انثى في فم ذئب ل ياسمين العزي الناشربارق العراقي

الجزءالثاني البارت ٣ و ٤

#انثى_في_فم_ذئب
#بقلم_ياسمين_العزي
#الجزءالثاني_البارت_٣
#الناشربارق_العراقي
#اalnasheraliraqi9

يمامه...حارث صدكني ماراح يعوفوني بحالي
حارث...زين يمامه تقبلين تزوجيني.....
يمامه....شنو حارث مافتهمت
حارث....شنو الي مافهمتيه اريد ازوجج
يمامه...كل عقلك تحجي انت اخويه
حارث...ومحد كال غير هل كلام ابقى اخوج وتبقين اختي ماكو غير هل حل مهند نذل وماراح يعوفج
بحالج
يمامه....لا حارث صعب صعب
حارث...فكري يمامه اني اريد مصلحتج واخاف عليج
صدكيني
يمامه....مصدكه والله بس انت اخو عمر صعبه والله
حارث...وانتي اختي الله شاهد وماراح يصير غير بس الي ترديه فكري زين ورديلي خبر
يمامه..احس مثل الي انضرب برأسه شلون ازوج بعد
عمر ودمعتي نزلت شلون ازوج اخوه ياربي رحمتك
تعبت
فكره تجيبني وفكره توديني
وره شويه دخل ابويه
بنتي مو عيب هيج تصيحين على عمج
يمامه...بابا لا تخبلني شنو تفكيركم الخاطر الله
ابو سوسن...بنتي اريد مصلحتج ومنهد اعرفه خوش
ولد وسبحان الي ميغلط واني وامج مادايمن الج
يمامه...وماكو اله مهند يعني بابا شلون تريد اقبل بواحد كسرني
ابو سوسن...بس انتي هم غلطتي
يمامه...واني شنو غلطي
ابو سوسن...ليش رفضتيه لو قابله ماجان صار كل هذا
يمامه...بالقران بابا راح اتخبل سد الموضوع احسن
لان صدك دا انصدم بيكم يوم بعد
عموري كعد كمت اخذه بحظني وابويه طلع
مو معقوله الي ديصير يارب ساعدني
طاقتي خلصت
نومت عموري واني مددت وافكر بكلام حارث
اذا رفضت حارث راح يزوجوني لغيره وغيره ما راح
يفهمني ولا راح يقدر وضعي ماعندي غير حارث
الصبح اخابره وافتهم منه زين
....كعدت الصبح باوعت الساعه ١٠ رأسن طلعت
جهازي دكيت محد يجاوب دكيت مره ثانيه ماكو
كعدت ارضع عموري جان جهازي يرن باوعت حارث
الو صباح الخير حارث
حارث...ام عموري امي مريضه واني بالمستشفى
يمامه...شكو حارث شبيه خوفتني
حارث...والله جلطه بس زين بسطيه
يمامه...شويه واحنه يمكم نزلت اركض ماما ماما
ام سوسن...شكووو
يمامه...عمتي مضروبه جلطه وهسه هيه بالمستشفى
ام سوسن...عزززه
يمامه...يلا ماما خلي نروح عفيه
ام سوسن...يلا روحي بدلي على ما اجيب تكسي
يمامه...صعدت بسرعه بدلت وخليت عموري يم البنات وطلعنه طول الطريق وكلبي يدك هاي امي الي صدكتني ومسحت على راسي واني جنت وحيده
طول الطريق ادعي يكون مابيه شي
وصلنه دخلنه رحت اركض عليه
كعدت يمه عمه تسمعيني
حارث..لا تخافين عليه الحمدالله عدت على خير
ام عمر...فتحت عيوني جوه وشفت يمامه يمي
بنتي يمامه
يمامه...هلا عمه عيوني اسمعج
ام عمر...صدك الي سمعته
يمامه...باوعت بخوف على حارث شنو سمعتي...كل الي خطر ابالي عمتي سامعه حارث يريد يزوجني
وهيج صاير بيه
...عمه شسمعتي
ام عمر...صدك راح تزوجين النذل مهند
يمامه...لا عمه خطبني ورفضت
ام عمر...يمامه الخاطري اقبلي بحارث والله بعيوني
اخليج لا تحرميني من عموري
يمامه...بقيت ساكته وامي مصدومه بالكلام
اجه الدكتور ومال صحته زينه وكتبله خروج
اني وامي رجعنه للبيت وام عمر راحت وياها عمتي
ام سوسن...فهميني شديصير
يمامه...ماما مو وقته هسه نوصل البيت واحجيلج
امي سوت وياي تحقيق على ما وصلنه
