رواد : هو أنا بدي أخليها على أعصابها بدي أقهرها شوي اعتباراً إنه انتقام منها . سارة : لا تفكر هيك لأنك شكلك ما بتعرفها ما حدا بيطلعلها راس براس . سماهر : آه هي بدون شي يوم بتصالحك ويوم بتحاربك كيف لو تجاكرها ؟! رواد : طيب مثل ما بدكن أصلاً أنا بكره أشوفها زعلانة ومقهورة بس خلينها مفاجأة وإصحكن تقلنلها . سارة : ولا يهمك بس إذا لاحظت ما إلنا دخل. رواد : هههه مش رح تلاحظ هي ما بتهتم بهيك شغلات وهلأ بشوفكن بعدين وراح . ___________________وبعد ثلاثة أشهرفي يوم تخرجه لرواد وبعد ما خلص الحفل : سماهر : مبارك يا رواد تخرجك . سارة : مبارك رواد بس رح نفتقدك كثير . رواد : شكراً كثير إلكن بس مرام ما في ولا كلمة وداع ؟! مرام : ههههههه ولا كلمة ما بتستاهل بالمرَّة . رواد : ييي علينا مش كنَّا أصدقاء ليه جادلتيني ؟! شو عملت ؟! غلطت يعني معك بشي ؟! مرام : لا ما غلطت بس يعني من الصعب امممم خلص ما تهتم سلام بابا بدو إياني . سارة وسماهر : سلام الله معك حبيبتي بنشوفك المسا. رواد : الله معك بس بتعرفي إنك غليظة فكرت رح تفرحيلي لأني تخرجت وحصلت على معدَّل عالي . فوقفت مرام ولفَّت ظهرها واتطلعت على رواد وابتسمت وحكت : بتعرف إني رح أشتقلك كثير سررت بالتعرُّف عليك رواد وطلَّعت من الكيس اللي بتحمله باقة ورد حمرا وكبيرة ورمتها لرواد وحكت : التقطها هاد إلك هدية مني لأنك اتخرجت ألف مبرووووووك يلا سلام . فالتقطها رواد وحكى : الله يبارك فيكي بس ليه حمرا شو المناسبة ؟! بتقدري تجيبيها صفرا، زهرية، بيضا ... مرام مقاطعة : ما تفهمني خطأ كنت مستعجلة كثير وأخذتها من أقرب محل بدون ما أنتبه شو لونها وراحت لعند أبوها وطلعت بالسيارة . سارة : كبريائها مش رح يسمحلها تعترف . سماهر : وما تنسوا إنها مفكرته بحب حدا غيرها ولحد الآن ما لاحظت. رواد : ههههه وما تنسوا إني قهرتها شوي . سارة : وما تنسا إنها جادلتك وتجاهلتك أسبوع وقتها . رواد : آه وكيف بدي أنسى وضحكوا مع بعض . سارة : على كل حال مبرووك يا رواد مقدماً . سماهر : آه مبروووك إن شاء الله بنفرح في عرسكم كمان . رواد : ههههه الله يبارك فيكن بس إحرصن تكونن عند مرام بكرى عشان تشوفن ردِّة فعلها . سماهر : احنا قلنالها بدنا نسهر معها وننام معها اليوم وبكرى وبعد بكرى . سارة : هي وافقت وأهلنا وافقوا وكمان لأنا عطلنا عنِ الجامعة أسبوعين وزبطنا بالجامعة . رواد : أي منيح بس كم جابت مرام ؟! حكتلكن ؟! سماهر : لا ما حكتلنا كانت اليوم مقهورة ومعصبة عشان علامتها . سارة : أبصر كم جابت لتخبيها عنَّا ؟! سارة : شو رايك تسألها يا رواد ؟! رواد : هههه بتحلمن مش رح أسأل ناقصني أخرِّب الجو وتعصب عليّ إسألنها اليوم . _____________وفي السيارة : منير : إيه يا مرام كيف علامتك بالجامعة ؟! مرام : امنيحة بابا بس متراجع شوي ورح عوِّض التراجع إن شاء الله . منير : يعني كم ؟! مرام : معدلي بالمادة الأولى 92% والثاني 90% والمعدل الكامل 91% . منير : مبارك يا بنتي وإن شاء الله بنفرح بتخرجك . مرام : إن شاء الله . منير : شو صاحباتك رح يجين اليوم ؟! مرام : آه على الأكيد . منير : يلا امنيح آه صح ووقف سيارته . مرام : شو فيه بابا ؟! منير : خذي هي 1000 دينار . مرام : شو بتمزح شكلك بابا ؟! منير : لا ماني بمزح الـ500 دينار اللي أعطتيني إياهن من قبل هنه من حقك . مرام : لاء انسيتهن اشبدي أعمل فيهن ؟! منير متجاهل شو حكت : والـ500 دينار الثانيات مني ومن إمك عشان نجاحك هدية منا ما عرفنا شو نجبلك بالضبط فقلنا نعطيكي مصاري أحسن وقتها بتشتري اللي بدك إياه . مرام : لا بابا أنا ما بقبل . منير : لاء بدك تاخذيهن ومو شرط تستعمليهن هلأ بعدين . مرام : بس بابا ... منير مقاطعاً : مريومة بدك تزعليني وتعصبيني وتضغطيني ؟! مرام : لا بابا المهم سلامتك وزي ما بدك رح خبيهن لأني مش محتاجهن حالياً . _____________وبعدها راحوا عالبيت وعالمسا جين صاحبات مرام سماهر وسارة وقضين ليلة حلوة مع بعض وضلين يسهرن للساعة أربعة وبعدها نمن وعلى الساعة سبعة كان منير وسلمى بيفطروا مع بعض : منير : وينها مرام ورفيقاتها ؟! ما بدهن يفطرن ؟! سلمى : حكتلي الخادمة إنهن ضلين يسهرن لوقت متأخر خليهن ينمن ما في جامعة عليهن أنا كمان شوي بنبههن . منير : لا خليهن ينمن قد ما بدهن . سلمى : ههههه بكرى بتخربلنا البنت بدلالك بكفيها دلال . منير : هو في عنَّا مية مريومة عنَّا بس هالمريومة خليها تدلل وإذا إحنا ما دللناها مين بدو يدللها غيرنا. سلمى : هههههه والله معك حق بس شو صارلك ليه بترفض كل اللي بيتقدموا لخطبتها شو بتستنى ؟! منير : في واحد بدو يخطبها ما أحكالي بس عينه عليها وبعديها مريومة شكلها بتحبه وأنا بعديها مش رح أقبل بأي حدا أنا ما بوثق فيه أو ما بيعجبني وبيعجب حبيبتي مريومة لازم كمان على رأيها لأنه احنا ما رح نضل معها طول الحياة وما رح نضمن إنها رح تكون سعيدة ومدللة طول العمر . سلمى : آه معك حق لازم ناخذ رأيها وهي بتعرف لمصلحتها منيح وكمان واعية كثير . منير : يلا أنا رح أطلع على شغلي بدك شي ؟! سلمى : لا سلامتك . ___________وعلى المسا كنن مرام وسماهر وسارة بالحديقة وبحكين ومبسوطات وكان أبوها وإمها لمرام قاعدين جوا على الأخبار فجأة بينطرق الباب وبيجي رواد ومعاه إمه وبيتفضلوا : منير : أهلا وسهلا فيكم شو سر هالزيارة المفاجِئة ؟! رواد : أنا بدي أطلب إيدها لبنتك على سنة الله ورسوله . منير : أنا ما بوافق إلَّا لتروح وتاخذ رأيها لمرام . رواد : طيب وينها هي ؟! منير : هيها مع صاحباتها برا بالحديقة شوفها واحنا الكبار بنحكي مع بعض . رواد : طيب هيني رايح أشوفها بس من وين الطريق ؟! منير : سحر يا سحر خذي السيد رواد لعند مرام . سحر : أمرك يا بيك ، اتفضل معي يا سيد رواد . وبعدما وصل لعندهن