سلسلة ذكرياتي

حلقة تانية 💖

الحلقة الثانية من سلسلة ذكرياتي
للكاتبة Âmøøna Âhmêd Sh💙

نضت ع صوت عياط و هرجه شفت ساعه القيتها ساعة 10: 15
حي فاتتني مدرسة ليش ماحد نوضني شن صوت هرجه هده
نضت فتحت باب نسمع في نديب عماتي و ماما ميس طول خطر عليا بابا جت دموع بين عيوني نزلت نجري
اسماء: يارب لا يارب راجلي اب بنات يا ناس تي ما نقدر نعيش من دونه 😭😭
ميسم: ادعيله يا ماما خلاص اس بالله 😭
اني كنت متجمدة ف مكاني و نشوفلهم دموعي تحرق ع خدي كلام يطلع بصعوبة مني
ميس: با..... بابا... و.... وينه كنت بعبرتي و دموعي تنزل
ناضت ميسم حضتني هي تبكي بابا تاعب رفعوه مستشفى ادعيله اني طول قعدت نبكي 💔
............

في مستشفى
رواد( ولد عمي زي خوي الكبير الانه ماما هي يلي مربياته):  شن يا دكتور طمني علي عمي 😦
دكتور: غضروف ضاغط ع عصب هلبا مما اثر ع رجله فترة توا فقد حس بيهم ضرورى من عمليه يا اما بيفقد رجليه
رواد: مشكور دكتور
خش رواد عند بابا و قعد يقنع فيه
بما احني في حوش عماتي عيطو جو العويله كلهم
شئ في مطبخ يوتي في غدي شئ يضم معانا
اني خشيتي لداري كلمت وسن ع سكايب
وسن: اخيرا عدلتي يا مشفشه تف مبردك ما تقول عندك اخت نسأل عليها بعدين خير عيونك هكي متورمات شن صاير
اني طول قعدت نعيط
وسن تي شن في خوفتيني ماما فيها حاجه بابا فيه حاجه تي شن في تكلمي 😱
اني بابا تاعب في مستشفى
وسن و دموع في عيونها شن فيه شن صار لي بابا
اني و نبكي: معاش يقدر يمشي و لا يتحرك عنده غضروف و حالته متقدمه هلبا و كان داس علينا لما وصل عصب بدا عيط من رجليه عرفنا قالوله ضرورى من تدخل جراحي بس هو رافض فكرة
وسن:  تي ليش ماحد يقولي ولا كان مسافرة ماحد يتفكرني
اسمعي نعرف دكتور كويس هنا لازم تقنعو بابا يجي يديرها العملية وني توا نكلم عمي نحجز لكم
ني تمام سلام... 

عند وسن
...........................

كانت قاعده عند عمها في مصر عايشه معاهم
هو عنده بنت ولد
بنت انداد وسن اسمها ريما هما صاحبات هلبا
...........

ولد اكبر من وسن و ريما ب تلاته اسنين و اسمه مجد حاط عينه علي ميس يحبها بس ماحد يعلم بيه يقراا هندسة معتبر وسن كيف ريما
..................

ايمان مرت عمي مرأة كويسه هلبا تحب وسن زي اولادها
...............

خشت ريما ع وسن القتها تعيط 
ريما خيرك يا عيوني شن في
وسن بابا تاعب هلبا في مستشفى
ريما خيرة شن في.... 
حكتلها وسن كل شيء
ريما الله يا عمو ليش بس راس مسكرة اسمعي توا لما يجي بابا نحكوله انتي عارفه بابا خوه الكبير اكيدة بيسمع كلامه امسحي دموعك نقدرش عليهم يا روحي حضنتها
.................
في مستشفى
..............................

