الحلقه13
استيقظ حازم وتقوي ف الصباح مفزوعين علي تاوهات شديده من السلم وغرفتهم هي اقرب شيء للسلم
حازم:دا صوت يوسف وقام جري مفزوع علي اخيه
وذهب وجده وقع من السلم
حازم :في ايه
ايه اللي حصلك
يوسف:كنت بقرا ف الملف وانا نازل رجلي فلتت ووقعت
حازم:طب اسند عليا
يوسف:مش قادر احرك رجلي
حازم اكيد في كسر
وجد تقوي كانت ارتدت نقابها وجاءت تنظر ماحدث
حازم:احدفي مفاتيح عربيتي بسرعه
فجات تحدفها له ليلتقطها
تقوي :طب استني نطلب الاسعاف
حازم:انا لسه هستني وحمله الي سيارته ليذهب للمشفي وهناك عملو الاشعات ووجدو كسر ف القدم
ولابد من تجبيسه
يوسف:انت هتعمل ايه هتشق بنطالون البدله
عشان تجبس وتبوظ البنطالون والبدله
حازم:ياعم خلصنا وهبقي اجبلك بدله احسن منها علي حسابي
اتكل علي الله يادكتور
يعني في عريس يقضي صبحيته ف المستشفي
انتو قاصدين تبظو الجوازه صح
الدكتور:شويه بس وتاخده معاك بس مايتحركش الا بعد 3 اسابيع
يوسف:والشغل
حازم:ياسيدي هنجبلك الورق ف البيت تراجعه وتمضيه اخلص ابوس ايدك انا بنام وانا واقف حرام علي اهلك
بقولكو عريس جديد ونايم متاخر اصحي مفزوع علي كسر ف رجل اخويا
انتو ليه مش مقتنعين اني عريس وسايب عروسته لوحدها تاني يوم كده
الدكتور:كده خلاص ممكن تاخده وحطوه علي كرسي واخذه ف العربيه وحمله للداخل
حازم:نزل شويه يايوسف مش كده مش تعمل حساب الظروف
يوسف:طب خلي حد غيرك يقول كده دانت اطول مني واعرض
حازم:بس انا اللي بشيل
يوسف:اجمد.انت بس هانت ولا فستكت من اولها ياعريس
حازم:والله ارزعك ف الارض
تقوي :خير حصل ايه
حازم:جبسوه
كانت هبه استيقظت فنومها تقيل شويه
ايه ده في ايه وهي فرحانه وتشاهد يوسف مجبس وشايله حازم
حازم:لا نرغي عنده ف الاوضه ارحموني انا شايل البغل ده
وهبه لا تستطيع كتم فرحتها
ودخلت وراءه يعني مش هتيجي الشركه وهي مبتسمه
يوسف:ومالك فرحانه كده ليه وانا هفضل مجبس طول العمر
هم 3 اسابيع وراجعلك علي قلبك
هبه:يارب يجو يفكوه يلاقوك محتاج شهر كمان
يوسف:مشو البت دي من قصادي بدل مااقوم اقتلها
حازم:اي ورق ياهبه محتاجه يوسف فيه تجبيه يقراه ويمضيه هو مش هيروح الشركه بالشكل ده
هبه:يوووه
حازم:مانتي عارفه انا ماجز اليومين دول وادي اولها هي باين عليها اجازه مارور علي امها من اولها او حد باصصلي فيها وينظر ليوسف
فينظر يوسف ف الفراغ ويصفر
حازم:ماشي ماشي اعمل من بنها
يلا نسيبه يرتاح
وياخذ تقوي لحجرتهم
وهبه :باي ياجو اشوفك بعد شهر
فيمسك المخده ويخبطها غوري ربنا يخدك
هبه:والله اجي اكتم نفسك بالمخده وانت مستسلم كده ومش قادر تتحرك
يوسف:غوري يابت مش طايق اشوف خلقتك
هبه:ادعي عليك بايه اكتر من كده ربنا يهدك اكتر من كده ايه
يوسف:والله لو مامشيتي لاقوم انفضك
هبه:بصراحه مش قادره اداري الشماته اصل مش كل يوم هلاقيك.مكسور كده تصدق عاوزه اخد اجازه وافضل اتفرج عليك وانت كده ياااه قمه المتعه
يوسف:امشي يابت انا عندي الضغط ربنا يشلك يابعيده
هبه:خلاص ماشيه دا يوم عيد لما اروح الشركه لوحدي وانفرد بيها
يوسف:تصدقي هتصل بالاسعاف توديني الشركه عشان ماهنكيش باليوم ده غوري داهيه تاخدك ومشت هبه وهي في قمه السعاده
وتركت يوسف وهو محروق دمه وحاسس ان ضغطه علي بسببها
أنت تقرأ
الاشقاء الثلاثه
Romanceاشقاء لايعرفو ن بعضهم لياتي الجد ويعمل علي تجميعهم ومعهم اخواتهم من الام لان هؤلاء الاشقاء من الاب فقط فماذا سيحدث للاخوه وماذا سيحدث مع اخوات الاخوه الموضوع كبير كبير يلا نشوف