....ماما شبيج اصبري
ام سوسن...شلون اصبر واني اخر من يعلم
يمامه...وشصاير بعد
ام سوسن...لا مره وحده عود اعزميني ع العرس
شلون دايمن تصرفين من راسج
يمامه...شبيج ماما انتو كل الي ديصير من وراكم
من البدايه محد صدكني وخليتوني ازوح غصب عني
وهسه تردون اقبل بمهند بس لا ماما لو اموت ما اقبل
ام سوسن...يمامه اشو لسانج طولان
يمامه...طولان لان حجيت الحق مو
ام سوسن...كافي يجي ابوج ويتفاهم وياج اني مالي دخل
يمامه...هزيت راسي ومشيت ماعرف ليش هيج اهلي
وياي كانو عدهم عداوه وياي
صعدت فوك اخذت عموري بحظني ...لا اقبل بحارث
اهلي هيج هيج يزوجوني ومحد يوكع بيه غير اني
للعصر وابويه طب عليه ظايج
ابو سوسن...شنو هذا الي سمعته
يمامه...شسمعت
ابو سوسن...بيت عمج يردوج لحارث واني مادري
يمامه...بابا والله ماصاير شي بليل حجو وياي
الصبح عمتي اتخربطت ومن رحت للمستشفى حجت وياي
ابو سوسن...وانتي شتكولين
يمامه...ليش اني احد يسمعني اذا احجي
ابو سوسن...يمامه اني اخاف عليج وانتي بعدج صغيره وابن عمج احسن من الغريب وانتي عندج ولد
يمامه...بابا بس مهند اني اموت منه ماكدر حتى اشوفه
ابو سوسن...وحارث
يمامه...حارث يقدر ظروفي وراح يفهم وضعي
ابو سوسن...اني ماراح اجبرج على شي وهذا قرارج
يمامه...اي بابا هذا قراري ...طلع ابويه واني خابرت
حارث
يمامه...الو حارث
حارث...هلا
يمامه...خلص اني موافقه واهلي موافقين
حارث...خير ان شاء الله
يمامه...بس
حارث...يمامه لا تكولين شي اعرف شنو تفكرين لا
تخافين من شي
يمامه...ان شاء الله
حارث...باجر نجي
يمامه...هلا بيكم وسديت الخط ودموعي نزلت
هذا حظج يا يمامه تالي تزوجين حماج
طلعت صورنه اني وعمر من سافرنه
احجي ويه الصور وابجي ليش عفتني واني بعد حتى ما شفتك مثل العالم
انطيت خبر لامي واخواتي
كعدت الصبح امي تحظر كانو اول مره ازوج سكتت
ماعرف شلون راح اتحمل
سوسن...يمامه يلا بدلي
يمامه...شبيج سوسن شبدل حتى عيب
سوسن ...البسي فستان شي مناسب
يمامه...الخاطر الله سوسن سكتي
سوسن...ابراحتج
يمامه...وره صلاة العصر دا ارضع عموري جان تجي سوسن تركض جوي يلا نزلي
يمامه...حيل جنت متردده وخايفه نومت عموري ونزلت
سلمت وكعدت
يحجون ماعرف واني بالي مو يمهم
ابو عمر ...بنتي يمامه هسه راح نكطع الكم مهر وتجين ويانه
يمامه...واني ماعندي شي عمو
...صار المهر واني حتى بوجه حارث ماباوعت
صعدت فوك اني وسوسن حظرنه كلشي
نزلت واني حيل مخنوكه ..طبعا كل هذا صار بدون علم مهند واهله ...
ودعت اهلي وصعدت بالسياره وصلنه البيت
مكتوبلي اجي للبيت كل مره عروس واني مخنوكه
ام عمر...بنتي لا تنقهرين صدكي راح تتعودين
وحارث ماكو منه يلا طبي عزلي غراضج وخلي عموري يمي
يمامه...ردت اصعد
ام عمر...وين
يمامه...لغرفتي
ام عمر...غرفتج مقفوله
وانتي غرفتج هنا جوه انتي وحارث
يمامه...بقيت مصدومه باوعت لحارث هز راسي يعني اي مافهمت سكتت ورحت لغرفة كعدت ع الجربايه واني ابجي
دخل حارث
يمامه...حارث شديصير
حارث...امي ماتعرف بكلشي وهيه مريضه اخاف عليه
يمامه...حارث اشو اني مامرتاحه  ..اجه كعد يمي
لا تخافين يمامه والله انتي اختي وماراح يصير شي
يمامه...احس الدنيا افترت بيه جان جهاز حارث
يدك طلعه من جيبه
مكتوب رووووحي.....اتبع

