البارت 5
حنين مامة تعالي عوفي هاي الجلبه شفتو تاليت دلالكم الهة لوين وصلت تجاوز عليكم وانتم ساكتيلهة ما احس اله ابوي جرني من شعري وضربني راشدي كلي متحجين شي ويه مرت اخوج نسيت اكلكم مرت اخوي بت عمي الجبير وابوي يخاف من خوته خاف يكتلونه لو يكسرونة من ورة سوالفه فا مدلل مرت اخوي. حنين لبست اني وامي واخذنه ذهبي وذهب مامة ورحنة لبيت خالي طبعا بس اول يومين رحبو بينه بيت خالي وراهة لمو وجهم من درو بعملت اخوي علي. وابوي حضر ولد عمي وحضر و سلاح وهدو اخوتهة علينه مع العلم انو اهلهة جانو اكثر من اهلي لئن نص العشيرة كالو هاي سودة عله راعيهة احنه اروح ننكتل من ورة واحد صاقط واهل غفران حركو بيت اهلي ونكتل واحد من ولد عمي وتصوبو ثنين اخو غفران وابن عمهة اخو غفران ورة يومين مات لئن صوابه خطر جان وادخلت هواي عشاير وفصول صار طلبو فصل دم علي و200مليون و2نسوان فصليه عمامي ما اطو من بناتهم لئن يكرهونة كالو عدنة مرة بس وحدة ومطلكة تاخذونة فصليه وعلي وين متلكونه دمة الكم. ولخاطر شيوخ صار لفصل 150مليون. حنين خابر بابه واحنه بيت خالي كال لمامه جيبي حنين وتعال لبيت عمهة وصلنه اجيت انزع الصايه ابوي كلي لا ابقي لابستهة راح ترحين كتله وين نرجه لبيت خالي كال لا اطيناج فصليه لهل لبنيه الي ماتت اني لطمت عله وجهي كتلهم شلون هيج تسوون بيه شنو لهل درجه اضحون بيه لخاطر ابنك هاي تربيتك شفت لوين وصلتنه يشوف اسوالفك ويتعلم منك ابوي ضربني عله خشمي واني جنت مسويه عمليه لخشمي صار عندي نزيف بت عمي جابتلي ثلج خليت عليه ورة ساعه اسمع ولد عمي كالو اجه لسيد والشيخ ياخذون حنين طبعا بيتنه احترك وما اخذت شي وياي طلعت بطرك الجبه الي لابستهة جان شيخ عشيرتهم متزوج اخت غفران وعندة منهة 4بنات ولسيد ولد عمي وعمامي وابوي كدام لشيخ ولسيد كلولي انتي رايحه انسي عندج اهل ايضربونج ايحركون ايذبحونج لاتجينه ولا نعرفج واذا اجيتي احنه انذبحج اني بقيت ابجي حته مخلوني اودع امي ولا اخوي الزغير محمد بقه يبجي عليه وامي بقت تبجي واني بقيت اناشغ من البجي رحت ويه الشيخ والسيد واخذو الطريق كله يحجون وياي بويه همة ناس خسرو بتهم وابنهم وابن عمهم انشل وصابته خطرة انتي تحملي بس اول ايام وبعدين ينسون الساعه 9ليل رحنة وصلنه الساعه 1بليل كلت للشيخ والسيد فدوة خليكم اليوم والصبح روحو لبيوتكم خاف يسوولي شي عاد انتم تحموني الشيخ يوسف بويه احنه راح نحجي
يتبع
