#ترامدولي
فضلته قاعده جمبو ف الكرسي وهو نايم صحا زي الساعه 11 قولته ليو بقيت كيف قال لي احسن من قبيل قولته ليو طيب انا ماشه مسكني من يدي قال لي ممكن تخليك جمبي ❤ قولته ليو محتاج حاجه قال لي اايوا عايزك جمبي قولته ليو امشي للكنت معاها قبيل خليها تعمل ليك كل العايزو 😒 وقف علي حيلو مسكني من خصري قال لي بتغيري علي ❤😅 طبعا اتورته شديد علي الرغم من توتري كنته مبسوطه لانو اول مره يقرب مني كده قولته ليو لا واغير ليه 😰 قال لي عيني ف عينك كده 😉 قولته ليو زح مني 😭 قال لي واذا ابيت وبقرب مني كل شويه قام باسني ف رقبتي طبعا انا اتكهربته بسس بقيت واقفه بعد مسافه فكيتو ومشيت غرفتي م مصدقه البحصل ده معقوله حسام بدا يحبني 😍🙈 ولا عشان كنته جمبو.. بعد مسافه رجعته ليو قولته ليو اذا حسيت انك تعبان ومحتاج حاجه اتصل علي بجيك قال لي هسه محتاج حاجه قولته ليو شنو تلفونو ضرب انا مشيت غرفتي نومته صحيت الصباح جهزته ليو الشاي لقيتو لابس قولته ليو ماشي الشغل قال لي ايوا م بقدر اقعد الليله الشغل كتير ختيت يدي ف راسو قولته ليو لسه محموم طبعا بقا واقف وبعاين لي ومبسوط 😅 طوالي نزلته يدي قولته لي اشرب الشاي وعايزه اقول ليك انا الليله ماشه الجامعه قال لي امشي اجهزي عشان اوصلك معاي قولته ليو لالا انت امشي انا بمشي براي قال لي مرقه براك م ف 😒 كفايه اليوم داك وانا معاك الاولاد شاغلوك يلا امشي اجهزي مشيت سريييع جهزته وجيت طالعه ركبته معاو ف العربيه قال لي بتخلصي محاضرات الساعه كم قولته ليو لحدي الساعه 5 ونص قال لي طيب عشان اجيك راجع قولته ليو لالا بمشي مع البنات م تجيني انت قال لي اسمعي الكلام واسكتي 😒بجيك بعدين عايزه انزل قال لي هاك اداني 100ج قال لي دي للفطور شلتها منو ومشيت لاقيت البنات طبعا م مصدقين اني اتزوجته 😂😂 المهم زملاني كلهم لاقوني وباركو لي حضرتا محاضراتي كلها اتصل علي حسام زي الساعه 55 قال لي انا بره اطلعي قولته ليو انا بمشي مع البنات قال لي لا بتمشي معاي انا وهسه تعالي انا راجيك طبعا زعلته شديد من حركتو دي منى قالت لي امشي معاو اصلا طريقنا م واحد قولته ليها خلاص تمام مشيت لاقاني عبدالمعز زميلي داك الكان داير يحنك 😂 سلم علي واتونس معاي من بعييد شايفه حسام يعاين لينا سااااي عبدالمعز قال لي يوم الداير اعترف ليك بي حبي اتخطبتي ي الله ده حظ شنوو 😂😂قولته ليو انت رجلك خضرا علي البنات 😂😂 وحسام يشيل ويضرب ف البوري وانا ولااا مهببه ليو 😂😂 بعد مسافه مشيت ليو ركبته سلمته عليو م رد وصاري لي وشو وغضبان 😂😂 عرفته امغرزو كيف 👏😂 وصلنا البيت مسكني من يدي وساقني غرفتو قال لي ده شنو البتعملي فيو ده 😡😡 انتي مره متزوجه لازم تختي حد للاولاد وم اشوفك واقفه مع ولد تاني فاهمه 😡😡قولته ليو م تكبر الموضوع ده واحد زميلي وكان ببارك لي العرس وبسسس قال لي تمام بس م اشوفك واقفه مع ولد تاني مشيت غرفتي غيرته ملابسي وجيت رصيت الغدا اتغدينا قال لي بكره معزومين مع ناس خالتي غدا وعبير زاتا معزمه قولته ليو طيب ... فتحته التلفزيون نومته وانا بحضر صحيت لقيت حسام شايلني دخلني غرفتي رقدني ف السرير طبعا انا صاحبه وعامله فيها نايمه 😂😂 كان واقف مسااافه بعدين جا باسني ف خدي ياخ قربته اقوم احضنو 🙈🙈
