الاشقاء الثلاثه

الاشقاء الثلاثه 8

الحلقه 8

ف الصباح استيقظ سعيد ويوسف للفطار ووجدو حازم نازل

سعيد:ايه ده مانسنا والله ياحزوم

حازم :اسكت ياسعيد انا دماغي عامل زي اللي وارم واد كده لدرجه مش عارف انام من الصداع قلت انزل افطر واشرب شوب قهوه يمكن يبطل الصداع شويه

وطول الليل احلم بملاك عجيب عيونه سحرتني مش قادر افكر غير ف عيونه

يوسف؛ انت يطلعلك ملاك طب قول شيطان

حازم:ماهي دي الفقره اللي بعدها

الناس تروح النار وتطلع ع الجنه انا العكس

رحت الجنه وبعدين النار

يوسف:انت لسعت خالص ولابس الترنج ليه مش رايح الشغل

حازم:مش قادر تعبان اوي البركه ف هبه بدالي

يوسف ف نفسه يادي زفته الطين

ونزلت هبه ايه يازومه ياحبيبي مش هتوصلني

حازم:مش قادر خدي العربيه انتي وروحي

هبه:لا مش متظبطه مش هقدر اسوق

حازم:خلاص يوسف يوصلك.معاه

هبه:لاااااا

طب ممكن ياسعيد تاخدني ف سكتك

يوسف :قال يعني انا اللي هموت واوصلها

كويس انها جت منك بت رزله

يوسف:طب انا ماشي بقي

معاك ربنا ياسعيد

سعيد :خلاص انا هاجي اوصلك واتفرج ع الشركه وعلي قسم الحسابات وارجع لتقوي اخدها هي هتروح لسه ع الظهر

ومشي الجميع وتركو حازم يفطر

وتقوي صحيت نزلت المطبخ بنقابها دون البيشه فهي داءما ترتديها لتخفي عينيها ولكن عندما تنزل او تطلع ف البيت لاتلبسها

خلص حازم ودخل المطبخ

حازم:لو سمحتي ياداده ممكن شوب قهوه

فالتفتت تقوي

الداده مش هنا فرجع مره اخري لسماع الصوت

حازم:انتي مين ونظر في عينيها

انتي الملاك صح

تقوي:يارب صبرني بدل مااصور قتيل

هو انت مخك ضارب ف الحالتين سواء سكران ولا فايق

انت ايه جابك ورايا المطبخ

فاغلق الباب

ومسكها من ذراعها

تقوي:ابعد عني ماتلمسنيش وبتقفل الباب ليه

حازم:اهمدي واسكتي شويه

اولا انا جاي اطلب قهوه من الداده

ثانيا انتي مين وحكايتك ايه وازاي انا عارفك

تقوي:امبارح جيت سكران طينه ودخلت عليا وانا

حازم:وانتي ايه انطقي

تقوي:كنت من غير الاسدال والنقاب يعني قاعده ف اوضتي براحتي يعني معرفش ان في كائن متطفل هيقتحم عليا اوضتي

حازم:المهم من غير رغي كتير عشان اتخنقت

تقوي:قعدت تقول جنه وملاك وكتمت نفسي لما قلت هصوت

حازم وبصيت ف عنيكي

تقوي:ايوه ونمت علي سريري

حازم:بس انا صاحي ف سريري

ماهو انا حاولت افوقك بخيت عليك مايه قمت تقولي شيطان ومعرفش ايه عشان كنت لبست الاسدال ماهو مش هقضيها قدامك كده

حازم:فاكر انا فقره 2 بتاعه الشيطان

المهم

تقوي:نمت تاني

حازم :تصدقي انا هخنقك وارتاح ماتكملي يابنتي انا مخي ورم اكتر مما كان

تقوي:رحت صحيت اختك اللي اهبل منك وطلعت عيني وماكانتش عاوزه تشيلك معايا والاخر غصبت عليها تشيلك معايا وهديت حيلنا ورحنا رميناك ع السرير

حازم:رمتوني والله تشكرو

بس دي حاجه حلوه اوي

تقوي :لو سمحت الزم حدودك احسن لك

المره دي هصوت والم عليك البيت كله

حازم :صوتي ماحدش هنا

تقوي:ازاي يعني وسعيد

حازم:راح يوصل هبه

تقوي :وجدو

يمكن راح الشركه والداده معرفش بتشتري حاجه من بره ولا ايه

فاخرسي شويه واسمعيني

حازم :انا عاوزك

تقوي تبتعد للخلف

انت اتهبلت ولا اتخبطت ف نفوخك ازاي تقولي حاجه زي كده انت مفكرني من الزباله اللي تعرفهم

حازم:ايه الهبل اللي انتي فيه ده والفيلم الفاكس بتاعك ده

انا عاوز اجوزك ياعبيطه

تقوي:انت اللي عبيط واهبل كمان

عشان تفكر ان ممكن انا اوافق بواحد زيك سكير وعربيد والله اعلم ايه كمان من معاصي

وعاوزني اوافق عليك انت بتحلم

وسع وسع من وشي احسن لك

حازم:لو ع الشرب هسيبه عشانك من انهارده

تقوي:الي يسيبه عشاني هيرجع له عشان واحده غيري

انا مش عاوزه حد يبطل عشاني انا عاوزه انسان ملتزم مش زيك