فصلية وحلالي الجو

البارت الثالث ..النهاية

هي لو
.........
رنا ..انتي
ليان..لج رنا ياه ما مصدكة معقولة
رنا..ياه واللة فرحت من شفتك
ليان..واني أكثر
رنا. .واللة زعلت على المرحوم ،،الكاتبة ،لعد تفرحيلة😂😂
ليان..أي راح شمعة البيت بس جانت غلطة طفل وانتي وكعتي ضحية
رنا.لج ليان واللة خايفة
ليان..لا حبيبتي لتخافين وانتي ابقي هنانة بل غرفة ارتاحي لبين ميجي رجلج
رنا..بس لا ذاك الصاك الي فتحلي الباب
ليان..ههههههههه كون يسمعج آلة يطير من الفرح
رنا ..ليش
مازن..جنت جاي الغرفتي وأسمع شيحجون وفرحت من طلعت رنا بس الي فرحني أكثر كالت علية صاك بس أختي الثولة رادت اجفص فدكيت الباب ودخلت حتى تسكت ومتفضحنا
رنا..دخل مازن لو كلبي راد يوكف على كد ما هوة حلو على كد ما اني خايفة منة
ليان..همست لرنا اجى حبيب الكلب شو هاي انكلبت طماطة كلت خل إطلع احسلي
مازن. شفت ليان همست لرنا شي وهاي وجهة تحول كوليا لطماطة بس خفت طلعت ورة ليان بسرعة وطمنتني انو محجت شي
رجعت لرنا لكيتهة دتبدل المسكينة من الخجل طفرت ورة الباب ومطلعت بس اني آلهة آلة اخليهة تحبني

رنا ..نزلت لجوة ولكيت الخالة ام مازن كاعدة رحت يمهة ومن شافتني تكلي اخوج كتل ابني حرمتوني منة حقها هيج تحجي قربت جان تكولي وخري مني ماريدج اني هنانة كمت ابجي واتوسل بيهة خالة اني مالي ذنب خالة همة جهال وغلطت طفل كافي تأذين
نفسج اني بعد يمج والي ترديه حاضرة اسويه انتي بس أهدي ولتبجين عليج إللى واللة اني حبيتج وماريد اخسرج
ام مازن. .جانت تحجي ودموعهة على خذهة اني انقهرت عليهة وكتلهة تعالي شو هاي إجت حضنتني وكامت تبجي وتكولي اني راح أصير مكان ابنج واخدمج بعيوني بس أرضي علية ولتسوين هيج بنفسج هيه صدك كلامهة صحيح
مازن. جنت فوك الدرج وأسمع فصليتي الكلب شتحجي وي امي واللة العضيم اني انقهرت من شفتهة بس أحمد ربي واشكرة لأن جابهة الي ولأمي لو وحدة غيرها جان هسة كلبت البيت علمود ترجع لهلهة

بعد نص ساعة صعت رنا فوك تريد تنام لأن صار ليل ولكتني كاعد إجت يمي وحجت وياي اتواسيني واللة اني مو يم حجيهة واني ضايع بيهة بعدها كالت عرفني عن نفسك زوجي العزيز اني هنانة طرت من الفرح من كالت زوجي وكمت انطلقت احجي وياهة وهية تسولف وتضحك وآخر شي كالت ممكن انزل لخالتي اريد اشوفها صدك من كالت هيج كبرت بعيني اشكد مهتمة بأمي أكثر من بتهة حتى شو هاي نزلت وبعد مرجعت قلقت كلت خل انزل اشوفهة لكيتهة نايمة ومنومة امي على رجليها وفاتحة شعر امي اكيد جانت تلعب بشعر امي خرب كمت اغار من امي

ام مازن. اجتني رنا كامت اتواسيني وبعدين كلتلي تعالي نامي على رجلي وفتحتلي شعري وكامت تلعب بيه أديها ناعمة ومحسيت على نفسي غير اكعد الصبح والكاهة خطية نايمة على القنفة وركبتها اكيد مأذيتهة هسة لكيتهة مغطيتني وهية باقية فوك رأسي صدك حتى بنتي ماسوت هيج وياي ابد

مر شهر على تواجد رنا ببيت أبو مازن
كامت كول العائلة اتحبهة وأم مازن متعلقة بيهة وتكوللهم ابني راح واللة عوضني بيج
وما اكوللكم على مازن بدة يعشقهة وهية هم حبتة طبعا خلوها تكمل

مازن ..رنا اريدج
رنا..اوكي هسة جاية ،صعدت للغرفة وأحس مازن مو على بعضة
مازن..رنا لهنى وكافي
رنا..اني من كال هيج تخبلت عبالي يريد يرجعني كمت اتوسل بيه واكولة عليك اللة لاتبعدني عن امي وأختي اللة يخليك واللة ما اكدر أعيش بدونكم
مازن..لج شبيج شكو ترة مكلت راح ارجعج
رنا..لعد شردت دكول
مازن. .ردت اكولج اني احبج بس عرفت جوابك على سؤالي
رنا..مازن صدك لا اني بحلم اكرصني بلة خل اصحة
مازن. .يمة لحكيني بتج اتخبلت وكرصتهة وحضنتهة
بعد كولنة لعوائلنا وعقدنة محكمة وصارت مرتي

بعد 4 سنوات
رنا ..لج زويا اموتج اذا متجين
ام مازن. لج يمة شكو
رنا..يمة هاي حفيدتج ناوية تجلطني تكول ماريد أكل
ام مازن. .يمة حقهة غير وكلتهة قبل اشوية
رنا ..ها يمة ترة كمت اغار من بتي
ام مازن. .يايمة مكانج محفوظ محد يأخذه
مازن وهوة حاضن بتة يمة بعد لتوكلون بتي راح تصير شسمنهة
ام مازن ورنا. .اهوو 😂😂😂😂😂

هاي حياتي بس حبيت اوصل الكم مو كل فصلية تعيش مأساة اكو بيهن
ارتاحن بعيشتهن..