رواية إذا ما عشت بدنياك آميراً فخذيني إليهـا آسيراً.

٤

افلت نفسه من بين ايديهم
بعد ما سمع صوت صراخها تنادي بإسمه..
تلفت حوله يدور عليها
ابتسم وهو يشوفها تركض باتجاهه ..
عقد حواجبه بقوه وبحيره وهو يشوف عمه مقرن يمسكها
ويغطي فمها..
تقدمت بروح لها لكن في صوت اخترق قلبي
قبل يخترق سمعي..
احد ينااادي بـ اسم مشاري.. رصيت على اسناني بقوه محاول اني أوقف رجفة فكي..
مشـاري!!! مو اول مره احد يناديني بهذا الاسم!!
عمي مقرن في اول لقاء لي معه قال مشاري
رفع عينه لرجل اللي واقف قدامه..وهذا
نادني بـ/سيد مشاري..
وفي شخص خلفي يناديني بنفس الاسم
لكن ليش دقت قلبي ما تسارعت لذكر هذا
الاسم إلا لما سمعت الشخص اللي خلفي ينادي به..
ينتمي لي هذا الاسم!!! ينتمي لي اللي ينادي به!!!
مشاااري!
مشااري!
حرك عيونه بعشوائيه وصوره بعيونه ضبابيه
رفع يده وغرسها بشعره القصير وشده بقوه والالم..للحظه تمنى يهرب لسبب يجهله..
انشد جسمه وانسحب للخلف
ويد تلتف حول خصره وتشده بقوه..
عبدالعزيز ضمه من وراء بقوه واسند راسه
على كتف مشاري واجهش بـ بكاااء مرير..
ايه يبكي يبكي فرح وحزن وحسره..
يبكي قهر وفراق يبكي حقد وكراهيه لكل شخص
ابعده عن اخوه../وينك ياا خووك وين سنينك يا قو قلبك على فراقي ياقسوتگ تذبحني بـ غيااابگ
مشاري ابعد يد عزيز عنه ولتفت له/..

---
مشاري ابعد يد عزيز عنه ولتفت له../أخـوگ
عبدالعزيز رجع يحتضنه بقوه اكثر
يا عالم يا ناس اخوووي حي
يا عالم الميت رجع رجع
مشاري وقف بدون حراك بين احضان عزيز
شعور غريب يجتاحه..
صور قديمه ترجع له بدون ما تكون واضحه
طفلين يلعبون مع بعض
مراهقين يدرسون مع بعض
شابين يتصرعون مع بعض بضحك
رجلين يتشاركون الاكل والشرب والنوم والحياة بـ اكملها.
رفع يده برجفه وبدل عبدالعزيز
لحضنه لشعور بنفسه ان هذا اللي يحتضنه
ينتمي له...بآن هذا الشخص هو نفسه
اللي كان يراوده في احلامه
غمض عيونه بهمس/مـن أنـت!! و مـن انـا
--
مجبوره توقف بسبب يد ابوها
اللي منعها تتقدم اكثر..
عيونها ما ارمشت وهي تشوف
نفس الشخص اللي جاء قبل سنة يسالها في البر عن صقر...
يعني كااان صاادق يقرب له!!!!!!
من اهله!! رصت على سنانها ودموعها تنزل بصمت
وعيونها عليه هو يحتضن صقر بقوه ويبكي..
مقرن شدها له/خلينا نطلع ياا ابوگ
جود/بياخذونه!!
مقرن /أهلـه
جود/بودعه
مقرن هز راسه برفض..
--
--
عبدالعزيز فتح عيونه بصدمة من سؤاله
ابعده عن حضنه وثبت يده على كتف اخوه
وعيونه معلقه بعيونه
وهزه على خفيف/مـن انـااا.."بصوت مذهول"مشاااري!!
مشاري غمض عيونه بقوه وألم/ما اقدر اتذكرگ
عبدالعزيز وكأن أحد كب عليه ماء بارد/مشاري!! تمقلبني صح.."هزه اكثر"مشااااري اناااا اخووووك عبدالعـزيــزز
مشاري تهاوا على الارض
وجثى على ركبه مسك راسه بألم وأطرافه بدت تتشنج.
حاااادث
تريله
وادي
صوت اطلاق النااار
جوواز
محكمه
جــــــــووووودي
نزل مع عبدالعزيز وخوف بالغ
على مشاري اللي وجهه شاااحب وعروقه جبينه بارزه
وتنفسه سريع رفعه على ذراعه
وهززه على خفيف/مشاري مشاااري..
فجأه انسحب من بين يديه
رفع عيونه بشراسه لشخص اللي سحبه
وإذا بها بـنـت
سدحت مشاري على الارض
فتحت ياقته و بإيشاربها تهويه
ومسكت كفه بقوه/تنفس بهدوء.استرخي..أنا هنا
نقل نظراته بين اخوه اللي بدا تنفسه ينتظم عنده والبنت تشد على كفه/تنفس تنـفس
عبدالعزيز فتح عيونه بقوه وبصدمه
يعرف هذا الصوت يعرررفه
مسكها من كتفها ولفها صوبه
وعينه بعيونها العسليه..