جأني رائد داخل عاين لي مسافه كده وبعدها طلع م عارفه مشي وين لكن المهم اني رقدت نمت صحيت تاني يوم لقيت مزن نايمه جمبي قمت اتوضيت وصليت وانا ساجده بكيت جنس بكاء والله لمن اغمي علي 💔💔 وانا اصلا م اكلت لي يومين 💔💔 اخدوني المستشفي فحصو لي قالو عندي ضعف في كريات الدم البيضاء انا صحيت كده لقيت رائد قاعد جمبي وماسك يدي 💚 "احساسي بالامان اللحظه ديك يالله💚 " فك يدي وجاء الدكتور داخل سلم علي وكان راجل كبير في العمر وشكلو طيوب
الدكتور: سلامتك ي بتي ووالله انا انصحك امسكي في راجلك ده ب يدينك ورجلينك لانو م بتلقي زول بحبك كده زيو والله ي بتي انت من م جابوك لينا وانتي
غايبه عن الوعي وهو م خلي يدك ولا ثانيه وكل م اجي داخل ألقي ماسك يدك و بعاين ليك ويا بتي سال منك اكتر من ٨ مرات 💚 طبعا انا اللحظه ديك سكته ساي كتلته حيلي بس ابتسمت للدكتور و قال لي ح تطلعي بعد نص ساعه كده وطلع
رائد: نشر لي غسيلي كله
انا 😹😹😹💚 لكن انا بالجد كنت غايبه عن الوعي يوم كامل
رائد: اممم و وجعتي لي ظهري من القعاد معاك كده
انا: كان ترجع ترتاح م فيها حاجه
رائد: انتي عبيطه ي بت انتي مسؤليتي انا من قبل تخلي بيتكم كنتي مسؤليتي م عارف ليه وبتين لكن ممكن تقولي انا حبيتك ههههه م تقولي ممكن حبيتك لا انا اكيد حبيتك وعشقنك وحتي ادمنتك ... #بحبك ويشهد الله #بحبك (انا يحبني القرد🐸💔) ي هزار
انا: طبعا دموعي نزلو م عرفت اقول شنو لانو جات داخله مزن
مزن : هزااار والله خوفتيني عليك ياااه
انا: ههههههه ... تلفوني رن وكان قاعد جمب رائد شالو عشان يمدو لي شاف اسم #منذري💜 عاين لي مسافه واداني التلفون وطلع لمن شفت الاسم عرفتو غار ومن عيونو كان في ميه سؤال وسؤال 💔💔 رديت
انا: منذر !!
منذر : هزارتي كيفك والله اشتقت ليك شوق
انا: ههههههههههه كتير ياااه لكن لو اشتقت كنت بتتصل لي
منذر: 😹😹😹❤ المهم اسع باركي لي ح اخطب يوم الجمعه الجايه
انا: .... وم تكلمني الا الليله ي كلب ودي منو الخلتك تنسي حبي!!
منذر: ههههههههههه لالا انتي حبك قاعد
انا: هوي انا م دايراك
منذر: ليه حبيتي
انا: م عارفه والله ده شنو لكن .....
منذر: معليش ي هزار برجع ليك بعد شويه
انا: طب اصلا ده حنكك البيش بعرفو
--------
في بيت احمد
ياسمين يعني يوسف م اخوي من ابوي !!
سلمي: اااي اخوك مني بس
ياسمين: ومعتصم ده مش المرحوم ابو هزار !!؟
سلمي: ااي ياهو ذاتو
يوسف جاء داخل كيف !!!!!!!!؟ كيف يعني يعني انا ود حرام وبقي يبكي طيب انا ذنبي شنو ااااا غلطي وين انو اجي نتيجه ل علاقه حرام مقرفه بينك وبين راجل صحبتك ااا!؟ طوالي مسك تلفونو اتصل علي ....
انا : طيب جايه شلت رقم رائد من مزن وانصلت عليه وقلت ليه جيب معاك خالتو اميره وتعال
بعد نص ساعه جو ركبنا العربيه ومشينا علي بيت عمو احمد
دخلت جوه لقيت عمو احمد ويوسف وياسمين و سلمي وخالتو اميره لمن شافت احمد و سلمي دموعها جرت و رائد قال لي انا بستحمل اي حاجه الا اتنين اني اشوف وش الزول ده "قصدو عمو احمد" واني اشوف امي بتبكي وانا مسكت رائد من يدو
انا: ي رائد ح تتجبر انو تشوف دموعها لانو في اللحظه دي انا دايره اعرف اي حاجه وروحي حرقتني والله خلاااص تعبت نفسيا كده 💔💔💔
يوسف فتح خشمو بس وقال لي انتظري شويه .... بعد نص ساعة جاء داخل بابا... قصدي عمر عبدالله المنعم.......
.....يتبع......
(ودمتم سالمين 💙)
