#اومينيس2
ملحوظه : ده جزء من تعويذه مش كامله فلا داعي للهلع
مخرجتش من ذهولي غير علي صوت الشيخ وهو بيصرخ " أعوذ بالله من الشيطان الرجيم اعوذ بالله من كل مارد لعين... الشيخ ربيع لسه مكملش قرايه وفجأه اختي بصتله سابت اللي بتعمله وبكل جحيم الأرض والسما والشرار طالع من عنيها بصتله بصه تهديد ووعيد وصرخت بكلام مش مفهوم والدم نازل من بوقها... لحظه واحده! دم ايه ده!!
كانت ماما جايبه لعامر اخويا الصغير كتاكتيت صغيره فرحان بيهم وبيربيهم كانوا في قفص صغير هي أك... اكل.. اكلتهم!!!!
طب ذنب الكتاكيت ايه طاااه!!!
الشيخ رجع لورا وصوته بدأ يعلي بالقرءان آيات عذاب وحرق وكل م صوته يعلي ريتاج تتجن اكتر واكتر بدأت تكسر في كل حاجه حوليها جابت القوه دي منين معرفش!!
كان نفسي اجري طبعا لبره واسيبهم هما عشان عشت معاهم عشرين سنه خلاص بقيوا أهلي! ؟
بس هيهات ونبع الحنان المرمى ع الارض دي اعمل فيها ايه قعدت افوقها يمين وشمال مش وقت تسورقي خالص يا حجه مش راضيه تصحى جتني فكره!
قومي يا ماما اصحييي ريتاااج كسرررت النيييييش!!!!
فجأه لقيتها قامت باور اربعه وعشرين حصان لسه بتقول في اي... وبقينا ريتاج بقدره قادر نطت فوقينا ع السقف بتبص لكل واحد نظرات استهجان واستخفاف "شويه وهتف علينا والله "
ابويا صرخ ف الشيخ أتصرف الشيخ قاله محتاجين ننزلها نستفزها عشان تنزل ونرش عليها م الميه اللي في القزازه اللي معايا اخويا اسلام مكدبش خبر ومسك مخده أتقدم خطوه رماها عليها وطار عشر خطوات لورا "لو مرجعش لورا كنت هشك انه اسلام اخويا "
فعلا نزلت بتبرطم بكلام لا هو عربي ولا هو عبري الشيخ بدأ يقرأ ايه الكرسي بصوت عالي وفجأه رش من قزازه الميه على ريتاج جه علي وشها الغريب أننا كلنا سمعنا كأن صوت مطر بيطفي نار ورماد اختي صرخت كأنها بتتحرق وهي حيه دبت الرعب في قلوبنا كلنا زلزلت المكان كله وفجأه سكن المكان ريتاج وقعت مش حاسه بحاجه الشيخ صرخ بسرعه حبل حبل نربطها قبل م تقوم , جريت ع المطبخ اشوف اي حاجه تتربط بيها واول م فتحت النور شوفت مشهد من فيلم رعب مكنش حقيقي كله ده كابوس اكيد!
دم في كل مكان قزاز متكسر وحلل مرميه علي الارض وعلي الحيطه مكتوب بالدم... " العجل العجل الساعه الساعه احضروا الان!!!!!!!!!!!!!!
يتبع
أنت تقرأ
اومينيس
Horrorقد يؤدي الفضول احيانا إلي ما لا يحمد عقباه ! فتاه عشرينيه تتسبب باتحاد العالمين معا "الانس والجن " لتمنع كارثه تهدد كلا عالميهم فهل يا تري ستكون الحرب لصالح من ؟!
