حور

الفصل *٤*

- انت!!
- وسعى كدة يا بت انتى
- اوسع فين يا حجة ده بيتى انتى اللى احترمى نفسك
- اتكلمى يا بت بأسلوب احسن مع امى
- هيا اللى تحترم نفسها . ايه داخلة زريبة ؟؟
- شايف ابوك رايح يتجوز منين
- خلاص يا ماما . انتى قولتى مش هتعملى مشاكل
دخلت حور الى الداخل ووارئها ادم وامه
- الله الله يا محمود وعرفت تختار .. سبتنى علشان ناس زي دى
سبت داليا هانم علشان ناس بيئة زى دول . اقول ايه انا زيهم
- اخرسى خالص يا داليا .. الناس دى احسن منك مليون مرة و امشى لوسمحتى
وانت يا ادم جاي وجايبها معاك وعارف انها هتعمل مشاكل
- يا بابا . ماما عندها حق الناس دول بيئة اوى واحنا عائلتنا من اكبر العائلات فى مصر كلها
جاى تتجوز من دول
- ومالنا انشالله حافيين ولا قاعدين فى الشارع وبنشحت حاسب على كلامك يا اد
- استاذ ادم يا بت انتى .. متنسيش الطبقات والفوارق اللى بينا
- لاء فاكرة كويس وانت اللى ناسى انك فى بيتى البيئة  و.. اتفضل بره انت وامك
- انتى بتطردينى يا معفنة
- حور عيب يا بنتي ..
- لاء يا ماما
- خلاص يا سارة .. انا اتشرفت بمعرفتكم ومعلش على اللى حصل والمرة الجاية تكون احسن لأنى مش هسيبك يا سارة انا بحبك وهتجوزك وانتى الزوجة الصالحة اللى ربنا هيكرمنى بيها بعد تعب وقرف
- انا قرف يا محمود
- اه ويالا نمشى يالا يا جودى
ثم اقترب ادم من اذنى وقال بصوت يشبه حفيف الافاعى : هتندمى والايام بينا كتير يا ..يا  حور

******************************

فى منزل محمود الديسوقى
- ايه اللى عملتوه ده هناك .. ها رد يا ادم
خلاص بقيت داليا نمبر 2
- يا بابا الناس دى مش مستوانا وبصراحة الست اللى هتتجوزها دى ست حقير..
فشعرت بيد والدى تسقط على وجهى بقوة
ولأول مرة فى حياتى يضربنى والدى بسبب تلك العائلة ...
- تضربنى يا بابا علشانها
- واموتك كمان الست اللى كنت هتشتمها دى هتبقى فى مقام امك يا حيوان
- تمام وانا مش هسكت على الجوازة دى
- اعلى مافى خيلك اركبه انت وامك
- نفسى بس اعرف انت طلقت امى ليه
- ميخصكش .. شوف حالك

فتوجهت الى غرفة الالعاب الرياضية وبدأت افرغ طاقتى وسوف انتقم من تلك العائلة وبالاخص حور

**************

- خلاص يا ماما متزعليش
- انا مش زعلانة والله يا حلا انا فرحانة
- فرحانة !!! اتهبلتى فى مخك ولا ايه يا ماما
- بس يا حور عيب كده ..
لاء بس انا فرحانة انه وقف امام مراته وابنه علشانى وانه بيحبنى صح
- بس انا مش مرتاحة يا ماما للست دى هيا وابنها
- هنعمل ايه يعنى يا صبا .. اصلكم متعرفوش الست دى ربنا يستر وشكل ابنها زيها
- انتى مش بتشتغلى معاه يا حور
- ايوة يا حلا ... ربنا يقدرنى عليه ويانا يا هو
- بس يا بنت يلا خشوا ناموا

دخلت غرفتى واتصلت بهايدى
- الو يا كلبة البحر
- الو يا سيد قشطة
- انتى مصحيانى علشان تشتمى انجزى
- وانا كل مااتصل بيكى الاقيكى نايمة
بصى يا ستى ماما اتقدملها عريس
- مين بتقولى ماما ؟؟؟
- ايوة ومتعرفيش مين كمان
- مين يا حور
- ابو مديرى
- ابو ادم الديسوقى .. محمود بيه
- ايوة انكل محمود
- يا نهار اسود دى مراته حرباية
- مالناش دعوة الراجل كويس وعنده بنت فى سن صبا وابنه معفن زى امه ربنا ياخده بس عليه حته ع...
- نعم يا اختى انتى معجبة بمديرك وهيبقى زى اخوك بعد جواز مامتك
- لاء بس هو مز الصراحة
- حور اعقلى
- حاضر .. بس اسمعى يا غبية اول ما دخل الراجل ومكملش ساعة لقينا الحيزبونة بترن على الباب هيا وابنها ومسكتتش غير لما مشى الراجل معهم
- يا نهار اسود ربنا معاكم يا اخوتشى
- بس هو طلق مراته ليه ؟؟
- محدش يعرف من يوم وليلة انتشر الخبر وهيا ولا همها
- تمام يلا روحى عايزة انام عندى شغل الصبح
- من امتى الانضباط ده
- من زمان بس محدش واخد باله سلام
وذهبت فى نوم عميق

****************
فى الصباح ذهبت للعمل فى الساعة 7.5
وجدت الشركة فاضية
دخلت لمكتبى مسرعة ولكنى سمعت صوت دوشة قادم من غرفة مصاص الدماء (ادم)
وجدت باب الغرفة مفتوح شويه ونظرت فى الداخل
فوجدت ....
- يالهوى يالهوى
وذهبت للمكتب مسرعة وجلست ألتقطت انفاسى
- مخدرات !!!!