خيي اسولفلكم بعض الاشياء الغريبه الي دتصير بالمدرسه
الي صراحتا كلششش مستغربه منها احس عبالك اكو جني بمدرستنه متلبس المدرسات كلهن 😂😂
اول شي طبعاا شبعت ضحك ع تناقض ام الرياضيات
فديوم جان عدنه امتحان شهري كيمياء وجان اكو بنيه محاله رياضيات كالتلها ست ملحكت جان ام الرياضيات كلتلها غير تبدين باليومي اول يلا الشهري هوا الشهري بس مراجعه اهم شي اليومي
طبعا باجر عدنه امتحان شهري رياضيات
المهم البنات كلولها ست لزيديلنه ماده منلحك نقرا
جان تكول بنات اقروا الشهري اهم شي الشهري كملوه وضبطوه وانتقلوا ع اليومي 😂😂😂😂
ضليت صافنه ردت اكوللها هسه احنه ندافع لو نهاجم لو شنسوي بالضبط
هاي اول شي غريببب 😂😂😂
مدري الكورس الثاني شمسوي بيها ام الرياضيات
لان الماده طويله تكول مدا انام بالليل دا احلم بمعادله المستقيم 😂😂متتت متخبله علينه
هسه نجي ع ام الجغرافيه طبعا صدك ضوجتني يعنيي كوه يطلعون الخلل بينه ميعرفون شلون 😂😂
يمكن يغارون المدرسات من الطالبات مو هيج
هيه جابتلنه بالامتحان الشهري تعريف هور الصحين اني كتبته هو هور موجود في جنوب العراق يقصده السياح من داخل وخارج العراق في فصل الشتاء لغرض الراحه والاستجمام
كاتبتلي عليه غلط ومنقصتني درجه 😂
كلتلها ست بلا زحمه اريد اشوف الغلط وين
جان تكلي بنتي عندج املاء كلمه سياح غلط 😂😂المفروض تكتبين كلمه سواح😂😂😂😂
يعني متخييلين محاسبتني ع كلمه سياح متتتت 😂😂😂😂😂😂شبعت ضحك
هنوب متكول اني غلطانه تكلي بالبكلوريا ينقصون ع الاملاء كلت بكلبي هوا بالبكلوريا منو يباوع بدفتري بس يشخطون بدون ميقرون 😂😂😂
ضليت الدرس كله اضحك عليها اكول هاي شبيها مخبله بله
وكلسع اصيح سياح 😂😂😂وبعنادها بالبكلوريا الا اكتب سياح 😂😂😂😂😂
هسه شنو الفرق بين سياح وسواح الله عليكم متت😂😂😂😂
ثالث شي ام العربي مريضه ركبتها متكدر تحركها تكول انتو مرضتوني اوكفي اختي احنه شعلينه 😂😂😂
هسه لو صايرلها فدشي زين تكول انتو لا والله 😂😂😂
هنوب تتطلب براسنه مثلا اني كاعده دا اكتب جان تكلي يقين تعاي سويلي الدنبوس مال شالي
يقين تعاي اكتبي هذا التمرين ع السبوره 😂😂😂
والله لو ما بكد امي جان عطت 😂😂😂
زين عوفوا هذا كله
ام الفيزياء صايره بس تشرح اني اغفي ومن تكمل شرح افز 😂😂😂 شلون نحل هاي المشكله
راح ارسب بالفيزياء من ورا هلسالفه 😂😂😂
عبالك شايله وياها مغناطيس منوم بس تبدي تشرح انعسس واخلي راسي ع الستول واغفي 😂😂😂😂
ومن اكعد اكللهم اشرحتوا اليوم 😂😂
بحيث وحده من البنات كالت بنات افتهمتوا المحرك اشو اني مفتهمتها كلتلها والحسين جنت نايمه من شرحته فما اعرف اذا شرحت عدل او لا 😂😂😂😂
والاصعب من هيج
انو اني احساسي الدراسي معدوم
يعني قبل ماانام اذا ماكمل كلل دراستي هسه عادييي كلش اصلا
يعني انتوو متخيلين بعدني لاقاريه رياضيات لاقاريه اسلاميه لاقاريه عربي لاقاريه وطنيه 😂😂
متت بس كلبت الفيزياء سريع وقريت كيمياء وهسه صافنه اريد ادرس بس نعسانه 😂
اريد فد دوه فدشي يخفف النعس الي ديصير عندي هلايام متت 😂😂😂😂😂😂😂😂
كافي هواي حجيت بيبايي
أنت تقرأ
M¥ book 🖤🥀 2
Ficción Generalالغرض منه فقط للتسليه ♥️ هذا الكتاب تكمله لكتابي القديم ❣ سانتظر دعمكم ♥️ تصميم الغلاف من ابداعع @TA__17
