ابن العشاير والبريئة

Part 17

بقلم روان ✏

...كعدت ع صوت دگ الباب دخلت احلام شغلت الكلوبات

احلام: -يلة عيني كوموا ساعه 9 كلهه منتظرتكم

...انة دافنة وجهي بصدرة من الفشلة شكلي يخزي وهوة ملابس شي غير البرمودة ونوب نايمة بحضة

فهد: -هممم كايمين

-لبسي هذا الفستان روان

-مممم

هية طلعت

-يلة رونة كومي

-ما اريد انام احجي بنعاس

-كومي يابة تنبل مال نوم

-مانايمة عوفني وانطيتة ضهري

هوة كام فات للحمام توضى وصلاة واجاني يلعب بشعري

-روان متأذية

-لا بس نعسانة

-ديلة كومي كومي ويسحب بية كمت لميت شعري وهوة كاعد يباوعلي كمت اخذت الفستان وركض للحمام سبحت وبدلت وطلعت الفستان لونة اوف وايت طويل ضيق من الصدر شوي نوب يجي عريض كللش حلوة ونازك لبست شال احمر وحطيت مكياج خفيف بس استحيت انزل مادري ليش فهد ماكو نازل كعدت ع جرباية اصفن شون راح اعيش حياتي فهد مااحبة اصلا مااطيقة مزوج وعندة جهال مريم لي اخذت منهه رجلهه جنت صافنة دخلت احلام باركتلي كالت يلة تعالي نزلت وياهه رحنة لغرفة الحجية سلمن علي وباركن عليمن تباركون ع صخام حظي بس مريم وخواتهه وامها يخزرن شكد استحيت من نفسي وكرهة روحي اخذت زوجهه منه دخل فهد باس راس امة باركتلة اجتة رسالة جان مدنك يباوع بيهه وحجة الحجية وياي

-خومابيج شي يمة ماعندج نزف هاي

-لا مابية شي

ام مريم: -عمت عيني عليج يمة مريم خلاج 10ايام تنزفين لايوم ولاثنين رفع عيونة باوعلهه بضوجة وطلع احلام كالت تعالي تريكي همة متريكين كتلهه مااشتهي وصدك لعبانة نفسي شوي وحسيت الم ببطني رحت فوك للحمام لكيت نفسي انزف هووواي دم مو طبيعي جسمي كلة ضل يرجف وابجي من الخوف غسلت ونظف نفسي ومسحت دموعي ونزلت ادور ع احلام اكلهه مالكيتهه رحت للصاله شفت عمامهم وفهد والولد كلهه كاعدة زلم ونسوان حجيت بصوت يرجف ومبين علي باجية

-وين احلام كلهه باوعتلي

فهد: -شبيج روان

-فدوة اريد احلام ونزلت دموعي كام شبيج روان لييش تبجين هنا بعد متحملت انفجرت بجي اخذني الصدرة لمني حيل

-شبيج بابا منو مزعلج

...لامة نفسي وابجي بحضنة كامشتة من ملابسة حيل الحجية اسم الله يمة شبيهه حاول يبعدني يريد يفتهم مني ماوخرت اخر شي بعدني حيل ورفع راسي

-شبيج روان ليش تبجين

سحبتة من ملابسة دنك وهمست باذنة

-ددانزف