#ترامدولي
قولته ليها كدي انسي احمد النحكي ليك بي حسام 😭😭 قالت لي ان شاااءالله تكونو ربطوو قولته ليها يربطوك من رجلينك 😒 قالت لي اها احكي فجأه تلفوني ضرب لقيتو حسام 😰😰😰 قولته ليها ده حسااام 😰 قالت لي ردي 😍قولته ليها لالا م برد انتي م عارفه الموقف الاتختيت فيو ياخ م بقدر ارد قلعت مني التلفون قالت لي طيب انا برد بدلك بقينا نتقالع ف التلفون 😭 قولته ليها عليك الله فكيو وانا بحكي ليك الحصل مع حسام بس م تردي 😭😭 قالت لي يعني ح يكون حصل شنو اكيد حاجه م مستاهله بس بعرفك انا بتحبي تكبري المواضيع قولته ليها شاف البريود بتاعتي 😭😭😭😭😭😭 وجاب لي اولويز كمان 😭😭😭😭😭 قالت لي شنووووو 😳😳 قولته ليها زي م سمعتي 😭😭😭😭 فكت لي التلفون وقعدت تضحك 😂😂😂😂 قولته ليها اسكتي ياخ الفيني مكفيني 😭😭 قالت لي وااااي منظرك بشششششع 😂ده موش م ترودي ليو ده تحظريو عديييل 😂😂 وبعدين متين اتطورتو كده ولمن عندو رقمك قولته ليها ادتو ليو امي عشان قال داير يطمن عليها وكده المهم ي منى هسه اعمل شنو قالت لي ولاااا شي ابكي بسسس 😂😂 شالت تلفوني قالت لي كدي نشيل رقمو احتمال احتاج ليو اكيد زول زي ده م بضيعو مني قولته ليها اشبعي بيو قالت لي مروووه 😰😰😰 الخط كان فاتح دقيقتين قولته ليها خط شنو 😰 قالت لي ياخ مكالمه حسام مده المكالمه بيناتكم دقيقتين بس فكيتا ليك بكيه 😭😭😭😭😭😭😭😭 ياخ كلو منك وبقيت البع فيها اذا م اتقالعنا ف التلفون م كان حصل كده 😭😭معناها سمع اااي شي 😭😭ياخ اموت انا ولا اعمل شنو 😭😭 قالت لي م تزعلي عادي ياخ ويعني شنو شاف ويعني شنو سمع اي واحد ف محلو ح يعمل كده اكيد م ح يخليك تمشي كده 😂😂وهسه سيبي البكا وارجعي ليو شوفيو عايز شنو قولته لبها شكلك جنيتي 😒 اكيد م ح ارجع ليو قالت لي اصلك انتي عويره 😒 والله يهديك قولته ليها امين 😒 يلا طيري امشي بيتكم 😒👊 قالت لي م ماشه ي رمه واقعدي اتعاوري كده لمن تبوري هسه احتمال حسام ده عايز يربط 😉قولتن ليها الباب بي جاي يلا يلا قالت لي كووويس ي رمه يلا سلام 😘😘 بكره اجهزي بدري قولته ليها بكره م ماشه 😢 قالت لي ليه ان شاااءاالله قولته ليها ف ضيفه جاي تشرب قهوه مع امي قالت لي قهوه ووونسه وضحك وشمارات واكل 😍😍 طيب انا زاتي م ماشه عشان اجي اشتغل معاك 😅 قولته ليها تحبي الطقه بس ي بكبوظه 😂 ضحكنا وطلعت مشت نزلته تحت لقيت امي وابوي ف الهول ابوي بشرب امي ف الدواء بي يدو طبعا موقف رومانسي شديد 🙈 بقيت واقفه بعيد وبعاين ليم وبتبسم سااااي 😂 بعد خلص قولته ليم احم احم الوالد طلع رومانسي 😂😂 قال لي سيبي قلت الادب دي ي بت 😂😂 امي قالت لي هوي رومانسي شنو ليو سنه م جاب لي هديه 😒 ابوي ضحك قال ليها م تكذبي وقت كنتي ف المستشفى ختيت ليك تحت المخده مليون شكلك شلتيها وسكتي علي كده 😂😂 قالت ليو بالله ده انت انا قايلا رسلا لي وليد لانو كان قولته ليو رسل لي 😂😂😂 قولته ليو بابا 😢😢انا م بتك انا زاتي عايز مليون قال لي والله تستاهليها ي بتي بس بكره بديك اصبري قولته ليو طيب 😍😍 اها ي قميلين عايزين اكل ولا شاي لبن اااي شي عشان عايزه انوم ابوي قال لي لالا امك عايزه شاي بس انا عايز اعملو ليها 😌 قولته ليو احيي اميتاب الرومانسي 🙈🙈 مسكني زي العايز يخنقني قال لي بقيتي بتاعت تشغيلا 😂😂 قولته ليو خلاص خلاص بهظر 😂😂 طلعته غرفتي نومته اليوم التاني من الصباح مشيت لي امي صبحته عليها لقيتا عملت الشاي براها قالت لي عملتو لانو رلجيك شغل كتير قولته ليها يعني صحبتك م غيرت رايا قالت لي وتغيرو ليه 😒 ااي جايه يلا اشربي الشاي ونضفي البيت قولته ليها طييبب 😖 شربته الشاي ونضفته البيت كلوووو بقي يسو كدي 👋😌 عملته بخور طبعا من الدخان م بتشوفي القدامك 😂 المهم مشيت استحميت وجيت عملته فطور فطرنا الحمدلله قولته لي امي اعمل بسبوسه ولا خليه ولا شنو عشان الجبنه وكده قالت لي والله اااي شي قولته ليها طيب مشيت عملته بسبوسه وخليه الاتنيت