حور

الفصل *١*

- انتى يا بت يا مقصوفة الرقبة اصحى اتأخرتى على شغلك
- مش رايحة سيبينى انام
- يا بت قومى كل اخواتك صحيوا وانتى اللى بتشتغلى لاء . يالا يا بت الجزمة قومى لأجيبك من شعرك ده
- حاضر يا ماما . الساعة كام ؟
- 10 الصبح
- يالهوى يالهوى انا اتأخرت اوى
دخلت الحمام مسرعة وبعد 10 دقائق
فخرجت وارتديت ملابسى بسرعة وخرجت مسرعة نحو عملى
عند نزولى الشارع ادركت انى نسيت نظارتى
- يالهوى ايه الغباء ده يخربيت اليوم اللى اشتغلت فيه على اتعلمت فيه
ثم دخلت الشقة وجريت على غرفتى لأبحث عن النظارة ووجدتها ولكن كالعادة كانت تحت السرير وخرجت للخروج ولكن امى اوقفتنى
- يارب الصبر من عندك ربنا رزقنى بأتنين معتوهين واحدة عندها 23 سنة ومتخرجة من كلية فنون جميلة المفروض تشتغل مهندسة ديكور لاء اشتغلت فى مكتبة ليه يا بنتى . اصلى ملقتش المكان اللى يقدر مواهبى يا ماما والمكتبة حلوة
والتانية متجوزة وكل شوية تجى تعيطلى ماما
مازن مش بيحبنى . ماما مازن زهق منى
والتالتة اللى فى ثالثة اعدادى كل شوية مصيبة و خنا...
- بس بس انا عندى شغل يا حجة لما اجى ابقى نكمل كلامنا مع لب خشب وسورى وشوية كركدي..
ثم فى اقل من دقيقة وجدت امى تخلع الشبشب و ببراعة تصويبها جاء فى رأسى
- ماشى يا سوسو مقبولة منك يا جميل سلام
ثم ذهبت للمكتبة ووصلت على الساعة 11 ونص
دخلت المكتبة بهدوء وعلى اطراف اصابعى ولم اشعر بالكرة التى اسفل قدمى ثم وقعت على وجهى
ووجدت الجميع ينظر لى حتى مديحة اللئيمة
يالهوى ديه جاية عليا قمت مسرعة وذهبت للمكتب وجلست عليه وعملت نفسى مندمجة فى الشغل الله عليا ممثلة والله
- انتى كل مرة تجى متأخرة يا انسة
- معلش يا استاذة مديحة والله اخر مرة
- بلا اخر مرة بلا بتاع . انتى بتشتغلى عندى من ساعة ما اتخرجتى وطول الفترة دى مش بتجى فى مواعيدك .
- معلش يا استاذة مديحة
- سورى يا حبيبتى بس انا خلاص زهقت من نظام شغلك وللاسف انتى مطرودة
- مطرودة هيا حصلت انك تطردينى يا مديحة يا لئيمة . مش عجباك نظام شغلى . شوفى ياختى نظامك مع مع وانتى فهمانى ها
- انتى بتكلمنى انا كده يا بت . مش احسن من خلقتك المعفنة . بالنضارات اللى من السبعنيات دى . جتك القرف غورى

انا تبهدلينى واحدة زى دى ماشى فمسكت الكورة التى كانت على الارض وضربت بها مديحة من الخلف وجريت بسرعة على الشارع وقبل ان اركب عربيتى سمعتها تصرخ
احسن خليكى تولعى يا بعيدة
اتصلت بصديقتى منذ الطفولة هايدى
- الو مين معايا
- مين معاكى ؟انتى مش بتشوفى الرقم قبل مت تردى يا بت
- معلش يا رورو بس انا كنت نايمة
- وانتى يا بنتى متخرجة من كلية اعلام علشان تنام فى البيت اتعلمى الكفاح منى
- ايوة الكفاح اللى هو فى المكتبة صح
- بس نسيتى اهم حاجة
- ايه
- مديحة اللئيمة
- ايوة فى دى عندك حق ست زيها داخلة على الخمسين تحط اللى بتحطه فى وشها ده ولا كل شوية جوازة والراجل بيموت فى الاخر
- ههههههه خلاص الله يخربيتك النميمة حرام
- بس فى مديحة لاء . دى كل ما تشوفك تخليك تلفى تجيبى الفطار للمكتبة كلها وعصاير وبفلوسك كمان
- خلاص يا ديدا الحمد الله اصلا انا اطردت
- الحمد الله ست معفنة
- بس انا كده هدور على شغل يا هايدى وانا كنت مرتاحة فى المكتبة اووف
- معلش حببيتى دورى على شغل بشاهدتك
- ماشى يا ديدا . سلام بقا علشان اشوف امى الحلوة هتبقى محاضرتها النهاردة على ايه واشوف اختى العبيطة
- طيب سلام وانا هروح اصلى و هحاول ادورلك وادورلى على شغل

