في الصباح في شركه الاعلان
ماكس:انا جاهز داميان للبروفه
داميان : منيح كتير خلينا نبلش
وهيبدأ ماكس وبعد انتهاء البروفه
داميان : هايل ماكس كنت رائع انا ماكنت غلطان لما اقترحت عليك تكون موديل اعلانات
ماكس: انت هيك رأيك يعني أدائي كان منيح؟
داكيان :كتير منيح شو انت مفكر اني راح اجاملك هاد شغل مافي مجاملات
في المرسم
باولا : شو هلأ ارتحت اديني حكيت مع بابا
بابلو : ليش انتي ماكان بدك تحكي معه؟
باولا: ليش هيك عم تقول لأ طبعا كنت راح احكي معه بس كان
بدي ننطر شوي لبين ما الاوضاع تتحسن بين ماريا وبابا
بابلو : والحمد لله الموضوع عدى على خير وابوكي وافق
بس تعرفي باولا اختك صعبانه عليه كتير يعني من اللي حكيتيهولي
واضح انها بتحب هاد الشاب كتير وهوه كمان بيحبها ومستغرب
ليش ابوكي يوقف بوش سعادتهم هيك
باولا: لانو اوزفالدو ساندوفال وتفكيرو يختلف كتير عنا نحنا
وهوه شايف انه هيك عم يحميها لماريا
يعني شايف ان ماريا ماراح تكون سعيده مع ماكس وانو راح يجي اليوم اللي تندم
فيه على انها اتخذت هالقرار واتجوزتو
بابلو : غريب هالتفكير وليش حتى تندم بعدين اذا كانت هيه بتحبه وواثقه من حبه الها
باولا: ليش شاغل بالك بها القصه المهم ان بابا وافق على ارتباطنا
بابلو : مظبوط بس لو كنت انا مثل ماكس ابوكي ماكان راح يوافق على ارتباطنا
تفتكري وقتها شو كنا راح نساوي؟
كنا راح نهرب مثل ماريا وماكس؟
ولا راح نستسلم لرغبه ابوكي؟
باولا : مابعرف اللي بعرفه هلأ قولي امتى راح تجي مع عيلتك تطلبوني
ولا بروح لبابا وبقولوا اني مابدي ياك
بابلو : شوووووووووو والله مجنونه وتعمليها لا خلاص اليوم المسا راح نجي لعندكم
في منزل ماكس
ماريا : شو عملت بالبروفه
ماكس:كتير منيح وداميان عجبه ادائي جدا وراح نبلش تصوير بكره
ماريا : فرحتني كتير ألف مبروك حبيبي والله يوفقك وها الاعلان يكون فتحه خير عليك
ماكس: ان شا الله حبيبتي راح نكبر سوى وراح اعمل كل المستحيل مشان اسعدك
ماريا: بحبك ياروحي
ماكس: وانا بموت فيكي ياقلبي
في المسا ع العشا
دانييل : مبروك يوسف صرت هلأ مشهور وانا راح اروح الجامعه واقول لكل رفقاتي اخويا صار موديل اعلانات
ماكس: بلا غلاظه مولها الدرجه بس اما نشوف الاول راح ينجح الاعلان ولا لأ
فيكتوريا : شو هالحكي انت بتجنن وطبعا راح ينجح خلي عندك ثقه بنفسك
ماكس: كيف بدك بعد هالحكي ومايكون عندي ثقه بنفسي
انا قوتي وثقتي بستمدها من وقوفكم جنبي ودعمكم الي
ماريا : انا راح اضل جنبك وماراح اتركك ابدا راح اضل معك لاخر يوم بعمري
ماكس: الله يخليلي ياكي ومايحرمني منك ابدا
في الصباح في شركه اوزفالدو
اوزفالدو:الفريدو شو عملت بشحنه الخشب خلصت الاجراءات تبع التصدير؟
الفريدو: لاتقلق كل شي تمام وخلصت الاجراءات وراح نبعت
الشاحنه وبعدها نستلم باقي المبلغ
اوزفالدو: تمام قولي شو عمل برونو يعني ماحكى شي بخصوص المشكله اللي
واقعين فيها شاكلو مانو مهتم بنوب
الفريدو : شو هالحكي كيف مومهتم بالعكس حتى هوه بلش وفكر راح يفتح شركه
اعلانات منافسه للشركه اللي عم يشتغل فيها ماكس
اوزفالدو: تفتكر هالشي راح يجيب نتيجه؟؟
الفريدو:اكيد راح يجيب نتيجه برونو ابني بعرفه منيح مستحيل يستسلم
وراح يضل ورا هالولد لغايه مايخليه يفشل في شغله
ويصير صغير كتير قدام ماريا ووقتا راح تتركو وترجع الك مثل الاول
اوزفالدو:اتمنى هالشي يصير ومايصير العكس
الفريدو :لا تقلق اذا ماجاب نتيجه وقتا بنلاقي 100 طريقه تانيه
في مكان تصوير الاعلان المخرج يدرب ماكس على الاعلان
ع الحركات والنظرات وطريقه المشي وكل شي
بعد انتهاء التصوير
المخرج: هايل ماكس كنت ممتاز الاعلان راح يطلع بيجنن
انا متأكد من هالشي
ماكس : شكرا الك استاذ ان شا الله ماراح اخجلك وراح اكون عند حسن ظنك
اعلان ماكس اتعرض وحقق نسبه مشاهده
عاليه وحقق نجاح كبير
داميان:ألف مبرك ماكس ماعم صدق اللي صار
معقول كل هالنجاح من اعلان واحد
ماكس: الله يبارك فيك داميان كل هالشي بفضل مساعدتك الي
عن جد مابعرف كيف اتشكرك لولا وقوفك جنبي
مابعرف شو كان راح يصير فيني
داميان : لا تحكي هيك انت موهوب وهاد النجاح
انت بتستحقه وكمان الشركه بدا تمد التعاقد معاك بس نحنا بدنا نفكر
بالعرض اللي عرضوه بالاول
انتهت الحلقه .... ماهي توقعاتكم للحلقه القادمه؟؟
