اول مره تحب يا قلبى

الجزء الاول

اسمى نور بنت مصريه من عيله متوسطه من اسكندريه عايشه عيشه اهلى الحمد لله بابا اسماعيل مدرس رياضيات فى ثانوى فى مدرسه الثانوية بنات فى الاسكندرية وماما ست بيت عند اخ اكبر منى بسنتين فى تالته ثانوى واختى اصغر منى فى سنه تانيه إعدادى وانا فى أولى ثانوى. كان عندى15سنه كانت اول مره احب حبيت واحد اكبر منى بسنتين ولسه لحد دلوقتى بحبه مش هقدر اقولكم أن حاولت مليون مرة انسى الموضوع وانى مشوفوش بس مقدرش هحكى لكم قصتي من بدايه سن ال15
****************
منى :قومى يلا ي نور هتتأخرى على المدرسه قومى وصحى اختك
نور:حاضر ي ماما كل يوم مدرسه مدرسه امتى هخلص يلا يا امنيه اصحى يلا عشان المدرسه
قومنا واتوضينا وصلينا الفجر وغيرنا لبسنا واتجمعنا كلنا على الفطار
نور :صباح الخير يا بابا
اسماعيل : صباح الخير ي حبيبتى
قومنا عشان نمشى مع بعض انا وبابا ووصلنا المدرسه
************
طبيعه مدرستى مدرسه بنات يعنى مفيش ولد دخلها قبل كده ودروسى كلها مع البنات ماعدا درس واحد بس درس العربى كان بيجى معانا ولاد لكن ملفتش نظرى ولا ولد منهم عدى اليوم الدراسى وخلص بكل قرفه
******
النهارده الاربع يوم درس العربى راحه زى اى يوم ومعرفش أن اليوم ده هيغير حياتى كده
نور :السلام عليكم
حسام :وعليكم السلام اتأخرتى ليه
نور:معلش ي استاذ والله جت متأخر من المدرسه
قعدت وبعد قعدتى بخمس دقايق بس شوفته شوفت اكرم ولد جديد جاى درس العربى الصراحه اول ما شوفته قلبى بدأ يضرب ضربات سريعه ليه معرفش مع انى اول مرة اشوفه حسيت بحاجه غريبه ملامحه اللى شوفتها من بعيد دى كانت حلوه اوى عيونه كانت عسلى وبدقن معرفش ازاى انا اخدت بالى من ملامحه دخل لكن مقعدش لأنه فى تالته ثانوى ابن مدرس العربى اللى انا بروحله واللى انا عند دلوقتى اول مرة قلبى يدق بالشكل ده وأحس أن انا فرحانه اخدنا الدرس وانا بفكر فيه مش عارفه ليه خلص الدرس وروحت
*******
راجعه تعبانه من الدروس مش قادره
نور:ماما انا مش قادره هنام
منى :استنى تتعشى الاول حتى
أما :لا مش قادره تصبحى على خير
دخلت اوضتى عشان انام نمت على السرير وغمضت اول ماغمضت شوفته واكنى أعرفه من زمان استغربت انا اول مره اشوفه نمت وخلاص قولت دى حاجه عاديه اعجاب عبيط ومش هشوف اكرم تانى فمعلقش نفسه بحاجه تافهه
لكن اللى هيحصل بعد كده هيثبتلى عكس كده خالص
*******
تانى يوم بعد ما قررت انى معتش افكر فى الموضوع وانساه صحيت وكالعاده ماما بتصحينى وفطرت ونزلت وروحت المدرسه
**********
سميه :ازيك ي نور اخبارك مفتحتيش نت امبارح يعنى
نور :جيت تعبانه من الدروس وروحت انام كنت هموووت وانام الصراحه
سميه :عشان كده
نور:ليه فى اى
سميه :اصل مرات استاذ حسام بتاع العربى ماتت
