اول مره تحب يا قلبى

الجزء الرابع

روحت البيت وكل همى اعرف اكرم عايز اى يا ترى هيقولى بحبك تانى ولا عايز حاجه عادية انا اول مره اكون فى موقف زى ده
اسماعيل :اتأخرتى ليه يا حبيبتى
نور:معلش يا بابا انا اسفه
اسماعيل :لا عادى انا بسألك بس
نور:طب انا هدخل عايز حاجه
اسماعيل :عايز سلامتك يا حبيبتي
نور:عن اذنك
دخلت اوضتى ولقيت يوسف قاعد فى الاوضه
نور :خير يا ترى عايز تكلمنى عن اكرم تانى
يوسف: اها بس عشان حاجه تانيه
نور:قولتلك يا يوسف مفيش حاجه بينا اعمل اى اكتر من كده انا تعبت
يوسف : اقعدى بس
نور:قعدت اتفضل يا ترى عايز تقولى اى
يوسف :انا بحب اخت اكرم ومش عارف اقول لها ازاى وخايف اكرم يزعل منى انتى فاهمنى
نور:بتحب انجى انت احسن حاجه تقوله هو عمره ما هيزعل من صراحتك
يوسف :انتى شايفه كده
نور: اها طبعا ....دى احسن حاجه
يوسف :طب خلاص انا اول ما الاقى الفرصه هقوله
نور:تمام .....يلا بقى تصبح على خير
يوسف :خلاص خارج وانتى من أهله
***************
نور:صباح الخير يا ماما
منى :صباح الخير يا حبيبتى
نور :الله اومال فين الباقى بابا وامنيه ويوسف
منى:نزلم 
نور:ليه
منى :مش عارفه قالوا هيعملوا حاجه مهمه......وانا كمان شويه هنزل هروح لخالتك سندس عايزانى
نور:طب انا هنزل عشان وراى درس عربى
منى :طيب يا حبيبتي متتأخريش
نور: حاضر
**********
منى :انا ماشيه يا نور عايزه حاجه
نور:لا يا ماما انا كمان شويه وهمشى
منى :طيب يا حبيبتى  مع السلامه
نور:مع السلامه يا ست الكل
******
لبست لبس حلو عشان هقابله وبصراحه كنت هموت وأعرف هو عايزينى ليه اكرم مش زى اخويا ولا حاجه انا عمرى ما اعتبرته كده ولا هعتبره اكرم اول واحد قالى بحبك اول واحد حبيته اول مره تحب يا قلبي
نزلت عشان متأخرش عليه ومشيت بسرعه
دخلت الدرس لكن ملقتش حد
اكرم: اول مره شوفتك فيها حسيت بقلبى بيرفرف من الفرح ولما شوفتك تانى وكلمتينى فرحت كان لازم اقرب منك كان لازم تعرفينى نور انا اول مره احب حد كده انتى حلوه اوى مش بس شكلا لا كل حاجه فيكى حلو ضحكتك وروحك ووشك لما يحمر وانا بكلمك لما شوفتك فى البيت واتحرجتى منى لما جبتلك غزل بنات قولتلك كلمه كنت اقصد اقولها
وشى احمر من كلامه الحلو وقلبى بيدق من الفرح
نور:كلمه اى
لقيته بيقرب منى
اكرم:نور انا بحبك .......بحبك جدا ولما ربنا يكرمنى وأجيب هندسه هتقدملك هقرأ فتحتنا على الاقل وهفاتح يوسف فى الموضوع
فجأة لقيت نفسى بقوله
نور:وانا كمان بحبك يا اكرم من اول يوم شوفتك فيه انا بحبك مش عارفه ازاى بس حبيتك يوم لما كنت واقف مع اختك كان فى نار فى قلبى ويوم غزل البنات انا سمعتك بس معلقتش خوفت
اكرم:خوفتى منى انا
نور:هستناك يا اكرم عشان تقرأ فتحتنا
وفجأة لقيت اللى بيشلنى وبيلف بيا وبيقولى بحبك فرحه عمرى ما كنت اتخليها اكرم بيحبنى واعترفلى بكده وانا كمان بحبه
********
اكرم:بقولك اى
نور:نعم
اكرم:تعالى عايز اوريك حاجه
نور: لا لازم اروح عشان متأخرش
اكرم:هتتأخرى على تعالى بس وهوصلك متخافيش
نور :بس ما نتأخرش
اكرم:طيب ماشى
مسك ايدى اول مره ولد يمسك ايدى حسيت بحاجه غريبه
نور:اكرم
اكرم:نعم
نور:ممكن تسيب ايدى انا مبحبش كده
اكرم:اها طبعا
نور:متزعلش منى
اكرم:هزعل ليه انتى بتتكلمى صح ......يلا نمشى
نور: يلا
*********
مشينا لحد ما روحنا مطعم
نور:اى ده احنا هندخل المطعم ده
اكرم :انتى خايفه من اى متخافيش
