عَشِقتُ طِفلَة

البارت -6-

نكمل :

ام ياسر : سمى سمى

سمى : ها عمة

ام ياسر : ليش تصيحيلي عمة

سمى : هاا لا ما اريد اصيحلج يمة لان جاي اتذكر امي و گلبي يضل يوجعني ( ما بيدي شي لازم اچذب عليهة وإلا يذبحني ياسر )

ام ياسر : يا سودة علية يلة على راحتج يمة ردت منج تصعدين تجيبين الغترة مالت ياسر

سمى : ان شاء الله بس خل احط المرگة واصعد اجيبهة

ام ياسر : على راحتج شوكت ما تردين صعدي وجيبيلي إياهة

ياسر : حميد حميد

حميد (سكرتير ياسر ) : نعم

ياسر : اگلك انا من اجيت جايب وياي ملف لونه اخضر لو لا ؟

حميد : لا ما چنت جايب شي وياك

ياسر : اها روح كمل شغلك ، اهوو لازم ارجع للبيت اجيبه ، رجعت للبيت ودخلت للغرفة لگيت سمى تبحوش بالكنتور انا هنا صارن عيوني بگصتي هاي شجاي تسوي تبوگني معقولة وصلت بيهة المواصيل لهل درجة اليوم اذبحهة

سمى : صعدت علمود اجيب الغترة الگالت عليهة عمتي صعدت وانا ادور بالكنتور مال ياسر اكتشفت هوة يحط فلوسه هنا ويما انا جاي ادور عليهة جرني واحد من شعري حسيت شعري تگطع

ياسر : اليوم اذبحها على هل خيانة شنو مقصر وياهة هي مطالبة شي من عندي وما جايبلهة كضيتهة من شعرهة وجريتهة علية

سمى : اخ اخخخ ياسر عوفني شسويت هل مرة ؟

ياسر : لا تبيعين شرف وبلة هل تمسكن جيبي فلوسي البگتيهن من الكنتور

سمى : يا فلوس والله ما ما خذه من عندك شي والله

ياسر : گمت اضرب بيهة ولج لا تجذبين شفت بعيوني وانتي تدورين على الفلوس

سمى : ضليت بس واكفة وتاخذني طگة منه على اليمنة و طگة على اليسرة وساعة يطيحني وساعة يجرني من شعري بس انا ما ضليت احجي ولا ادافع على نفس لان مراح يفيد ضالة بس ابجي و هوة شبعني كتل وانا محد يخلصني من عنده

ام ياسر : سمعت صوت صياح رحت ركض لغرفة ياسر وشفته ناهي البنية كتل صرخت عليَ ولك موت البنية عوفهة غضب الله عليك موتتهة

ياسر : خل تولي هاي الساقطة جاي تفرتش بكنتوري تريد تبوگني الكح... بنت الجلاب

ام ياسر : ياسر -بصوت هز البيت - ولك وديتهة تجيب الغترة مالتك وهي ما لگتهة سويتهة ساقطة وجاي تبوگك و هي تكرف اربعة وعشرين ساعة وانت ولا جنك عايفهة مثل الخدامة حتى ما داخل بيهة لحد الآن  ، رحت لسمى وشلتهة ودخلتهة للحمام ورجعت لياسر ياسر اذا سمعتك حاجي وياهة شي بعد اتبرة منك يمة وليدي هاي يتيمة علكيفك وياهة وهي صغيرة ما تتحمل تضرب بيهة هلگد وكل ما شفتهة صيحت عليهة وطگيتهة يمة وصيتك وياريت تمشي بوصيتي