سلسلة ذكرياتي

حلقة السابعة 💖

حلقة السابعة ❤

من سلسلة ذكرياتي 💖

الكاتبة  Âmøøna Âhmêd sh 💖

معليشي تأخرت عليكم هلبا مرضت معاش قدرت نكتب اسفه هلبا من يوم و غادي تو نزل كل يوم بارت 🙂

ريما و وسن شهقوا: و نحنا اخر من يعلم 😱
مجد و هوا ضاغط ع سنونه :  صوتك انتى و ياها نبيش حد يعلم و لا وين ميوس تقرر 😒
اني طبست راسي و خدودي احمرو 🤭
وسن و ريما: ربي يهني و يكتبلكم ايام حلوة بينكم 😊

مجد:  ان شاء الله......  ولف شيشه جت علي مجد و وسن

وسن:  جرأة ولا صراحة 
مجد: جرأة 
و سن:  بزع مية مصقعة ب الثلج ع روحك 🙂
مجد:  اكيدة تحلمي 😱😱
اني و ريما شادات ضحكتنا 😁
وسن وهيا تشوف فوق وبتضحك:  والله انت تبي جرأة ني هده تحدي تبي تنسحب
وقعدت توشوش لمجد مش رح يكون موقف رجولي قدام ميس وانت حر

مجد قعد حاير بس مضطر يدير هك
مجد وهوا متكنطي 😠: امشي جيبها
مشت وسن خدت سطل عبت فيه مية مصقعة و خدت مكعبات الثلج حطتهم و هيا ميتة من الضحك بينها بين نفسها
خلك تستاهل هيا مجد مداير روحك فالح علينا لما نطلعها من جلدك ورفعت سطل و جباته لينا

اني:  مجد حي عليك تو تمرض
مجد ضحك و فرح ب كلمتها: لالا مش رح يصيرلي شئ تخافيش
وسن: جيتك يا شاطر
مجد يشبحلها كان يلقا يقتلها: هيا بلا براده زايدة 😒

وسن هيا تضحك: هاك ريما صوري مشهد يلي بيصير 😂
خدت ريما تلفون فتحت كاميرا تصور
وني واقفه مش عارفه نضحك ع موقف و لا واجعني يلي بيتحمل هده ع خاطر ف الصقع هده و مش جو صيف هوا 💔

وسن: واحد........
مجد:  هيا بلا زهاك 😒
وسن: اتنين................
مجد: اشهد ان لا اله الا الله كان خايف واضح علية
وسن و هيا تضحك: تلاته....... بوووووم بزعت سطل مية علي مجد
ههههههه

ما نشوفلكم مجد غير عيط و ينط و يجري و يقول تلج
وني و ريما و وسن نضحكو
ع جيت مرت عمي

مرت عمي: شن دوشه هده......... حي اوليدي من مداير فيك هك 😱😱

مجد هو سنونه يطقوا وخاش في بعضه ف صقع: و......... و..... س.......... ن
جت تجري مرت عمي: خزي مبردكم تضحكو عليه وقفاته و دخلاته للحوش
ني و ريما شادات تلفون و نعاودو ف مقطع فيديو ونضحكو

وسن تنهدت و قعمزت ع كرسي: الله باردت خاطري يستاهل 😎😇

اني: مش حرام توا والله بيمرض جو صقع و الشتي هك تعاقبيه
ريما: وووه اني اخته راه مادفعت علية هك
وسن:  اي انتي مش ماتحبيشي ليش دافعي عليه 😒
اني: انحبه و لا نحباش بس اللقطة بايخه من الاخير
وخديت تلفوني و ركبت

ريما: والله حقا راه غلط وجعني اوخي

وسن: حتا ني وجعني بس يستاهل ع يلي داره فينا

اني خشيت للمطبخ و درت كاكو
وركبت عند مجد يلي كان مدوش ب مية سخونه و قاعد ف دارة
طقيت الباب
مجد : منو 😠