مع العلم انا بظبط بسبوسه انما ايه 😌😌 ... لبسته لي تونك كده رهيييب لونو اوف وايت وبنطلون اسود ااي قاعده ف بيتنا م ماشه محل بس نفسيات 😌 شويتين كده جات الضيفه اللهي خالتو اميره طبعا هي مره قيااافه وفايته الناس مسافه 😂اللون يسو كدي 👋والله انضف مني 😂 والدهب ماشاءالله ناس عززز كده الحمدلله هييي انحنا زاتنا م هينين 😂😂 نرجع لموضوعنا سلمت علي بالاحضان وهاك ي بوس بي جاي 😘 وبي جاي 😘 كانت شايله كيس ادتني ليو قولته ليها لي تعبانه ي خالتو قالت لي ي بتي م ف اااي تعب شلته الكيس دخلتو المطبخ لقيتا جايبه فواكه وكيكه وبن وسكر ياخ انسانه راقيه ❤ اتصلت علي منى قالت لي الضيفه م جات قولته ليها اااي جات هسه تعالي ي بتاعت الطقه 😂😂 دقيقه م تمت جاتني بالباب سلمت علي خالتو اميره وجاتني ف المطبخ قالت لي اموو تشبهو ياخ عسسل ينقط 😍 قولته ليها جانا الانبراش ف النسوان كمان 😒 قعدت تضحك تشبهو ياخ عسسل ينقط 😍 قولته ليها جانا الانبراش ف النسوان كمان 😒 قعدت تضحك 😂😂 قولته ليها ودي ليها مويه وقدمي الشيله قالت لي واذا م كان جيت 😕 قولته ليها سيبي لآمه امشي وتعالي مشت وجاتني طلعنا ظبطنا محل القهوه عملته ليم قهوه رهيييبه وقطعته البسبوسه والكيكه وختيت الخليه طبعا عجبتا البسبوسه عجب 😌 قالت لي والله رهيبه كنته قايله نفسي برااي البعمل بسبوسه سمحه بس انتي سبقتيني والله 😂😂 امي قالت ليها والله مروه بتي دي كمان طباااخه طبيخ م وقفت علي البسبوسه بس اميره قالت والله ماشااءالله امي قالت ليها مره انا سافرت وخليت ليها البيت مع انو معاها مرت ابوها بس قالت عايز تعتمد علي نفسا بتقوم تعمل الشاي وتنضف وتطبخ قولته ليها امي خلاص م للدرجه دي كده راسي بقع 😂😂 قعد يضحكو خالتو اميره قالت والله انا عندي بت واحده وولدين بتي م عندها مشكله بس اخوها حسام ده م بعمل اااي شي اااي شي عايزا قدامو لكن محمد كويس بساعدنا منى قرصتني قالت لي سامعه امو قالت م بشتغل بس انا ااي شي بعملا ليو لي الحمام ده بدخل ليو المويه 😂😂 بس هو يجي كيف 😢😢 اتونسنا كتير لمن م حسينا بالزمن زي الساعه 55 كده منى قالت لي ي بت الليله بضبحوني اتاخرتا قولته ليها خلاص امشي طلعته قدمتها وجيت خالتو اميره قالت هي بعد كده انا زاااتي ماشه امي قالت ليها م بتمشي كان م اتغديتي قالت سجمي الليله بطلقوني 🙊😂😂 بجيكم يوم تاني اتغدا معاكم قولنا ليها خلاص تمام بنستناك اتصلت علي ولدا يجي يرجعا تلفونو مشغول قالت الولد ده دايما مشغول مع الكريهه ديك 😪 قولته ليها خلي ياخ يحب بي راحتو 😂😂 قالت لي والله ي بتي انا م دايرا ليو البت دي مع انها بت اختي بس نهائي م حمل مسؤليه بس الله يهديو وقفت قالت خلاص انا امشي مشيت جبته ليها بسبوسه قولته ليها امشي اكليها ف بيتكم مدام عجبتك قالت لي انا هسه شبعااانه بس حسام بريدا البسبوسه ح اديها ليو قولته ليها تمام بالهنا ليو .. قولته ليها والله اذا العربيه ف كان وصلتك بس سايقا يوسف قالت لي م مشكله بركب من الشارع ودعتنا قولته ليها خلاص بقدمك اصلا انا داخله الدكان طلعنه ولسسه هي تتصل عليو ومشغول قالت لي اصلا انا م كان اتكل علي حسام ده لانو حيطه مايله 😪 ي ريتني لو قولته لي محمد قولته ليها احتمال مكالمات مهمه ف الشغل وكده قالت لي انا وريتو ووصفت ليو البيت وقال لي بجيك وم عندي شغل عشان كده وثقته في كلامو فجأه ف عربيه وقفت قدامنا خالتو اميره قالت م كان تجي 😒 نزل من العربيه حسام 😰😰قال ليها والله نسيتك الا بعد مكالماتك دي اتزكرتك طبعا م عندي طريقه اهرب نهاااااائي 😭😭😭بقيت واقفه بس ومنزله راسي جا سلم عل امو ومدا لي يدو قال لي السلام عليكم سلمته عليو وانا يديني تلج بس من الخجل 😷😷 قال لي كيفك ومعاها غمزه 😉 ياخ انا قرربته ابول 😷😷 قولته ليو تمام طيب ي خالتو عشان ماشه الدكان ومشيت منهم فجأه ق زول مسكني من يدي 😰😰 عاينته لقيتو احمد 💔
نتلاقى 😭
