صباح مشمس من ايام ابريل فقت مع 7 صباح على صوت المنبه، لبست حوايجي وخرجت متجهة للعمل
فطريقي دزت فطرت ومشيت لطرامواي ركبت وصلت لشركة سلمت على الاصدقاء واتجهت لمكتب المدير العام لي كان طلب الحضور ديالي
المدير: تأخير مرة خرى
جوديا: سمحلي طرامواي الاول مشا عليا وتسنيت لي موراه
المدير: ما علينا من هنا لاسبوع اتمشي لكوريا
جوديا: (متفاجئة) ولكن ماكلتيش ليا كاينة الخدمة خارج المغرب
المدير: جوديا الى باغا تخدمي وتحافظي على المنصب ديالك اتبعيها حتى لزحل
جوديا: سمحلي غي تفجئت
المدير: من اليوم تقدري تكلسي باش ترتبي امورك
جوديا: واخا شكرا ليك
المدير: بغيت نعلمك من دابا مدة العمل ممحدداش
جوديا: مفهمتش؟
المدير: جوديا خدمي عقلك شوية نتي كامديرة مبيعات غادي تكلسي تخدمي حتى مايبقى عندك دور تما عاد تقدري ترجعي
جوديا: اه يعني ماشي مدة محدودة فهمت ولكن اللغة ؟
المدير: كنضن الانجليزية عندك ممتازة غي واحد شهر اتولفي الخدمة وغادي تعلمي اللغة بنسبة للسكن كلشي على حساب الشركة انصيفط ليك المعلومات ف بريدك الالكتروني وحتى تذكيرة الطيارة والوقت
جوديا: واخا نبقاو على اتصال بالاذن منك نقدر نمشي
المدير: اكيد تفضلي
جوديا: مع السلامة
المدير: مع السلامة
كملت الخدمة فجو من القلق والحيرة مشيت للدار اتصلت ب ماما علمتها بسفر ديالي
جوديا: سلام الكبيدة توحشتك
ياقوت: حبيبتي فين غابرة لباس عليك
جوديا: لباس ا ماما الحبيبة ونتي لباس كي داير بابا
ياقوت: لباس حمدلله راكي عارفة من نهار كلس تقاعد وهو ينكر ومقابلني
جوديا: ههه سلمي عليه بزااف
ياقوت: اوا كاين شي جديد كي غادة مع الخدمة
جوديا: عندي ديبلاسمون لكوريا
ياقوت: اللهم يسير الله يسهل عليك ابنتي سيري بدلي الجو شوية
جوديا: انى جو الله يهديك ا ماما خايفة معرفتش كوريا ماعمري فكرت فيها ومعرفتش شحال انقدر نگلس تما
ياقوت: طرف الخبز مكتاب ليك تما متعكسيش الامور وتكلي على الله
جوديا: نتمناو الخير ان شاء الله
أنت تقرأ
احياء سيول
Romanceفتاة تذهب للعمل في كوريا الجنوبية لتجد الحياة مختلفة تماما وتدخل في صراعات مع مديرها فكيف ستسيطر على الاوضاع
