ابن العشاير والبريئة

Part 12

بقلم روان ✏

-كولي شصاير

-عمو والله انة معلية وابجي

-ياصبر ايوب احجي بابا شبيج

-اليوم المدرسة خلتني بكروب

-اي وين المشكلة

-البنات مو زينات

-شمدريج

-هنا مو راحة وواخذني ورا الحمامات جانن يشربن جگاير

-انتي شعليج بيهن

-وورادن يشربني وياهن ابجي واناشغ

-شنوو شربتي

-لالا والله مخليتهن دفعدتهن ورحت بس بعدين اخذتني وحدة ثانية جان جان وضعهن مو طبيبعي

-عقج حواجبة يعني شنو

-دكم القميص مفتوح

-يعني قصدج -----------

هزيت راسي متتت من الفشلة بس مابيدي حل ثاني

-متاكدة شمديرج يمكن محترات وفتحن ملابسهن

-لالا حتى حاولن يلمسنوي

-شنو هزني من جتفي سولج شي بصياح كلهه اجت ع صياحة انة بس ابجي
جاوبيني لا تخبايني

-لا والله لا

همس وصاك ع سنونة لان كلهه اجت ماراد احد يعرف مو كلتي كروب يعني اربعه شون لا وانتي وحدة

-لا والله ماكدن انة دفعتهن حيل وصرخت خافن بس هددني (طبعا هوة الوحيد لي كدر يفتهم حجي لان من ابجي محد يفتهم شحجي اضل اشهگ)

دفعني حيل وصار يمشي بتوتر

مريم:- من شفناج ما شفنة غير المصايب
انة كعدت ع القنفه ادية ع وجهي وابجي سجبني للغرفة مالتي وسد الباب دخلني للحمام غسل وجهي وانطاني مي وكال اهدي وسمعيني هوة انتة هدي نفسك بالوال عيونك حمر وتخزر وتريدني اهدى

-انة راح احجي وية المديريةة تخلي كامرات هناك وتلگفهن بدون مجيب اسمج وترحين وياي تحجيلهه كلشي فهمتي

-لا فدوة والله استحي انت كلهه انو بس شفتهن مااكدر والله ابجي حيل

-انة تصرف منو يدري غيري؟؟؟

-محد حتى نور مالگلتلهه

-حلو اذا احد درة راح اموتج تبقى بيني وبينج مفهوم

-تمام والله مااكول يلة هسة نامي للاتفكرين بشي انة اصرف نمت وثاني يوم راح للأدارة وحجة للمديرة وخلو كامرات وگضوهن وانفضلن وغيرو شعبتي واستمر الحال نفس الشي مريم شاد وياي لي عرفتة انو من كتلتني متعاركين عركة جبيرة وهية منا حقيرة نوب كلبت ع الدراسة لان مااشتغل بالبيت ونشتغل عندج وكاهدة فوك واحنة خذم عند الخلفوهه وتمسلت براسي والولد علاقتي حلوة وياهم خصوصا امير وعمو فهد عقدة ماينبلع اخر مرة شفتة يضحك من كعدنة وتعرفت ع الولد امير كلي طولج يجيب التايه بعد ماشفتة يضحك رحت لاهلي اربع مرات خلصت فترت الامتحانات واليوم اخر يوم وصگر ما رجع مسافر رجعت للبيت شفت زلم تارسة الشارع دخلت للبيت نسوان تلطم وتبجي نور ملخة روحهه من البجي شكو شصاير وحدة كالت صگر ماتت هنا حيل ما ضل بية وكعدت بالكاع بجيت وصرخت ولطمت كطعت روحي تكطع صدك ماشفتة ولا حجيتة وياة بس ماانسة وگفتة رجولتة شون ماعافني دافع علية وهوة ميعرفني أزوجني وحبييبتة تركتة بسببي متت قهر لان صدك جان رجال جابو التابوت نور ماتت علي كوة رفعهه كرار انة جسمي يرجف خوف اول مرة اشوف تتابوت قهر لان مات هيج انسان مااكدر اكول زوجي بس اكدر اكول رجال من ظهر رجال صرخت ولطمت طلعت كل لي بكلبي وخلص اليوم المشؤم صعدتني بنية مااعرفهة لبست اسود وكعدت ابجي وهية يمي صبر بية اندك الباب ودخل عمو فهد عيونة حمرر دم تقرب علي باس راسي انة انفجرت بجي اخذني حظني حيل بجيت من كل كلبي واكلة ليش ليش مات واضربة ع صدرة لييش عافني ليييش جاوبني لييييييش اخر شي وكعت من طولي محسيت بشي بعدهه

بقلم روان ✏

https://youtu.be/6J6WhKzaaKU