★★★★★★★★★★★★★★★★★★

#انثى_في_فم_ذئب
#بقلم_ياسمين_العزي
#الجزءالثاني_البارت_٤
#الناشربارق_العراقي
#اalnasheraliraqi9

يمامه...احس الدنيا افترت بيه جان جهاز حارث
يدك طلعه من جيبه
مكتوب رووووحي باوعتله
حبيبتك مو؟
حارث شويه وارجع نحجي
يمامه....اباوع عليه شلون انرسمت ابتسامه على وجه طلع واني كعدت ارتب الغراض واني افكر
شلون راح اعيش وياه نفس الغرفه شي صعب
رتبت كلشي وطلعت من الغرفه
صارت عمتي ام عمر بوجهي
ام عمر..تعاي بنتي احجي وياج
يمامه...عموري وين
ام عمر...نام يمامه كعدي يمي خلي افهمج
يمامه.. اي عمه احجي
ام عمر...الي صار صعب ع الكل والي صار مو بيدنه
بس يا بنتي هاي سنة الحياة وانتي بعدج صغيره
ماشاءالله ورده ومفتحه
يمامه...نزلت دمعتي شنو قصدج عمه
ام عمر...اريدج تكونين زوجى لحارث وشوفي لو بالقهر والحزن يرجع الي راح جان طول العمر بقيت
حزينه بس يابنتي ميفيد
يمامه...عمه ماكدر اتمنى تفهميني
ام عمر...لا افهمج واني اكثر وحده افهمج واني حاليآ
ما راح ادخل اريدج انتي تتعودين
وصدكيني حارث ماكو منه وكل بنيه تحلم بيه جمال
واخلاق وشهاده ماناقصه شي
يمامه...عمه المشكله مو بالولد المشكله بيه اني ماكدر اتقبل احد غير عمر
وثاني شي حارث اله حياته ويمكن يحب واني ماشوفه غير مثل اخويه
ام عمر...يمامه مو وكت هل حجي كلشي اله وكت وانتي مالج غير حارث وحارث ماله غيرج ويلا كومي
سوي عشه نريد العشه اليوم من ايدج
يمامه...كمت واني افكر يمكن اني غلطت من قبلت ازوج اي غلطت مستحيل احد يصبر ومستحيل اهله
يقبلون بهل وضع
احسن شي اسكت واشوف وين توصل
سوسن عشه وحظرت كلشي والكل كعد ع السفره
بس حارث ماكو وعمتي تحجي وين راح
اني اكل ومدنكه راسي سمعت صوت عموري يبجي
كمت رحتله دا ارضع بيه واسمع هوسه بره
وصوت حارث عالي حيل كمت ركضت اباوع ماكو احد بالبيت الصوت اباب الحوش طلعت
مهند وابوه ومهند يصيح وحارث يصيح
وسيف لازم حارث يريد يضرب مهند
طلعت امشي
مهند...هيج يمامه ازوجتي وبدون علمي والله اله اندمج
حارث...ولك هاي ويامن تحجي بس انت هذا قدرك
مثل النسوان ماتعرف تحجي ويه ارجال
مهند...شوف حارث اقسم بالله اذا ماطلكت يمامه يصير شي مو زين
حارث..امشي اطلع بره احسن يمامه مرتي وخلص فهمت
ابو عمر...ابو مهند اكسر الشر واخذ ابنك واطلع
ابو مهند...ابو عمر بربك هاي دكه شلون تاخذون
يمامه وتعرفون احنه نريده
ابو عمر...كافي ترى عيب البنيه ازوجت كل هذا الكلام ماله داعي
يمامه...دموعي تنزل واباوع ع المشاكل بدون صوت دخلت جوه ماعرف ليش هيج حظي
كعدت ودموعي تجري على خدي وره نص ساعه انفتح الباب باوعت حارث
بس باوعت ودنكت راسي
حارث...شبيج ام عموري ليش تبجين
يمامه...ليش اكو شي يستحق افرح علموده
حارث...يمامه صيري قويه عندج ابنج يسوه الدنيا كافي امسحي ادموعج ونامي ارتاحي
يمامه...كمت مددت وحارث اخذه جهازه وطلع
نمت بس كل شويه يكعد عموري مخلاني انام
كل ما اكعد حارث ماكو اخى شي الفجر نمت
كعدت الصبح باوعت الساعه ١١ كمت ركض باوعت عموري نايم
طلعت على عمتي اسفه عمه والله من التعب اخذتني نومه
ام عمر...لا عيوني شعدنه واسمع عمور منام اليل كله
يمامه دا نحجي سمعت الباب دك عمه اني اطلع
طلعت صحت منو محد جاوب
لبست شالي وطلعت
اول مافتحت الباب وكع عليه حارث وميبين من الدم
صحت عممممممه.....اتبع