سلسلة ذكرياتي

حلقة الاولي 💖

رواية...... 
الكاتبة Âmøøna Âhmêd Sh 💖
اول مرة نكتب رواية نتمنى تعجبكم و نشوف تشيجع منكم رواية بتكون واقعية من حياتنا

مهم نعرفكم ع ابطال لروايتنا ☺
ميس بنت طيوبه هلبا طولها متوسط بشرتها قمحية عيونها  كبار غزال ريم يا حليلي 😍😂 كل يلي يشوفهم يتغزل فيهم 😎 شكلي تفاعلت في وصف مهم ما علينا   خلي نكمل 😂
بنت تحب القرايا هلبا و اكثر شخص متعلق فيه هو بوها تحبه بشكل مش طبيعي يمكن دنيا ما عطتهاش خوت فيها معتبرة بوها اخ و صديق و حبيب
علي( بوها) شخص طيب هلبا و يحب يخدم الناس و حنين هلبا ع بناته ربي ما رزقاش ب ولاد رزقه ب تلاته بنات توا نتعرفو عليهم
مهم نكمل كم
اسماء( امها): مرأة عسل تنحط ع الجرح يبرا و طيبه هلبا و تحب بناتها و تعامل فيهم صاحباتها مش كا معامله ام لي بناتها و ماتحبش مشاكل و ف حالها
ميس بنت صغيرة و اخر العنقود مدلعه هلبا يلي تطلبه يكون عندها عندها اختين كبار
الكبيرة اسمها و سن تقرا طب و مسافرة تقرا برا
تانيه ميسم اخت وسطية هده اقرب وحده ع ميس ديما مع بعض 🙂
ميس: ماما ماما 😨
اسماء: تي خيرك تعيطي فجعتيني 😤
ميس: بابا مش عارفه خيرة عيط مش قادر يتحرك 😭
اسماء: حي عليا وينه 😳
ميس: في دار 😭
مشو يجرو شبحو علي طايح و عيط من رجله مش قادر يتحرك اسماء: خيرك يا علي شن في شن تحس
علي: رجلي مش قادر نحركها كلمي رواد (  ولد عمي) يرفعني للمستشفى
ع خشت ميسم للحوش القتنا نعيطو و حالتنا حاله
ميسم: تي خيركم شن صاير 😱
ميس: بابا رجله مش قادر يحركها
ميسم: بابا حبيبي استند عليا خلي نرفعك للمستشفى
علي: هي
اسماء خلي نلبس عبايتي و نلحقكم
ميسم هي بسرعه
طلعوا كلهم و ني قعدت في حوش بروحي و خايفه ع بابا
..............
في مستشفى طلع دكتور
ميسم تجري شن يا دكتور
اسماء خيرة راجلي شن صايرله
دكتور:  عنده انزلاق غضروف في الفقرة الخامسة و السادسة و حالته متقدمة هلبا و ضاغط ع عصب هدا علاش رجلة مش قادر يحركه و ضرورى من تدخل جراحي توا اعطينا يبرا مسكن  وان شاء الله لاباس عليه
ميسم: بارك الله فيك دكتور ممكن نخشوله 😟
دكتور: تفضلو.... بس اقنعوه هو رافض فكرة عمليه و ان شاء الله خير
اسماء: ان شاء الله
خشت ميسم و اسماء
اسماء:، شن تحس توا
علي:  الحمدلله كويس
ميسم: ان شاء الله لاباس عليك بابا 😔
علي: الله لايوريك باس ليش دموع اهو توا كويس رح نتحسن
اسماء: بس دكتور قال ضرورى من عملية يا علي ضرورى ديرها ني ما عندي حد غيرك في دنيا انت سندي 😢
ميسم: اي يا بابا احني ماليناش في دنيا غيرك والله نموت الف موته ولا نشوفك تتوجع يا ضي عيوني بالله عليك بابا دير عمليه ماتخافش غير توكل ع ربي يا بابا اني ميس و وسن ما لينا غيرك كان تحبنا ديرها كانت تحكي و عيونها ملينات دموع 😭
اسماء كانت ساكته و تشوف لي بنتها و تبكي
وعلي قعد يفكر في كلامها.....
اني قعدت نصلي و ندعي انه بابا يرجع ما يصيرله شئ كنت في دارى نقرا في قرآن سمعت بابا انفتح طلعت نجري
شفت بابا يمشي ع رجليه طول جريت ضميته قعدت نعيط
ميس: خفت عليك والله ماليناش في دنيا غيرك 😭😭
علي: اس خلاص معاش تعيطي يا مشفشفه و كان يتلمس في شعرها
ميس: رفعت عيونها قعدت تمسح في دموعها معاش تقولهلي شعري حلو ني 😒
شكلك مافيك شئ صحيح اهو قاعد تناشب
ميسم: يا بابا شوف كيف تتكلم ولا كأنه كنت مريض 🙄
اسماء: عيب تحشمي يا بنت بوك يبصر 😒
علي: عارفها تدلع عليا ني خلوها خلوها مدللت بوها 
ميسم:  غرت ني 😣
اسماء ضحكت خشو خشو وانتم تهدرزو قدام الباب خلي نمشي نشوف العشي
علي حتا ني من مشي نتوض و نصلي خش لداره
خشت ميسم لدارها ني مشيت فتحت عليها باب
ميسم: كم مرة علمتك انه باب يدقو عليه بعدين يستأدنو و ني وقتها نفكر نفتح ولالا 😒
ميس:  عقاب بارده مش مستاحشة وجهك جايه من قولك شن صار في بابا
ميسم تنهدت   طبست راسها و تكلمت و مخنوقه من العبرة بابا تاعب هلبا و ضرورى من عمليه عمليته خطيرة شوي 😢
اني انصدمت انفجعت من كلامها و قعدت ساكتها سكرت باب دارها وخشيت لدار ضميت مخدتي قعدت نعيط و ندعي لا ياربي ما تختبرني في بابا كل شيء لا هو ياربي مالياش غيرة اللهم انه لا سألك رد القضاء بل اسئلك بلطف بيه
اسماء يا بنات تعالو العشي واتي
طلعت من داري و ميسم في نفس وقت شبحتلي و قالتلي معاش تبكي قدام بابا خليك قوية خلي جونا عادي هزيت براسي ب باه
و خشينا قعدنا نتعشو و نهدرزو خشت ميسم للمطبخ تغسل في ماعين ماما بابا يهدرزو وني نتفرج ع TV 
وصلني مسج اشبحت القيته نفس رقم فتحت ع رساله ب ملل
"وقلبي حيقعد يحبكك لو تكمل باقي عمركك وانتي تتجاهلي فيه 💔 😔"

اني اووف بعدين معاه 😤 كملت مسلسل بابا بتعب قال: اني نمشي نرتاح في دار
اسماء حتا ني تصبحو علي خير 
سادك من تلفزيون نوضي وراك قرايا شوفي ميسم وانتي مدي وجهك هنا و خشت  وسكرت دار
ني اوف اوف كل شوي قارنو فيا بيها
طفيت تلفزيون وخشيت داري جهزت جدول قراياتي و كتبت و اجباتي و فتحت نت قعدت نصفح و رقدت
نضت ع دوشة عياط...... 
يتبع
ان شاء الله عجبتكم

اعطوني رايكم في تعليقات