احببت _مجنون💖:نور&نزار💖

البارت07

من غدوى نور حضرت روحها و خذات تاكسي و مشات وين تفهمو بقات تستنى فيه تعدت الاربعة تعدت الخمسة و هي تستنى ونزار ماجش هي وقفت بش تروح و هشوف فيه جاي من بعيد بكرهبتو الدنيا مراحلها وراه بقات باهت مش عوايدة يسوق بالطريقة هاكي هو حبس كرهبتو و هبط الغش يطير من عيونو وشاد في ايدي تراش من تصاور
وقف قدام نور و عيونو تشعل نار هي منضرة عينو دخلت بعضها تربثت ونسات الكلام لم حضرتو هي حبت تحكي بش تكسر الصمت الي بينهم و متحس كان بكف قوي جاء على وجها
نور شدت خدها مصدومة"تضربني يانزار تضربني"
نزار"كان لقيت قتلتك مش ضربتك ياكذبة ياسفيهة" بدى يصفق و يضحك باقوي"يرافو برافو مثلت عليا الحب و انا كيل مغفل صدقتك وحبيتك وعطيتك قلبي وانت غايتك الكل تستغلني "
نور"شقاعد تحكي انت اعرف شتخرج من فمك"
نزار يدزها بالقوي يجبها في القاعة" بلع فمك يا خمجة مش انت الي بش تعلمني شنخرج من فمي يا*****"
نور دموعها غلبوها نزار لوح تصاور فوقها و عطاها بضهرو ومشى هي شديت تصاور تشوف فيهم ومش مصدقة روحها تصاورها هي واحمد في السرير مستحيل هي عمرها مخلاتو حتى يبوسها ولد الكلب يحب يمسخ سمعتها شدت تصاور بدات تقطع فيهم و تبكي نزار لو تمهل دقيقة وحدة وسالها عالحقيقة كانت حكيتلو كل شيء اما هو معندوش ثقة فيها مكانش عندو ثقة في حبو ليها ....
كانت تقطع في التصاور و تبكي بالقوي والناس المتعدية تشوف فيها وهي ماعطية اهتمام لحد كان كلام نزار باقي يتعاود في وذانها حبيت توقف من القاعة ساقيها خنوها وجات بش طيح لقفها انيس في اخر لحظة هي كيشافتو قوات في البكية وتعنكشت فيه كي لولادات الصغار هو حملها ليه يهدي فيها وين يجي يسالها شصار هي تغرس راسها في صدرو وتقوي بكيتها اكثر ولا وسكت بقى كان يعدي في ايدو على شعرها ويطبطب عليها بش تسكت وكي حسها هدات محبش يروح بيها لدار خاف كان امها تشوفها في الحالة هاكي تتفجع هزها لقهوة قريب قعدها فيها
انيس"نور احكيلي شبيك عيش اختي بالك نجم نعاونك "
نور"نزار.."الكلام وحل مجمتش تنطق منجمت كان تبكي
انيس"انه هذا نزار لي ريتك معاه المرة ليفاتت قلي شعملك والله نفصلو من بعضو"
نور"ياريت كان جيت نجم نحاسبو "
انيس"نور هدي روحك شوية واحكيلي كل شيء صار "
نور"اعدني انيس تصدقني قبل كل شيء والله لاعملت حتى حاجة هولي تبلى عليا انت مربيني على ايدك تعرفني منيش متاع خمج"
انيس دمو بدى يفور و حسها لحكاية كبيرة برسمي"نور انطق شفما متكرزنيش"
نور"اح..مد..فبركلي تصاورر خايبين وبعثهم نزار وهو جابهملي وقلي بارشا كلام يجرح"
انيس ضرب ايد على طاولة بقوة "احمد وين نلقاه "