الاشقاء الثلاثه
الحلقه الاولي
في فيلا من الطراز القديم حيث يقبع بها الجد وحيدا بعيدا عن احفاده
ليقرر اخيرا ان يلمم شتات العائله ويجمع احفاده تحت جناحيه
الجد :انا جمعتكو انهارده عشان اصلح الخطا الكبير اللي ابوكو عمله فيكو من زمان وفرقكوا عن بعض وخلي كل اخ مايعرفش اخوه
انا عاوزكو تيجو تعيشو معايا هنا
سعيد:ماينفعش ياجدو انت عارف ليا اختي تقوي من الام مالهاش حد بعد والدتي ووالدها اما ماتو مالهاش غيري
حازم :وانا كمان اختي هبه ماقدرش اسيبها مالهاش غيري بعد وفاه ماما
يوسف :وانا كمان اختي ساره صغيره ف ثانوي ومقدرش اسيبها لوحدها مالهاش غيري
الجد:ومين قال تسبوهم الفيلا واسعه وكبيره كل واحد يجيب اخته معاه ولكل واحد اوضته المستقله بس انا عاوز اجمعكوا المهم سوا تعيشوا كاخوه قلبهم علي قلب بعض مش كل واحد مايعرفش اخوه ولا يعرف عنه حاجه
سعيد وهو اصغرهم ولكنه ملتزم فوالدته كانت منتقبه واخته تقوي منتقبه
انا لازم اسال اختي الاول لان هي منتقبه ومعرفش هتقدر تعيش هنا ولا هترفض عشان ممكن ماتبقاش علي راحتها
الجد:ليه لها اوضتها الخاصه بحمامها ولو عاوزه تاكل ف اوضتها بتاخد اكلها براحتها وتاكل يعني خصوصيتها محفوظه
سعيد:خلاص هقولها ياجدو
حازم :وانا هسال هبه لانها مستقله شويه ولها رايها ومش هقدر اضغط عليها وكمان احنا عايشين ف فيلا ماما
يوسف:وانا هسال ساره لان والدتي متوفيه قريب ومش عاوز اضغط عليها لو وافقت هجيبها واجي
الجد:انا بحاول اصلح خطا والدكو اللي كان بيجوز ويخلف ويطلق لحد ماربنا ابتلاه بمرض ومات
وماعملش ف دنيته حاجه الا انه خلفكو وسابكو متفرقين مالكوش دعوه ببعض وكمان ف رقبه كل واحد منكو اخت متعلقه فيه لان ام كل واحد اجوزت بعده وخلفت
سعيد:الا انا ماما كانت ارمله ومعاها تقوي واجوزته وعاشت معاه لحد مامات وخلفتني بس لقطت منه المرض بتاع فيرس سي وماتت هي كمان
وكانت بتخدمه لحد مامات لانها كانت ممرضه
الجد:ربنا يرحمها ويرحمه كانت ست طيبه
خلاص اتفقنا كل واحد يكلم اخته وقولولي قراركوا
بس مش هتنازل عن وجودكو جمبي انا كبرت ومحتاج احفادي جمبي يديرو الشركه معايا ومن بعدي
سعيد:ربنا يديك الصحه ياجدو ويخليك لنا يارب
الجد:تسلم ياحبيبي وتعيش
حازم :بس انا ليا شركتي ياجدو
الجد:عارف ياحازم وعارف انك منافس قوي ليا كمان بس مايمنعش بدل مابنتنافس تضم شركتك لشركتي حتي تساعد اخواتك يفهمو الشغل
سعيد:بس انا لسالي سنه ياجدو
الجد:لما تخلص ياسيدي ومايمنعش انك تتدرب فيها السنه دي علي ماتخلص
حازم مهندس وعارف تفاصيل الشغل وانت كمان اخر سنه ف تجاره تمسك ف الحسابات
اما يوسف محامي يمسك ف الشؤن القانونيه وبكده الشركه كلها تبقو ماسكين خيوطها وماحدش يضحك عليكو
الجميع
حاضر ياجدو هنفكر ونسال اخواتنا لان مهم رايهم
الجد:ماشي حبايبي ماتتاخروش عليا
مابقيش ف العمر بقيه وانا عاوز المكو حواليا
أنت تقرأ
الاشقاء الثلاثه
Romanceاشقاء لايعرفو ن بعضهم لياتي الجد ويعمل علي تجميعهم ومعهم اخواتهم من الام لان هؤلاء الاشقاء من الاب فقط فماذا سيحدث للاخوه وماذا سيحدث مع اخوات الاخوه الموضوع كبير كبير يلا نشوف