نور :ماتت ..! بجد ربنا يرحمها
سميه: يا رب بقولك انا هنزل عشان جعانه اوى تيجى معايا
نور : لا انزلى انتى انا تعبت من السلم
سميه :ماشى سلام
مامته ماتت زمانه زعلان دلوقتى اعزيه ولا اعمل اى بس هعزيه بصفتى اى يلا ربنا يرحمها
******
روحت وغيرت وقعدت فعرفت أن بابا رايح العزا
استنيت بابا لحد ما يجى عشان أسأله عن الاستاذ وبكلام خفيف كده عن أولاده بابا وصل
نور :حمدالله على السلامه يا بابا استاذ حسام عامل اى
اسماعيل :الله يسلمك ي حبيبتى مش كويس خالص هيشيل هم عياله هيربيهم لوحده
نور :وعياله كويسين
اسماعيل: ابنه الكبير اكرم تعبان جدا خسر امه ربنا معاهم تصبحى على خير
نور :وأنت من أهله ي بابا
**********
يا ترى هو عامل اى دلوقتى اى ده انا بفكر فيه ليه يمكن عشان زعلانه عشانه وبرضو ازعل عشانه ليه يلا أما انام احسن
******
يوم الجمعه
نور:صباح الخير يا ماما
منى :صباح الخير يا حبيبتى
نور :انا ماشيه يا ماما عايزه حاجه
منى :خدى بالك من نفسك
نور:مع السلامه
طب انا بفكر فيه ليه دلوقتى وبعدين بقى
نور :ازيكم ي بنات
سها:ازيك ي نور وحشانى
نور :وانتى كمان والله
****
بعد ما الدرس خلص
نور:يلا سلام ي بنات
سميه:مع السلامه
اكرم كان معدى وكان مضايق اوى معاه حق مامته ماتت
****
عدى اسبوعين بس اكدب لو قولت راح من بالى يوم
كنت داخله المكتبه عادى شوفته واقف هناك وحاجه لا إراديه خلتنى ابتسم ولقيته بيلف بيقولى
اكرم :ثوانى بس صاحب المكتبه جاى بيجيب حاجه بس
وانا زى الهبله بقول براحته ....
اكرم :انتى بتيجى عند بابا مش كده
نور:باباك مين معرفوش
اكرم :استاذ حسام مدرس العربى
نور :اها بروحله طبعاً .....البقاء لله
اكرم: البقاء والدوام لله ...اهو جه اهو
*****
خرجت عادى وهو خرج بعدى
اكرم :مش عايزه حاجه
نور :لا شكرا
اكرم :سلام .......وهو بيضحكلى
نور :سلام
***
رغم أنى كنت مقرره انى مفكرش فيه من تانى بس مجرد ما ضحك فرحت وحسيت بقلبى تانى بيضرب حسيت انى نفسى اشوفه تانى .....
اول مره احس الاحساس حسيت انى اعرف اكرم من زمان وفى نفس الوقت انا معرفش غيره اسمه
******
كنت راحه درس وشوفت اكرم
اكرم : بقولك اى
نور :انا
اكرم :اها انتى
نور:نعم
اكرم :انتى اسمك اى
نور:أسمى نور
اكرم:اسمك حلو اوى يا نور
نور :شكرا وانت كمان اسمك اى
اكرم :اكرم اسمى اكرم انتى اخت يوسف مش كده
نور:اها أخته
اكرم :طب انا همشى مش عايزه حاجه
نور :شكرا
اكرم :سلام
*****
نور :السلام عليكم
يوسف :وعليكم السلام اتأخرتى ليه
نور:مفيش حاجه
يوسف: طيب
يا ترى اكرم هيقوله انى وقفت معاه كل اعمل اى دلوقتى
*****
دلوقتى انا تفكيرى كله فى اكرم واخويا لو عرف انى كنت واقفه معاه ما انا برضو ماكنش ينفع اقف معاه يا رب استر .......