فصليه الشيخ جبل

البارت الثالث

كـونــك وحـيــد لا يـعـنـي انــك فــاشــل ،

غزل، كعدت الصبح ب 9 بدلت ونزلت جوه البيت هدوء كلش ولا صوت بي رحت للمطبخ اشرب مي محسيت اله وايد لزمت جتفي
غزل،يووومه

جبل،شبيج يابه

غزل،دكول احم شي خرعتني ولله

جبل،انتي منو اصلا شو صالج من لفاتحه لهسه عدنه

غزل،هااا اني اننني

جبل،منو انتي شبيج تمتمتين

غزل،انيي ال ف فصليه وحطيت ايدي علا عيوني خفت من ردت فعله
شو ماكو صوت شسالفه شلت ايدي شفته صافن عليه رجعت ايديه خاف اخذلي ركعه

جبل،صح جعت متحلف بل فصليه من تجي اراويهه نجوم الضهر بس من عرفت غزل هيه لفصليه تفاجئت بيهه كبل شغت مكانهه اختي دموع بعدهه زعيره كلش حرام هيج يصير بيهه واهله ينطوهه فكرت لْـۆ مزوج اني جان هسه عندي بنيه بكدهه ماعرف شسوي بس كلش ستخطيتهه لٱ وتصرفاتهه مال جهال شلون تحجي وتتصرف

جبل،هاا انتي الفصليه

غزل،اي

جبل،ديله سويلي ريوك بسرعه خمس دقايق واريده اذا عبرت لخمس دقايق افلش المطبخ فوك راسج

الكاتبه قصرت جوجو هاي عود ستخطيتهه

جبل،لج فوفه عيني مالازم ننطي للبنات وجه بس تنطيهن وجه يركبن فوك راسج لآزٍمٍ يشوفن لخوف من اول يوم

الكاتبه خبره جوجو خبره

غزل،يي
اوف يربي شـٓسـٰﯛي" هسه ريوك اني شداني شيحب شلون هسه اروح اسئله خاف انكتل يربي شـٓسـٰﯛي اوفف اروح اكعد دموع اسئلهه احسن
جاي اصعد لدرج وشافني جبل يومه

جبل،ها وين موليه متت جوع وراي شغل

غزل،هااا اي هسه هسه ولله بس اروح اشوف دموعه

جبل،ولمن شايفته خاف متعرفين تسوين ريوك

غزل،لٱ ولله اعرف بس

جبل،بس شـنو

غزل،،ماعرف شنو انت تاكل بل ريوك

جبل،ستغفرلله وهسه ليِْش تبجين يابه سويلي بيض عيون بسرعه

غزل،وهيه تمسح دموعهه ثواني ولكل يجهز وراحت طياره بسرعه سويت وحطيت الجاي وديته اله
تفضل

جبل،كعدي اتريكي وياي

غزل،لٱ شكراا اني ما اشتهي

جبل،وهوه يخزرهه كتلج كعدي

غزل،كعدت يمه

جبل،شكد عمرج انتي

غزل،16

جبل،هااا صغيره

غزل،عمو ماصغير اله الشيطان

جبل،طيح لله حضج بس ليش اهلج اطوج ونتي هيج زغيره ماخافو عليج لْـۆ ذبوج علينه اكيد مسويه شي ويردون يفتكون منج