اوزفالدو هيتصدم من كلام ماكس
اوزفالدو: شو هالحكي مو معقول رد يابرونو هالحكي مظبوط؟
برونو: لاتصدق عمي هالحكي مو صحيح هاد واحد كداب بدو يوقع بيناتنا
ماكس: انا اللي كذاب اذا مانك مصدق سيد اوزفالدو ممكن تسأل السيد رافييل صاحب الشركه
اوزفالدو: خلاص مابدي اسمع شي امشي من هون ماكس
ماكس: ماشي سيد اوزفالدو بس اذا حضرتك سكتت لها الحقير انا ماراح اسكت
وهيمشي ماكس وهوه متنرفز جدا
اوزفالدو: برونو شو صار ولا تكذب علي شو عملت الحكي اللي قاله ماكس صحيح؟
برونو: شو في عمي انت كمان صدقت هالحقير هاد واحد مجنون بدو يوقع بيناتنا
الفريدو: خلاص اوزفالدو تعا معي واهدى
هيروح الفريدو واوزفالدو المكتب
الفريدو: اوزفالدو مو هيك اهدى شو مشان ماحدى يحس علينا
اوزفالدو: كيف بدك ياني اهدى انا ماعدت فاهم شي بنوب ماعدت فاهم مين الصح ومين الغلط
انا غلطت لما خفت على بنتي من الفقر ؟ كنت اناني لما رفضت ارتباطها بماكس؟
الفريدو: والله مابعرف يااوزفالدو شو بدي اقولك
اوزفالدو: لا تقول شي انا رايح ع البيت حاسس حالي تعبان
هيروح اوزفالدو البيت
انسيلمو: اوزفالدو شو رجعك بكير هيك شو صار؟
اوزفالدو: مافي شي بابا
انسيلمو: كيف يعني مافي شي احكيلي لشوف
اوزفالدو هيحكي لانسيلمو اللي حصل في الشركه
انسيلمو: معقول هالشي برونو يعمل هيك؟
اوزفالدو: والله مابعرف بابا مين بدي اصدق يعني برونو قال انه راح يتولى الموضوع ويحل المشكله
بس ماتخيلت انه يساوي هيك ويحكي عن بنتي بها الطريقه وماكس ما اله مصلحه
يكذب بهيك موضوع
انسيلمو: معك حق مو معقول ماكس يكذب بهيك موضوع وكيف بدك تتأكد ان كان
فعلا برونو قال هالكلام ولا لأ
اوزفالدو : مابعرف بس مو معقول اروح لصاحب الشركه واسأله
انسيلمو: هالحكي مابدو سؤال فوق بقى برونو بدو يدمر حياه ماريا
لازم تبعده عن طريقها وانت لازم تسامح بنتك وتقبل بحبها لماكس الولد مافي مثله
وبيحب البنت عن جد
