أزمه أحساس

مقتطفات

أزمه احساس
ملاك الصمت
مقتطفات...

ياسه.. جنت انظف المطبخ ودك مبايلي.. اخذته.. الرقم غريب صح لان ممخزون بخطي الجديد بس عرفته..
تسارعت دكات كلبي ورجفت اصابيعي.. وكلبي بين خيارين.. ارد لو ارفض.. مشتاقتله بكد رحمه الله وحاقده عليه بكد حبي اله لان جرحني واذاني..
اخير قرار.. عزمت ارد..
الو..
بدون سلام وبدون كلام سَمعت صوته نطق..
توافقين لو افضحج؟
بلعت ريكي.. سرت رعشه خوف ورعب بكل جسمي..
حاولت مابين خوفي. وضعفي وتصنعت القوه بس عليمن ع يامن..

تفضح عرضك؟
ضحك بأستفزاز..
صيري عرضي ومافضحج..
يامن..
اششش ولا كلمه.. راح ادز امي مره ثانيه وراح تصيرين حبابه وتوافقين بس هاا رفضج اليه اول مره راح تتحاسبين عليه بس كولشي بوكته حلو..
تهديده خلاني بلا حول ولاقوه.. رديت عليه واني من كثر غضبي وخوفي اسناني تصطك ببعضهه..
شكد شايفه ناس حقيره بس مثلك مشايفه..
سده بوجهي..
كعدت بالكاع  مهدود حيلي عاجزه مأيسه.. ابجي بقهر.. اني سويت بروحي هيج.. اني الي استاهل..