صحيت تاني يوم ادوشت وصليت 🖤 و لبست للجامعه عبايه رماديه ب ابيض وطرحه بيضاء وشبط رمادي خفيف وشنطه سوداء 🖤 وعملت مكياج ونزلت سلمت علي عمي والباقين وعمي قال لي انو بكره ح يجيب لي سواق للجامعه تاني
عمي : معليش ي بتي استحملي الليله يوسف بياخدك
انا: لالا ي عمو عادي ياااه
بعدها طلعت لقيت يوسف متكل في العربيه وبتكلم ب التلفون لمن شافني ودع ال في التلفون وقفلو جيت ركبت
يوسف: ي هزار ممكن نبدأ صفحه جديد !!؟
انا: !!؟ عفوا هههههههه سبحان مغير الاحوال من حال الي حال
يوسف: اها يعني
انا: خير
يوسف: الله الله ب المناسبه دي ارح نمشي مطعم نأكل فيه وبعدها اخدك هلي الجامعه
انا: طيب اصلا م بقول لا للاكل
يوسف: 😹😹😹😹💔 م شاء الله من اول يوم متفقين
المهم مشينا مطعم كده ظريف وهادي قعدنا وطلبنا اكل وقعدنا نتونس فتره كده وبعدها تلفونو رن
يوسف: عن اذنك
انا : اتفضل
يوسف .... كيف!!!؟ لالا مستحيل ده يحصل لا م تراجع اي حاجه اصلا احنا بقينا اصحاب لكن رسلي لي صوره التحاليل هشان اتأكده منها
انا!!!؟ ' ي ربي بتكلم مع منو !!!'
بعد خلص المكالمه شكلو كان متغير شديد
انا: مالك ي يوسف !!
يوسف: اااه لالا م ف شي
انا: لا احكي لي مش انا صحبتك عليك الله عليك الله
يوسف: ي هزار عليك الله م اسع ياااه
تلفونو جاء فيه مسج ... فتح التلفون بقي بعاين فيه وهو مصدوم وانا علي شلا قتي جريت التلفون منو هو مسكتو عاينت للصوره كان مكتوب فوق اسمي وتحتها سم ابوي وبعدها مكتوب كلام كتير وفي الاخر مكتوب سلبي "وطبعا نسبه لانو انا بدرس مختبرات ف عرفت انو ده تحليل DNA" رفعت راسي عاينت ليه مسافه وتاني رجعت بصري للتلفون ورجعت صوره تانيه دي زاتها كان فيها اسمي وتحتو اسم امي وبرضو سلبي
يوسف: م ... م .. م كان قصدي
انا:.....
بقينا قاعدين قريب النص ساعه واحنا ساكتين وانا م عارفه اعمل شنو ساكته بس
انا: رجعني البيت
يوسف: ليه!!؟
انا: "صرخت" يوسف رجعني اااالبيت!!
يوسف: طيب قومي ارح
رجعت البيت م فاهمه حاجه مباشره مشيت علي غرفتي وقفلت الباب علي جاتني افكار ' انا لي عايشه !!؟' طوالي مشيت علي درجي وشلت المقص و.....
.....يتبع....🖤🍷
(ودمتم سالمين ♥)
