اول مره تحب يا قلبى

الجزء الثاني

نمت وكلى خوف أن اكرم يقول ليوسف انى وقفت معاه طب هو معقول يقوله انى وقفت معاه
نور :صباح الخير يا ماما
منى:صباح الخير ي حبيبتى
نور :اومال بابا فين وامنيه ويوسف
منى:فطروا ونزلوا كل واحد راح يشوف مصلحته
نور:اها .....
زمان يوسف راح يقابل اكرم دلوقتى يا رب استر
منى :موراكيش دروس ولا اى ي حبيبتى
نور:لا ورايا هلبس وهنزل على طول
منى :تعالى افطرى الاول
نور:حاضر
*******
نزلت من البيت وراحه درس استاذ حسام دخلت الدرس ومفيش حد فيه فجأه لقيت اكرم طالع
اكرم :اى ده نور ازيك
نور :اهلا ازيك ي اكرم
اكرم: الحمد لله كويس ...يوسف كان هنا ومشى من شويه
نور :بجد واتكلمتم عن اى
اكرم:كان جاى ياخد ملخص من عندى
نور :اها بس كده
اكرم :اومال انتى مفكره اى
نور:لا مفيش بسأل بس
اكرم :انتى خايفه لأكون قولت لاكرم أن احنا وقفنا مع بعض امبارح
نور:انا ....لا طبعا اخاف من اى
لقيته فجأه بيقرب منى وانا برجع لورا وكنت خايفه جدا
اكرم :متخافيش انا عمرى ما اقول كلمه غلط فى حقك ولا فى حق اى بنت
وانا قلبى عمال يضرب من الخوف والفرح
نور: طب انا لازم امشى ...ممكن تبعد شويه
اكرم :اها طبعاا ...اها على فكره مفيش درس
نور :بجد ..تمام ...خلاص انا همشى ..سلام
اكرم :سلام ....
وانا خارجه لقيت نفسى ببتسم زى كل مره
اكرم :انا شايفك وانتى بتضحكى على فكره
وشر احمر ولقيت نفسى بجرى اول ما سمعت كده
*********
دخلت البيت لقيت ماما ويوسف قاعدين قولت معقول اكرم قالهم
يوسف:اكرم ابن استاذ حسام قالى أن مفيش درس كنت عايز اقولك بس لما جيت ملقتكيش
نور:اها من روحت وملقتش درس
منى :اومال اتأخرتى ليه
نور:الطريق كان وحش اوى يا ماما
منى :طيب ي حبيبتى
نور :انا هدخل بقى
يوسف :ماشى
**********
دخلت اوضتى جرى وكنت فرحانه اوى ان اكرم قالى كده وزعلانه انى شكيت فيه  طلعت على السرير ولقيت نفسى بنط من الفرح عشان شوفته وفجأه الكئيبه تدخل عليا امنيه هانم اختى
امنيه :فى اى كسرتى السرير هقول لماما
نور:مفيش حاجه وبعدين كل حاجه هقول لماما اى ده يا خرابى ...
نور:اى ده انتى بتعيطى ليه
امنيه: لا طبعا انا اعيط ليه يعنى...صغيره انا  اعيط ضحكتينى
نور :امنيه كأبه متعيطش طب ازاى
امنيه :هو كده
نور:طب خلاص انا بقى هطلع اقول لماما انك بتعيطى وهى هتعرف وانا هعرف ويوسف وبابا وكله
امنيه :انتى بتهددينى
نور :حاجه شبه كده
امنيه :مفيش حاجه
نور:طيب ..يا ما...
امنيه :خلاص خلاص هقولك
نور :اتفضلى اتكلمى
امنيه: النهارده فى المدرسه كنت ماشيه كنا مروحين ووقعت على الأرض ملقتش غير عمرو اللى كان واقف
نور :مين عمرو ده
امنيه :زميلى هيكون مين يعنى وبعدين سبينى اكمل
نور :طيب كملى
امنيه :فجأه لقيته بينادى لكل الولاد عشان يشوفونى وفضلوا يضحكوا وانا طلعت أجرى من كتر ما كنت محروجه
نور: وهو ليه عمل كده
امنيه :عشان جاوبت فى دوره
نور:خلاص انا هجيلك بكره المدرسه وهكلمه واقوله ازاى يعمل فيكى كده
امنيه :لا لا مش مهم انا هاخد حقى
نور :وانا روحت فين انا كده كده هغيب بكره مش هروح المدرسه
امنيه :خلاص على راحتك...انا هغير لبسى وانام عايزه حاجه
نور:لا شكرا كفايه كأبه كده
يخربيت كده عكننت عليا فى كده يا عالم اعمل اى اختى بقى
*******
نمنا وانا بفكر فى اكرم ونمت وانا شايفاه اكنه معايا فى الاوضه وعدى الليل وصحينا وانا مقررة أنى هروح مع امنيه
اسماعيل :اى ده نور صاحيه فى يوم اللى غايبه فيه سبحان الله
نور:اول مره مثلا يا بابا وبعدين ده انا قررت اوصل امنيه النهارده
اسماعيل :ليه ما طول عمرها بتروح لوحدها
نور:حبيت اغير يوم كده واوصلها
اسماعيل :طيب انا قايم
نور :مع السلامه ..... امنيه انتى فين يلا
امنيه :خلاص خلصت اهو ..يلا ننزل
نور :يلا
منى :ابقى هاتى صابون وكلور وبرسيل ومعطر 
نور:ليه كل ده
منى :هنضف بقى هستغل قعدتك فى البيت بقى
نور: انا راحه المدرسه
دخلنا المدرسه وكان فيها تغيرات كتيره اوى زى الحمامات مثلا مش عارفه راحت فين معرفش بس مش مهم
نور:هو فين عمرو ده انا تعبت
امنيه :هناك اهو البارد بيضحك عادى
نور :استنى ده انا هفرمه دلوقتى
روحنا لحد عنده
نور :عمرو ...
