حور

الفصل *٧*

صبا ......
- اه انا فين
- صبا حبيبتى انتى كويسة
- لا انا حاسة انى جسمى كله مكسر
- معلش يا حبيبتى هناديلك الدكتور

بعد ثوانى
- سلام عليكم
- وعليكم السلام اتفضل يا دكتور
- ها يا صبا عاملة ايه
- جسمى وجعنى 
- طبيعى متخافيش يومين وهتبقى تمام
- شكرا يا دكتور
- حلا انا مين اللى جابنى هنا
- معرفش لقيت المستشفى ببتصل بيا من تليفونك وبيقولى ان واحد جابك المستشفى ودفع فلوس المستشفى ومشى
- واو واضح انه شاب محترم وكويس
- ايوة فعلا ... بس انا عايزة اعرف اللى حصل ؟
- ايه ... ااانا كنت بعدى الشارع فكان فى عربية هتخبطنى فحسيت بحد بيدفعنى على جنب
-اه طيب مالك مش على بعدك كده ليه
- خلاص بقى يا صبا هو تحقيق... وبعدين انتى مش المفروض فى شغلك
- ايوة بس انتى اهم يا صبا
- بس كده ادم هيبهدلك وممكن يطردك كمان انتى مكملتيش شهر فى الشغل
- يعنى اسيبك لوحدك يا صبا . امك فى الشغل ومتعرفش واختك حلا مع مازن بتشوف الشقة
- خلاص انا اسفة يا حور
- ماشى يا هبلة .. هروح اكلمهم اقولهم
- طيب انا هروح انام شوية
- ماشى
**********************
فى شركة ادم محمود الديسوقى
- البت دى هتجبلى اجلى . اقسم بالله
كأنها شغالة فى شركة ابوها
- معلش اهدى يا دومة مش كده يا حبيبى الضغط هيعلى عليك
- هيا مش نقصاك يا فارس
-  يعنى انا اصلا مسافر علشان اساعدك واشوفلك الاخبار هناك  وانت هنا قاعد مرتاح
- اه فعلا مرتاح والله دى اللى اسمها حور فى الاسبوعين دول جننتنى والله كنت هطردها بس بابا محذرنى ازعلها
- والله ابوك بيعرف يتعامل مع الستات اكتر منك وعنده حق يسيب امك
- فااااارس
- خلاص متزعلش ماما حلوة
- طيب ..  ايه الاخبار هناك
- مش تمام بيفكروا يغدروا
- انا عارف ان الناس دى وسخة وهقتلهم واحد واحد .. حد خد باله منك
- ابدا يا بابا محدش خد باله نهائى . عارف انا حاسس انى اتولدت علشان اكون جاسوس
- يا راجل طب اطلع بره جبتلى صداع
- طيب ناوى تعمل ايه مع حور
- نفسى اطلع عينيها بس بت اللذينة شيطانة مش عارف اعمل حاجة
- اخيرا جت اللى تخليك تفكر فيها
- نعم يا خويا !!!!  انا بكرهها مش بحبها
- الميه بتكدب الغطاس يا حبيبى و هنشوف

***************************
فى شركة محمود الديسوقى
- ها ايه رأيك ننزل بالليل نجيب الشبكة والفستان ونعمل الفرح اخر الشهر
- مالك مستعجل ليه كده يا محمود
- مفيش عادى احنا عارفين بعض من زمان
وانا بحبك يا سارة وقرفت من حياتى وعايزك تنوريها
- ماشى يا محمود . هشوف البنات واكلمك .. حور بترن عليا يعنى هشوفها عن اذنك
- اتفضلى

،،،،،،،،،،،،،،
- اهلا يا حور خير
- خير يا ماما خير بس صبا ....
- ما تنطقى يا بت
- صبا عععملت حادثة وهيا فى المستشفى
- اييييييييه !!!!!
انا جاية حالا
،،،،،،،،،،،،

- فى ايه يا سارة
- صبا عملت حادثة لازم اروح معلش
- لا عادى روحى شوفى بنتك
- شكرا يا محمود سلام

********************************
فى المستشفى
- ماما جاية يا صبا
- ربنا يستر
- شكلها وصلت
- صببببا ..مالك يا بنتى حصلك حاجة
- ااااا
- مالها يا حور.. نسيت الذاكرة مش كده اه يا بنتى يا ضنايا
- يا ماما صبا زى القطة بسبع ارواح
- يعنى مفيهاش حاجة
- ايوة بس هيا خايفة منك
- اه ليييييه انشالله عملتى الحادثة
- بعدى الطريق واصلا شخص انقذنى ومنعرفش مين ودفع فلوس المستشفى
- ايه ؟؟؟؟؟هو فى ناس كده دلوقتى ده واضح انها مستشفى غالية
- حظ بقى يا ماما
- واختك حلا فين من ده كله
- لسه هكلمها هيا مع مازن بيشوفوا الشقة
- اه فكرتينى الست ام محمد قالتلى ان ابنها الكبير اشرف متقدملك
- نعم يا عمر مين المتقدم ... اشرف
- ايوة ماله
- يا ماما ده اقرع ومعفن ورخم على قلبى
- حور انتى عارفة كم واحد رفضتيه
- اه كتير
- وانتى داخلة على التلاتين
- اه ايه المشكلة
- يا بت انتى هتجبي اجلى قريب يعنى واحدة زيك قمر ومعاها شهادة وبيتقدملها المهندس والدكتور وووو
بترفضى ليه .. ها ؟؟
- يا ماما لسه مقابلتش الرجل المناسب
- لاء يا حبيبتى انا صبرت عليكى كتير اول واحد هيتقدملك بعد اشرف هوافق ماشى
- والله حرام اللى ببحصل ده
- بس يا بنت روحى شوفى اختك

*******************************
خارج الغرفة
- هتجوزيها اي حد يطلبها .. ايوة كده وهعرف اربيكى يا حور
- ادم مدخلتش ليه لحد دلوقتى
- قلت استناك لحد ما تجيب الورد والشوكولاته
- طيب يالا

********************************
- والله تعبت نفسك يا محمود
- ولا حاجة هو احنا عندنا كم صبا
- الله يخليك يا عمو
- السلام عليكم
- مازن وحلا اتفضلوا يا حبايبى
- اخبار صبا ايه
- انا كويسة يا جماعة
- طيب الحمد لله
- طيب بالمرة اقولهم يا محمود بما اننا متجمعين
- قولى يا سارة
- انا ومحمود هنتجوز اخر الشهر
-  الف مبروك يا ماما و الف مبروك يا عمو
- بس انتوا مش مستعجلين كده
- لا ابدا يا حور خير البر عاجله يا حبيبتى
- اوك
- انا ومحمود هننزل بالليل نجيب حاجة الفرح ونبدأ نجهز انشالله فاضل ثلاثة اسابيع
 - تمام .. اسناذ مالك ساكت من ساعة ماجيت
- اصلِ بفكر اتجوز