عشقت فصيلتي

هذا بارت ال7حبايبي

حسين... صفنت عل غرفه يرادلها تغير بس مو هسه إله أخذ جواب من بيت أبو زينب المهم كعدت داكلب بل تلفون وغفيت ماادري بروحي نايم 😊😴

زينب....إني جنت احضر ملابسي كلهن حضرت إلي احتاجه أمي هم ساعدتني شويه كالتلي طيعي زوجج لا تخلينه يعصب ولا يضوج منج حته يصير زين وياج لأن الرجال يحب أحد يدللهه 😊المهم أمي خوش انطتني نصيحه بس ما أعتقد تنجح يله الله كريم المهم خلصت كلشي ونزلت عل بابا حجيت ويا وابجي وحضنته كالي

أبو زينب ....زنوبه لا تبجين إني وياج نجي نزورج والله لو مااهذا جان انتي يمي بعدج ماانطيج ناس هيج بس هذا قدر الله ماعندي غير الله وانتي ديربالج عل نفسج صيري سبعه لا ضلين فاهيه. .

زينب....بابا حبيبي انشالله لا تحجي هيج إني بنتك شيصير عليك يصير عليه إني هم إني من حقي اضحي بنفسي علمودك انته تستاهل انتو هم ديربالكم عل نفسكم عود خابروني لأن راح اشتاقلكم هوايه احبكم 😢😔المهم بابا إجه دك عل أهل الولد حته يكللهم انو موافقين اووف يااربي شكد صعبه😢😢

حسين.... جنت نايم غافي ماادري شكو بل دنيا عل صوت تلفون كعدت لكيته أبو زينب 😊كتله هلو عمو اتفضل كالي ...

أبو زينب.... مرحبا حسين شلونك اكلك البنيه وافقت تريد تاخذوها هسه لو باجر صبح بكيفكم بس عندي شرط انو بنتي مااريدها تنقهر أو تضربها لأن هيه مدللهه عندي واحبهاا هاي امانه بركبتك😢

حسين.... حجه وياي سلم عليه وسلمت عليه ومن كالي علمود البنيه فرحت لأن راح تجي يم صكارهاا إني أعلمها ام السان طويل بس من حجه وياي يكلي امانه بركبتك كلش انقهرت لأن حقه بنته وزغيره طبعا يخاف عليهاا 😔بس مو بيدي لأن من اذكر موقف اخويه اضوج مااكدر 😢المهم كتله اوك عمو باجر صبح أجي كالي اوك سديت الخط رحت عل ابويه وكتله انو وافقو أهل البنيه باجر نروح ناخذها صبح ابويه كالي أوك خيرا عل خير انشالله ...المهم صار صبح كعدت غسلت واتريكت طبعا أول مره اتريك من وكت ما عرف صار بيه بهذا اليوم أحس اكو شي جان ناقصني واكتمل بهذا اليوم والله شعور غريب المهم رحت إني ابويه وأمي رحت عليهم وصلنه البيت 😊😊