طبعا بما انو باقي ع المدرسه شهر فحبيت اسبق الكل واسويلكم هلبارت الي بعضكم حسيتفاد منه بعضكم حيقروه ويطلعون عليه والبعض الاخر من قروا كلمه دراسه شردوا ☻
٤_من تدرسون خلو هدفكم كدام عينكم واككتبوه بورق ملاحظه هلشي يعزز من اصراركم واكيد اكتبوا باالمكان الي تقرون بيه اشياء ايجابيه وتحفيزيه مثلا (اني قوي)(اني كادر احقق احلامي) وغيرها .😍😍
٥_كلما حسيتوا روحكم ضجتوا ومليتوا من الدراسه اذكروا انو راح تخلص وتنتهي وراح تنسون كل تعبكم من تجي النتيجه ناجح او ناجحه .❤
٦_لتخلون حياتكم كلها دراسه ودراسه قسموا وقتكم اشبعوا نوم واكل اهم شيي ذني (العقل السليم في الجسم السليم) اخذوا وقت استراحه وسوو بيه اشياء تحبوها تفرجوا فلم او مسلسل اطلعوا وغيرو جو وبنفس الوقت اقروا .(ادري هاي اكثر وحده راح تطبقوها☻😂😂 )
٧_ابتعدوا عن المنبهات بشكل كبير (الشاي/القهوه/وغيرها) هاي الامور متفيد بكثرتها ترا وتضركم اذا جنتوا مثلي تحبون المنبهات تكدرون تشربون ابدايه يومكم وبس .❤
٨_ من تكعدون تقرون لاي امتحانن خلو يمكم ستيكي نوت او اوراق ملاحظه صغار وعلكو المعلومات المهمه التعاريف المهمه والقوانين والمعادلات والاشياء الصعبه راح تترسخ بدماغكم ميه بالميه (اني جنت اسويها بالرياضيات والكيمياء والفيزياء وبالفعل من اكتبهم واعلكهن كبالي مانساهن بعد ).💗
٩_ابتعدوا عن شي اسمه قلق لانو هذا كله شي بسيط مجرد اختبار او امتحان ميحدد حياتك او مستقبلك ترا .. حاولوا تكونون هادئين وريلاكس وراح تذكرون كل المعلومات الي قاريها.☹
١٠_من تقرون اقروا نص ساعه واستراحه ٥ دقايق . هذا المخطط كلش يفيد للناس الي يضوجون بسرعه وكذا اصلا تتحفزون تقرون وتسبقون الوقت حته تاخذون وقت راحه اضافي يعني متلهون روحكم بهل نص ساعه .(اسويها دائما).❤
١١_ من تجون تقرون ماده سواء كانت فهميه او درخيه افهموها افهموا فكرتها اول وبعدين احفظوها او ادرخوها بهل طريقه حته لو نسيتوا الكلمات تكدرون تعبرون من روحكم وتطلع الكلمات مشابهه وصحيحه (هلطريقه كلششش مفييده والله).💅🥁
١٢_ابتعدوا بالمدرسه عن الاشخاص الي ميدرسون والله ياذوكم ! ويهبطون من واهسكم دائما رافقوا الاشخاص الناجحين الي درجاتهم حلوه وراحح تتحمسون اصيرون احسن منهم.☻
١٣_هلشغله للبنات خاصتا ييعني لانو ميتناقشون بيها الولد اعتقد 🤦🏻♀️😂 لتكولون درجاتكم لاي احد ولا تسالون ع درجه اي احد مو سالفه حسد او شي بس ماكو داعي اكو طلاب او طالبات ينقهرون لانو اكو اعلى منهم هاي غريزه بالفطره معليها بالحسد والنفسيات فماكو داعي تحجون ولا اكو داعي تسالون خلو خصوصيه الكم ولغيركم .
١٦_شوفوا هلشي خلي نكول مو اساسي شي ثانوي يعني مو ضروري تسووه اني اسويه حته انظم يومي بالثالث سويت دفتر خاص بيومي اكتب بيه من يا ساعه ليا ساعه ارتاح ومن شوكت لين شوكت اقره وكل ماده والوقت الي تحتاجه والاشياء الاضافيه الي اطلع عليها او اقراها ورا ماخلص واوقات نومتي ومراجعتي وكلشي بهلدفتر انصحكممم كلشششششش بهلشي اني فادنيي لدرجه يعني وقتي كله منظم لانو اني عندي خوف مو طبيعي من الوقت واخاف مااخلص بس وي هلشي كلش كمت ارتاح اني واقره .وخلوا هلدفتر بيه الوان وشكله حلو يصيرلكم واهس تكتبون بيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اني اخذت هذا مخصوص لهل سالفه اخذته من الكوخ فرع الكاظميه اذا تحبون تاخذون منه وهماتت شفت من بمول المنصور واكيد كل مكتبه هيج اشكال موجود
١٥_اخر شي اكولكم هوا انو كد ماتتعبون الله يجازيكم صدكوني صح اكو مرات تقرون زين ومتجاوبون بس الله يعوضكم عنها بغير وقت .❤❤❤
خلو الاعتدال اساس للدراسه و لكلشي بحياتكم لتموتون روحكم من الدراسه ولا كلش تعوفوها هيج . صح ماكو واحد ياخذ شهادته لكبره بس شمحلاها واحد يحقق احلامه بذراعه ويصير انسان قدوه والكل يفتخر بيه .❤
اتمنى للكل عام دراسي سعيد وانشالله كلكم تفرحوني بدرجاتكم ومعدلاتكم 💗💗