راحت الخادمة ورواد تسلل ببطء ورا مرام وسماهر وسارة شفنه وسكتن . مرام : إيه كملن شو ليه سكتتن ؟! فكان رواد خلفها وفوق راسها بالضبط فحكى : هههههه ليه بدهن يسكتن يعني ؟! فنقزت مرام من صوت رواد ووقفت بسرعة وحكت : بسم الله الرحمن الرحيم وإنتَ شو جابك لهون ؟! رواد : جيت أسهر معكن شو رايك ؟! افتحى يا مرام عقلك منيح لحد الآن إنتي مش فاهمة . مرام : آه فهمت جاي تعرفنا على حبيبة القلب . فصرن سارة وسماهر يضحكن بصوت عالي وما قدرن يمسكن ضحكتهن . رواد بعصبية : لا حول ولا قوة إلَّا بالله العظيم . مرام : شو أنا أحكيت اشي غلط . رواد : لا سلامتك خلص كملن السهرة يلا سلام . مرام : الله معك . فعصَّب رواد من مرام ووقف جنبها وحكى : شو إشي ضايل اغلطت فيه معك عشان ما تنتبهيلي ؟! خبريني آنسة مرام . فضحكت مرام وحكت : مش عارف شو بالضبط والله بس يعني إنَّك تفكرني مطلقة وتفكِّر إنه أبي جوزي السابق ولَّا تجلطني بموضوع حبيبة القلب هاي ولَّا تضلَّك تطلَّع عليّ طول المحاضرات وتزعجني بنظراتك مش عارف شو بدي أقلك بس إنتَ غلطت معي كثير . فابتسم رواد وحكى : يعني إنتي ملاحظة كل شي من البداية ؟! مرام: آه وصرت أقول بلكي غلطانة بس طلعت لاء وأنا بعرف إنك جيت هون عشان تطلبني من أهلي. رواد : ههههه يعني كل هالوقت وإنتي تضحكي عليّ وأنا فكرتك ما بتعرفي شي . مرام : ههههههه لو كنت هيك كان ما بصاحبك لأني ما بصاحب شباب وكمان ما بصالحك لأني إذا تجادلت مع حدا مستحيل أرجع أصالحه . رواد : وطيب شو قلتي ؟! مرام : خلص خبِّر بابا إني موافقة يلا يا بنات نكمِّل السهرة . فحملها رواد وحكى : هههه بتحلمي بدك تيجي تقوليله معي وراح عند أهلها . مرام : نزلني لك ما بتستحي عحالك نزلني يلا نزلني بسرعة . رواد : ههههه لا مستحيل أنزلك وبدك تتعودي أصلاً . مرام : إنتَ عنجد واحد مجنون وإذا بدك تعمل هيك خلص مش موافقة. رواد : آه أنا واحد مجنون ومجنون كثير مو شوي بس لأني حبيتك بس الشغلة مو لعبة خلص وافقتي وخلصنا يا شاطرة. سماهر وسارة : آآآخ منك يا مرام بتعرفي وبتخبي عنَّا والله إنك ممثلة شاطرة بس بتستاهلي شو بيصرلك هلأ وصرن يضحكن . فكان أهلها لمرام بيتطلعوا همه وإم رواد من الشرفة اللي بتطل على الحديقة وفرطانين من الضحك عليهم . منير (وكان على الشرفة) : خلص ما بيلزم تيجوا احنا على الشرفة سمعناكم وشفنا كل شي ألف مبروك واحنا موافقين كمان ومتى بدكم الخطبة ؟! فنزلت مرام بسرعة وحكت : عنجد ما بتستحي وبعديها بابا شو رايك بعدما أتخرَّج ؟! رواد : لا شكلك بتحلمي الخطبة رح تكون بكرى شو رايك عمي ؟! منير : آه طيب ابني مثل ما بدك . مرام : ليه يا بابا رديت عليه ؟! وشو عن رأيي ؟! منير : لأنه ضايلك لتتخرجي سنة وأنا أصلاً ما بجوزك قبل ما تتخرجي يعني بعد التخرُّج العرس . رواد : كنت بدي إياه بعد شهر بس يلا زي ما بدك عمي . مرام : يا عيني شو عم