عمرو : نعم
نور :لما امنيه وقعت بتضحك عليها ليه وبتجيب زمايلك يضحكوا عليها ليه مش كده عيب
نزلت تحت ومسكت ودنه وفجأة لقيت حد واقف وبيقولى فى اى انتى بتضربيه ليه ابعدى عنه
وانا ببص لفوق
نور:الولد ده .....
اى ده كملت اكرم
اكرم :نور ازيك عامله اى بتعملى اى هنا
نور :اختى كانت تعبانه فقولت اوصلها
امنيه :اى ده مش انتى جايه عشان تاخدى حقى
نور:هشش بس ده اخوك
اكرم :اها ....انتى بتقولى اى هو عمرو ضايقك
امنيه : اها
نور:لا ده حتى عمرو طيب مش كده ولا اى
امنيه :لا
نور :اطلعى على فصلك بقى
امنيه :انتى اساسا كلام على الفاضى
نور :سيبك منها
تليفون اكرم بيرن
اكرم :طب عن اذنك
نور:اتفضل
هموت وادخل الحمام بس يا ترى راح فين قولت اما ادور عليه فى اى مكان وفجأة لقيت اكرم
اكرم:انتى راحه فين
نور:ده انا بشوف المكان اصل اتغير
اكرم :انتى كنت فى المدرسه دى
نور:اها كنت فيها
اكرم:غريبه ولا مره شوفتك
نور :ولا انا برضو
اكرم :طب يلا عشان نروح
نور :يلا 
اكرم :على فكره شكلك حلو اوي وانتى بتضحكى
وفجأة لقيت وشر بيسخن واحمر
نور: شكرا
اكرم: انتى احمريتى كده ليه انتى حلوه اوى بجد
نور :انا همشى من هنا
اكرم :ليه بيتكم من هنا
نور:هجيب شويه طلبات لماما
اكرم: تحبى اجى  معاكى
نور :لا شكرا روح انتى عشان متتأخرش
اكرم :أتأخر اى انتى لو عايزانى اجى معاكى هاجى اطلبى انتى بس
نور:سلام ...
اكرم:سلام .....
*******
روحت البيت ودخلت الحمام لانى كنت بموت وفجأه تخرج الام المصريه غيرى لبسك عشان نشتغل
غيرت ولبست عبايه بيتى وطرحه ربطت بيها شعرى واطحنت شغل لحد ما امنيه جت
امنيه: على فكره انتى كلام وبس
نور :بس ي بنت مش انتى مكنتيش عايزانى اجى
الجرس بيرن
نور :افتحى
امنيه :مش فاتحه
نور:قليله الادب ....حاضر جايه
فتحت الباب ويا ريتنى ما فتحته اكرم وعمرو فجأة لقيت نفسى بصرخ
وماما وامنيه ويوسف جم وانا طلعت أجرى من منظرى
يوسف:اتفضل يا معلم
اكرم:انا عرفت اللى عمرو عمله وهوجاى يعتذر
منى :هو عمل اى
عمرو :انا اسف يا امنيه
امنيه :عادى ولا يهمك
اكرم :انا هستأذن
يوسف :ما تقعد شويه
اكرم :لا هروح بقى عايز حاجه
يوسف :لا يا اسطا شكرا
*********
يوسف :انتى بتصرخى ليه
نور:من منظرى ناس غريبه جايه تشوفنى كده
يوسف :طب وفيها اى يعنى
نور:خلاص اهو اللى حصل
******
نزلت كان ورايا درس وكلى امل أن مش عايزه اشوف اكرم وبعدها بخمس دقائق لقيته فى الشارع واقف
اكرم :يا نور....يا نور
نور:انا مستحيل ارد
جرى فى الشارع لحد ما لحقنى
اكرم:انتى بتتهربى منى ليه
نور:وانا ههرب منك ليه يعنى
اكرم:مش عارف حسيت بكده
نور: لا مش عايزه اهرب ولا حاجه
يوسف خرج من الدرس وشافنا
يوسف :انتى بتعملى اى هنا وواقفه مع اكرم ليه
........ ردى عليا 
اكرم :يوسف فى اى
يوسف :اخرس انت ....ما تردى يا هانم
طب اعمل اى دلوقتى وانا واقفه مع اكرم ويوسف اعمل اى ...........ارد اقول اى .....