نور:لا انا لازم اروح
اكرم :تعالى بس
دخلنا المطعم وفجأه النور اطفى
نور:اى ده فى اى اى اللى حصل يا اكرم يلا نروح
اكرم :استنى بس
انا مقدرش اوصف اللى شوفته بس حكى حاجه بسيطه :
النور اشتغل لقيت بابا وماما وامنيه ويوسف وعمرو واستاذ حسام وانجى وكلهم فى صوت واحد :كل سنه وانتى طيبه
عيد ميلادى انا كنت نسياه
عمرى ما كنت اتخيل أنه هيكون بالحلاوه دى
منى :كل سنه وانتى طيبه يا حبيبتي
نور :وحضرتك طيبه يا ماما انا مش عارفه اقولكم اى بجد انا فرحانه اوى انا لسه لحد دلوقتى مش مصدقه اللى بيحصل ده
فعندما واحتفلنا واخدت الهدايا اللى هم جابوها  وفتحتها مقدرش اقولكم كميه الهدايا الحلوه اللى جتلى هقولكم هديه هديه
بابا =كوتشى
ماما =جبتلى ساعه وبرفان
يوسف =جبلى فستان احمر وكان حلو اوى
باقى الهدايا حلو اوى واجى لأهم هديه
هديه اكرم جبلى علبه حمرا كده وفيها خاتم فضه حلو اوى اول مره يجيلى خاتم فضه كنت فرحانه جدا
*****
يوسف :ازيك يا انجى
انجى :ازيك يا يوسف عامل اى
يوسف :الحمد لله
انجى : حلوه الهديه اللى جبتها لنور
يوسف:انتى احلى
انجى:ربنا يخليك
امنيه :يوسف يوسف
يوسف :نعم عايزه اى
امنيه :هو انت هتجبلى هديه عيد ميلادى امتى
يوسف :أما يبقى يجى
اكرم: انجى ....انجى
انجى :عند اذنك
يوسف :اتفضلى  ..لازم يعنى تنادى عليها يعنى دلوقتى يا عم اكرم انت كمان
انجى : نعم يا اكرم
اكرم :يلا عشان نروح .....يلا جماعه
نور:خلونا نقعد شويه
اسماعيل :لا يلا كفايه كده عشان منتأخرش
اكرم :هو فى درس بكره يا استاذ اسماعيل
اسماعيل :لا اجازه بكرا ان شاء الله
نور :اى ده انتى بتيجى عند بابا الدرس
اكرم :اها طبعا
حسام: يلا عشان نروح
*********
روحنا البيت وكلنا كنا فرحانين اوى 
اسماعيل:بصراحه يوسف واكرم تعبوا النهارده فى عيد الميلاد
منى :اها والله ربنا يبارك فيهم
امنيه :بابا هو عيد ميلاد امتى
اسماعيل :لسه شويه يا حبيبتي
امنيه:هتعملولى مفاجأه  زى نور
اسماعيل:طبعا واحسن من كده كمان
نور:هو بقى كده يا استاذ بابا
اسماعيل :اها طبعا انا معنديش غير امنيه
امنيه :وانا مليش غير بابا
نور :وانا مليش غير السرير تصبحوا على خير
اسماعيل :وانتى من أهله يا حبيبتى
*******
دخلت اوضتى وقعدت على السرير وانا بفكر فى اكرم واللى عمله عشانى وعرفت اد اى انا كنت محتاجاه فى حياتى وقررت اقوم ارتب الهدايا وبالمره البس الخاتم اللى جابوه اكرم فتحت الهدايا  ومسكت العلبه لقيتى فيها رساله من اكرم مكتوبه فيها:
اول عيد ميلادك ليكى معايا انا بحبك جدا الخاتم ده هديتى  ليكى البسيه اياكى تقلعيه انتى فاهمه .....بحبك من هنا لاخر الدنيا ⁦⁦❤️⁩
وفى اخر الرساله رقمه وكاتب هستناكى تكلمينى حبيبك اكرم
اترددت أكلمه ولا اعمل اى لقيت نفسى بجيب التليفون واسجله واكلمه كمان
اكرم:الو
نور:ا..ا..الو
اكرم:نور
نور:عرفت ازاى
اكرم :انا اعرفك من وسط مليون صوت ..كنت عارف انك هتلكمينى انا كنت مستنيكى
نور: انا هنام بقى تصبح على خير
اكرم :تنامى اى دلوقتى لسه شويه
نور: لسه اى
فضلنا طول الليل نتكلم اكرم فعلا مش زى اى حد انا اول مره احس الاحساس ده
نور:اكرم انا خايفه من تكون بتلعب بيا
اكرم:العب بيكى
نور:اها
اكرم :طب نامى دلوقتى وانا بكره هثبتلك انى بحبك مش بلعب بيكى ولا حاجه...تصبحى على خير
نور :وانت من أهله
يا ترى هيعمل اى عشان يثبتلى .......
رأيكم ....؟❤️⁩