القاسي

الفصل الاول

في صباح يوم جديد يستيقظ بطلنا وينظر علي من بجانبه نظره اشمئزاز ويذهب للحمام وبعد قليل يخرج يراها كما هيا يهزها بعنف ف تستيقظ من اثر ماشربت ليله الامس
زيزي: ايه يبيبي فيه حد يصحي حد كدا
ينظر اليها رعد بغضب ويفتح الدرج بجانب السرير ويرمي اليها رزمه من المال: قومي فزي يابت من هنا ومش عايز اشوف خلقتك تاني الا بمزاجي ويتركها ويذهب ل يرتدي بدله من اللون الاسود ويصفف شعره الاسود الطول ويضع عطره الذي هلك الكثير من قلوب الفتيات ويذهب من تلك الشقه الخاصه به لتلك الاشياء التي تغضب الله تارك خلفه من يتوعد ب الانتقام
زيزي: هو كل مره بعد مهو ياخد اللي عايزه يرميني كدا والله لأندمك يارعد علي كل دا وهتبقي ملكي لوحدي ومش هسمح ابداا لأي واحده تاخدك مني ياارعد باشا وتنظر نظره شر
-----------------------وفي مكان تاني خالص
بعد متخلص صلاه تلاقي والدتها بتنادي عليها
الام: بت ياهمس انتي يابت ياازفته
همس والله م هرد عليكي لو هتعمليلي اي ي سوسو حتي
الام: انتي يا اخره صبري
همس ف بالها مهما تعملي مش هرد ان شالله حتي جبتيلي مين حتي مش هرد
وبعد وقت طوييييل الام تزهق وتروح تفتح حجره بنتها بكل غضب وتبص متلاقيش حد ف الاوضه تدور تحت السرير مش لاقيه فتحت حمام اوضتها بردو همس مختفيه (سهير) عملت نفسها خرجت من الاوضه فجأه همس تطلع راسها براحه من الدولاب بتاعها وتفوق علي شبشب امها اللي نزل فوق دماغها
سهير بغضب: انتي مبترديش ليه ياست زفته انتي
همس: ااااه يسوسو طب ليه الازيه بس يحجه كدا عملتلك انا حاجه طاااه.
سهير: بلا سوسو بلا زفت انتي مش هتروحي الجامعه يابت ولا انتي ناويه تعيدي السنه دي
همس راحه عليها وباست ايدها :من عنيا ياست الكل كل اللي انتي عايزاه هيتم وبما انك عايزاني اعيد ف انا كدا كدا هعيد وتقولها بفرحه وتنط ع السرير وزي كل مره متفوقش الا علي شبشب ست الكل
سهير: يالا يا اخره صبري البسي عشان جامعتك واعملي حسابك هنروح النهارده عند ستك ف بيت رعد نشوفها
همس اول مسمعت اسم رعد نظره حزن جات ف عينها
همس: م بلاش انا يماما وروحي انتي وادهم
سهير: لا ماما هتزعل