الحلقه 16💜/
__________________
نور: ايوا ماما
ام نور: كيف حالكن كويسات؟؟
نور : اي اي كويسات وجو ولا اروع😍😍❤
ام نور: امتى بتروحن؟؟
نور: شوي بس نسأل البنات😅.. بنات ماما تسأل امتى منروحو😶!!
حنان: قوليلها الجمعه الجايا😂😂💔
نور:😲😲لالا غدوه تمام سادنا😶... ايوا ماما
ام نور: شنو!
نور : غدوه
ام نور: تمام ديرن بالكن ع روحكن
نور: تم حتى انتي
ام نور: حقا منقولك
نور: ان شاء الله خير
ام نور : منمشي لخوالك شوي
نور: راجي لين نروح نمشي معاك😑
ام نور : لالا منمشي بروحي نبي ناخد حاجات وهكي
نور: متجيش تاخديهن واني معاك ؟؟
ام نور؛ أاااا لالا قلت منمشي بروحي خلاص😑
نور:😕😕 باهي ياماما😑
ام نور: مع السلامه
نور: باي😩
حنان: خيرك
نور: مش عارفه ماما خيرها الفتره هذي تتهرب مني ونحس في روحي نشك فيها بديت😔💔
سيدرا: شن تشكي فيها كيف!
نور: والله بلا مبالغه يعني😩.. نحس وكانها متزوجه بالسر😭💔
البنات:😲😲😲
آيه : لالا بعدي تفكيرك هذا مستحيل خالتي منال اديرها😒
نور: ان شاء الله😔💔... نحس فيها معاش مهتمه بيا بكل 😤💔
حنان: روحي غدوه وافهمي منها
نور: قتلي بتمشي لخوالي ومش مخليتني نمشي معاها
آيه : نويرا يا عمري أمك عندها الحق يعني معقوله بتروحي من هنا و بتمشي معاها يعني مسافه الطريق بروحها أتعب لابال بتمشي لخوالك اللي في مدينه ...
نور: زعما هكي😕!
البنات: (يشبحن لبعضهن ويهزن في راسهن )اي اي اكيد اي ☺
نور: ان شاء الله😍
حنان : تعالن نلعبو حاجه
سيدرا: شنو😩!!
🌞🌚🌒🌓🌔🌕
"بعد مرور 3ايام"
______________
(روحو البنات ونتيجة المدرسه طلعت📑.. وهنا الثلاته نجحن وقررو يديره حفله كبيره مع بعض)
{سيدار تكلم في خوها}
سيدرا: سفيان امتى بتروح!
( نعرفكم ع سفيان: خو سيدرا طبعا هو طول وعرض وبشرته حنطيه شعره اسود ..طالع برا عشان شغل ويشتغل في شركه ويكون هو نائب مدير للشركه كل فتره وفترة يجي لسيدرا يشوف اللي ناقصها ويبي يتقرب من نور"سفيان معجب بنور ويحبها من 3سنين")
سفيان: ناقصك شي!!
سيدرا: سلامتك بس نبيك تحضر حفله نجاحي اني والبنات😢ومستاحشتك😟
سفيان: حاضر امتى حفلتكم😍
سيدرا :حتكون بعد بكرا🙊
سفيان: ووو ونور معاكم!😍
سيدرا: (اضايقت عشان عارفته يحبها ونور معتبرته خوها الكبير) اييي😩
سفيان: تمام بكرا مروح
سيدرا: تمام
سفيان: تم هي عندي شغل نكمله سلام
سيدرا :سلام
(صكرو الخط)
سيدرا: "تتكلم مع نفسها" ااهه😩 ياريت نقدر نخلي نور تحبك زي ما انت تحبها وتقعد ليك ونشوفك فرحان معاها😢..
(عند أسامه في حوشه)
آيه : اسامه😻!!
أسامه : همممم " وهو يساوي في شعره ع المرايا يبي يطلع"
آيه: نوور!!
أسامه : "شبحلها بسرعه" خيرها😍!
آيه: تعزم فيك ع حفلة نجاحها مع البنات بعد بكره🙊
اسامه:😍بعد بكره😍!
آيه : أسامه عارفتك تحبها وتبي تتقرب منها بس مانكش عارف😟💔
أسامه: اي صح😔مش قادر نتصرف😢
آيه : تعال نقولك ونساعدك😍🙊
أسامه ؛ وكييف !!