نجح مراد في تقنيع بابا
طلع من مستشفى و ركب سيارته اتصل ب ميسم
وقتها ميسم كانت مع بنات في مطبخ طلعت برا من مطبخ للجنان
فتحت خط من دون متتكلم
مراد: عمو اقتنع ب عمليه افرحي
ميسم: من فرحه بدت ادمع والله قول والله كيف قدرت
مراد: اس بلا دموع والله مانقدر عليهم توا نحكيلك بس معاش تبكي يا عيوني اهو مسافه طريق و نكون عندكم
ميسم نستنا فيك سكرت خط....
جت تجري و تعيط بصوت عالي بابا حاله كويس و قرر يدير عمليه
كلنا فرحنا قعدنا نحضنو في ماما و نبكو
شوي جي مراد.....
كنت ماما و عماتي في دار يهدرزو و يقرمو انتم عارفين هدرزة نساوين 😂
مهم ما علينا
اني و ميسم بنات عماتي خليني نعرفكم عليهم
عندي تلاته عمات
عمتى كبيرة اسماها فاطمه و عندها بنت زوز اولاد
بنت كبير اسمها وصال هده بيت سر ميسم و صاحبتها هلبا و يقرو قانون مع بعض
ولد كبير اسمه اسامه متجوز من ريهام عندهم ولد
تاني يوسف متجوز من بنت عمتي( ربيعه ) اسمها هند عندهم بنت
تالت صغير اندادي اني وياه صحاب هلبا اسمه سفيان
عمتي تانيه ربيعه عندها بنتين ولد
بنت مريم اكبر مني ب سنه  
تانيه هند متجوزه من ولد عمتي فاطمه
ولد اسمه ايهاب متخرج يخدم كبتن طايرة  ديما يسافر مايقعدش في ليبيا
عندي زوز عمام واحد في مصر و اسمه خالد تعرفتوا عليهم امبدرى
عم تاني يلي يكون اب رواد متوفي هو جوزته ب حادث سيارة قعد عندنا فترة عايش بعدين قعد يخدم علي روحه و اجر شقه يحب ميسم هلبا و يقرا قانون مع ميسم
خلينا نرجعو لروايتنا
...........
كانت ميسم و وصال يهدرزو و اني مريم و سفيان نهدرزو
جت رساله لي ميسم لبست وشحها و طلعت عرفته انه مراد
خشت للمربوعة مراد ليش عيوني حبي دابلات قرب عليها
ميسم بابا واجعني هلبا انت عارفني قديش متعلقه فيه بدت تبكي
مراد اس اس وحضنها شن قلنا ع دموع نقدرش عليهم معاش تبكي و راس غلاي
مسحت ميسم دموعها وخرت من عليه و شافاته كيف قنعت بابا
مراد بغرور سر مهنه مش لازم تعرفيها
ميسم شبحتله ب طرف عين به به زعلت ني و نزلت شاربها زي صغار
مراد قعد يضحك عليها: قاعده زي صغار زي لما كنا صغار نتعاركو ع لعبة وانتي ديرلي ها حركه طول نعطيهلك نقدرش عليهم حركات هده ني
ميسم ب ضحكه به حاضر
حبيبي شن جيعان
مراد قعمز اي من موت من عشي امس مش واكل
ميسم شهقت شوي يكون غدي واتي
طلعت و مراد قعد يقلب في قنوات
خشت ميسم للحوش تضحك مشتلها وصال وين صغار 😂
ميسم اس تحشمي 😒 شن كلام نديرو في شئ غلط احني
وصال اي صدقت هلبا 😂
ميسم حولي نوتي غدي  حبيبي تعالي ساعديني بدل دمك خفيف هده
خشو مطبخ
اني مريم و سفيان
كنا نلعبوا في بلا ستيشن
تلفوني قعد يرن اني سفيان مدهولي
سفيان هاك وسن راه
اني الو...
والله احلفي.....
تمام توا نقوله اي حقا وافق.....
اي توا نوريك 😂
تف خامرة سلام
سفيان و مريم فرحينا
اني عمي خالد تكلف بعلاج بابا اتفق مع دكتور شاطر بيديرله عمليه  غدوه من سافرو
كلهم ب فرحه به كويس ان شاء الله خير
تغدا رواد مشي بشر بابا بابا فرح مع انه كان خايف من عدم نجاح عملية
اني جهزت شنطتي و ماما اما ميسم روحت مع وصال ع شان امتحاناتها  رقدنا ليلتها فرحنين
اسماء: ميس نوضى صلي فجر وقت ع موعد طيارة
نضت صليت فجر و دعيت لي بابا جي رفعنا رواد اني ماما بابا لي المطار تلقانا عمي و سن و مرت عمي وسن و ريما و مجد
عمي الحمدلله ع سلامه وسن تجري حضنت بابا استحشتك ياروحي ان شاء الله ربي ما يغيبك عليا ضمت ماما
مجد كان عيونه قلوب قلوب قالي الحمدلله ع سلامتك
ني بعدم مبالات الله يسلمك
روحنا
تسريع الاحداث
...........................
روحنا رقدنا من تعب
........... 
تاني يوم نضت متأخر القيت حوش فاضي
خشيت للمطبخ قعدت ناكل نسمع في حركه اني خفت قعدت نقول مني
ماحد رد
اني خديت مكنسه في يدي و بخوف مني هنا
لا رد
اني خفت ب زيادة و دموع في عيوني مني هنا
سمعت حاجه تكسرت اني تجمدت في مكاني
في حد ينخص فيا في ظهري 
ني بخوف و دمووع
..................... 

يتبع 🙂......