دخلت البيت على اطراف صوابعى حتى لا تلاحظنى امى ولكن كالعادة سمعتنى
- اترفدتى صح
- ايوووة
- احسن برده
- انتى مش زعلانة يا سوسو
- زعلانة على ايه شغلانة مش حلوة ولا الست اللى هناك دى عجبانى اخلاقها فالحمد لله
- تمام يا حجة قاعدة على قلبك لحد مالاقى شغل
- ماشى يا حبيبتى

ذهبت لغرفة اختى حلا
- ازيك يا لولو عاملة ايه النهاردة
- اهئ اهئ مصيبة يا حور مصيبة اهئ اهئ
- أيه طلع بيخونك انا كنت عارفة انا من ساعة ماشوفته وعرفت انه شاب مش محترم وبتاع بنات وكل يوم سهر بره مع اصحاب..
- بس يا حور انا حامل
- لولىىى لولىىىى دى حاجة تزعل برده يا حلا الطفل خير ويلم شملكم
- بس انا خايفة ليرفضه او يهمله
- ماتخفيش يا حبيبتى انا هربيه من اول وجديد علشانك يا قلبى
- ماشى يا حور بس براحة عليه ها
- ميبقاش قلبك رهيف كده يا بت اجمدى . يالا انا هقول لماما وانتى نامى واتاحى علشان اللى فى بطنك يا ختى
رأت حلا حور خارجة من الاوضة وماسكة ضهرها على انها حامل هههههههه
- سوسو انا عندى لكى خبر بمليون جنيه
- اخلصى يا بت
- مش هقولك غير ما تدينى بوسة
- يا بت اخلصى جبتيلى الضغط
- حاضر يا سوسو .. حلا حامل
- حلا حامل هيا فين الجزمة تقولك قبلى
- معلش يا ماما الخلفة الجاية انشالله
- طيب هاروح اتصل بجوزها اقوله
- لاء لاء احنا لازم نربيه ونعلمه اصول احترام المرأة وتقديرها ويعرف المزة اللى متجوزها
- اوعى تطفشيه يا بت وتخلى اختك متطلقة وقاعدة على قلبى زيك
- احسن خليه يغور مش عاوزاه هو الخسران حلا دى ضحكة البيت
- ماشى يا حبيبتى روحى نادى اخواتك علشان يتغدوا
- حاضر يا ماما
فى غرفة صبا
- بت يا صبا
- نعم عايزة ايه
- انتى بتعملى ايه
- بلعب ببجى مع اصحابى
- نعم يا ختى فى واحدة فى ثالثة اعدادى بتلعب. لاء وبتلعب ببجى كمان طب ألعبى باربى ولا انجيلا زى البنات يا متخلفة انتى
- ملكيش دعوة يا هبلة
- طب يلا اخ برعى

************
- الف مبروك يا حلا يا حبيبتى
- الله يبارك فيك يا ماما
- حلا انتى حامل
- ايوة يا صبا يا حبيبتى
- كلى يالا علشان تتخنى وتبقى زى البطيخة وابقى انا الوحيدة المزة اللى فى البيت وجسمى زى الاجانب
- ده جسمك عامل زى القلم الرصاص وملبسينه نظارة
- بس يا برعى
- ماما مروحتيش الشغل ليه النهاردة
- مانا كنت هقولكم علشان علشان
- مالك يا سوسو
- بس يا حور متقاطعنيش
- طبعا انتم عارفين ان والدكم الله يرحمه مات من 10 سنين وانا اللى بشتغل علشان اعرف اربيكم وميكونش نفسكم فى حاجة
- ماما انتى هتقلبيها فيلم هندى
- بس يا صبا
- انتوا عارفين استاذ محمود صاحب شركة الاستيراد والتصدير اللى انا بشتغل فيها
- ايوة يا ماما عارفين
- مالك يا ماما قولى
- استاذ محمود طلب يتجوزنى 
- ايييييييه !!!!!!!

**************
لو سمحت يا جماعة عايزة تفاعل علشان انا كمان اتفاعل فى القصة لان الرواية اكشن كوميدية و رومانسية
وانا بكتب ب 1000 كلمة