آيه: اني نحاول نجيب نور من الباب الخلفي في الحفله واعترفلها ع حبك حتكون أكثر فرصه مناسبه ليك😍
اسامه: لا بس خايف ترفض💔
آيه : اببداا😍 مش راح ترفض
اسامه: باهي وشن ناخد هديه نجاحها عارفتيني مانفهمش في موضوعكن😩!
آيه : نور تحب في الحاجات البسيطه مثلا سلسله بسيطه وتحب القرايه وعندها كتاب خاطرها تقراه بس ملقاتاش دوره واهديهلها😍
اسامه: فكره حلوه بكل 😍
آيه : اي....
_________
في اليوم الثاني :-
سيدرا: الو سفيان!
سفيان : اني قدام الباب افتحيه
(سيدرا كانو حداها نور وحنان يجهزو ويخططو ع الحفله... مشت سيدرا فتحت الباب واستقبال خوها ودخلاته. . طلعت نور وحنان اللي يعتبرو فيه وكأن خوهن *)
حنان: سفياان😍والله استحشتك الحمد لله ع سلامتك😻💜
سفيان: تسلمي😍 "شبح لنور" واني مستاحشكن😍
نور: الحمد لله ع سلامتك نورت الحوش😍
سفيان : ولو الحوش منور بوجودكن😍💜.." وقعد ساهي في وجه نور وجمالها"
سيدرا: سفيان جهزتلك دارك بيش ترتاح فيها☺
سفيان:
سيدرا: سفيااان!!😓
سفيان: اي اي هي راكب☺سلام بنات🙋
نور،حنان: سلام☺💜
(يوم الحفله🙆💜)
(نور وسيرا وحنان يجهزو في روحهن )
"لبساتهم" (نور كانت لابسه قفطان فضي قصير امبوج من تحت نظام كت👗ظهره عاري وشعرها خلاته مفتوح👧، حنان لبست قفطان اسود طويل مفتوح للفخده ظهره عاري ودارت شعرها تسريحها لفوق👸 ، سيدرا لبست قفطان أحمر قصير امبوج وظهره عاري وخلت شعرها مفتوح👧)..
نور : بناات😍
حنان: سيدرا: نعم
نور: جي جي😍😍
حنان: 😻😻ماشاء الله زايد في الحلاوه😍
سيدرا: اي☺(سيدرا اضايقت وقت شافات اسامه جاي عشان خافت ع خوها ....)
آيه : ماما شوفي محلاهم البنات😍💜
ام اسامه: اي ماشاء الله (أسامه قعد ساهي في نور ويشبحلها😍وهو ذايب عليها وع طرحتها وجمالها😍)
اسامه: ياحليلي😍😍
ام اسامه: شن شفتلك عروس امالا🙊!!
آيه : ههههههههه "تدوي في وذن امها بالشوي" شاف نور بجمالها يا ماما اكيد بينجن😍
ام اسامه : اها😂😂
....
(الحفله كانت روعه وجميله .. اسامه شبح سفيان يقدم لنور هديه وكانت كبيره ...* أسامه ماطمنش وقت شبح سفيان ويتبسم لنور)
سفيان: نور ان شاء الله تعجبك (ومدلها الهديه كانت عباره عن بوكس كبير فتحاته نور لقت الكتاب اللي هي ادور فيه من سنين وخاطرها فيه ومعاه قفطان وكندره )
نور:"وهي ماسكه الكتاب" سفياان😍بجديات هذا ليا😍😍
سفيان : اي اكيد لمن يعني!
اسامه: "يشبحلهم من بعيد"😓😓
(نور ع طول تعنقت سفيان وقعدت ماسكه ايده و تتشكر فيه .. اسامه شبح نور وقت مسكت ايده معاش قدر ع طول طلع وركب سيارته ومشي.. سفيان كان في موضع رومانسي )
سفيان : نور لازم نقولك شي مهم😍
نور: شن في!
سفيان: ....
___________________________
#*يتبع*
كتاباتي: Sana__snewa💜
لايك&كومنت=حلقه جديده
#تفاعلو
ملاحظه بسيطه:( شكرا ع اللي بعتلي خاص و يدعم فيا شكرا بجد حبيت😍💜.. و اني مقدرتش نرد عليكم 🙊بسبب يقولي تحقق من بريدك😓💔 )..😍💜
_________________________