يصير ولللللل بدكم تخلصوا مني بسرعة . منير : لا حبيبتي هاي سنة الكون وبعديها لو كنت بدي أخلص منك كان خطبتلك من وإنتي عمرك 17 سنة كان كثير يتقدَّم لخطبتك ولحد الآن وأنا ما أوافق بس امنيح هلأ رح أرتاح منهم . سلمى : آه معه حق أبوكي احنا رفضناهم كلهم لأنَّا بنحبك كثير بس رواد بتحبيه وبحبك مشان هيك وافقنا لأنه اللي بيهمنا سعادتك مع أبصر مين كان . منار (أم رواد ) : آه معهم حق خلينا نفرح فيكم . __________________وبعد مرور خمس سنين__________________  كانوا مرام ورواد متجوزين وعندهم بنت عمرها أربع سنين اسمها منار (على إسم إمه لرواد) وكان عندهم ولد عمره سنتين واسمه منير(على إسم أبوها لمرام ) ومرام استلمت الشغل بشركات أبوها بعد ما تجوزت بإسبوعين وهي تجوزت بعد ما تخرجت بإسبوع وحصلت بالجامعة على معدل 95 % بالمادتين وكانت فرحانه كثير بمعدلها وصاحبتها سارة تجوزت وصار عندها بنت صغيرة عمرها ثلاثة سنين وسماهر اتجوزت وصار عندها ولدين توأم وكان عمرهم سنتين أمَّا عن هناء تجوزت من واحد على قد حاله وصار عندها بنتين توم عمرهن سنة وولد عمره ثلاثة سنين ورامي تجوز موظفة عجبته بالشركة وصار عنده ولدين واحد عمره أربع سنين والثاني سنتين ونصف . ولَّما كان رواد مروح بنته من الروضة : منار : بابا بتعرف إنها اليوم ماما ثو ثافتك الثبح بتعمل . رواد بابتسام : آه وشو شافتني بعمل ؟! فضحكت منار وشبكت إيديها ببعض وحكت : ثافتك لمَّا ركبِت معك واحدة جنبك . رواد : عنجد بتحكي معناها أكلناها اليوم . منار : ما تخاف بابا بنروح مثل كل مرَّة عند بيت جدو وبعدها بتنثى وبتثامحك . رواد : هئه هاي المرَّة ما رح أهرب رح كون رجَّال وعلى قد حالي فرن تلفون رواد فرد رواد عليها وحكى : آه طيب هينا بالطريق ... لا تخافي أنا روحتها ... صوتك معصبة آه صح منار مشتاقة لإمي بدي أروح اليوم عندها وكمان أختي روحت من السفر اتغدي والحقينا إنتي ومنير سلام . فضحكت منار وحكت : تلتلت لاذم نروح عبيت جدو بث عنجد عمتي روحت بابا. رواد : آه حكتلي الصبح وحكت كمان إنها جايبتلكم هدايا بس بتعرفي امنيح إنها روحت اليوم شكلها إمك مو رايقة بنوب وأبصر شو صاير معها بالشركات . منار : ياي بث بابا ما تحتي هيت عن إمي لأنها دايماً رايتة بث إنتَ اللي بتعثبها يعني هي غلطانة لأنها بتغار عليت يا بابا ؟! رواد : منار إشبدك بهيك شغلات وفكري بهدية عمتك شو رح تكون وبعديها إمك بتعرف كثير إني ما بهتم وما بحب حدا غيرها . منار : بابا بتعرف إني بحبت وبحب ماما كثير . رواد : آه بعرف وإنتي بتعرفي إنك بتشبهي إمك كثير وبموت فيكي وفيها . فضحكت منار وحكت : بث بابا إنتَ نثيت منير ما بتحبه ؟! رواد : لا ما نسيته أنا بحبكم كلكم بس أكثر وحدة إمكم ويسعدلي هالضحكة. منار بابتسام: ثتراً بابا . رواد : يلا نسرع تأخرنا . _______________**((((النهاية))))**________ __ __ ___