#انثى_في_فم_ذئب
#بقلم_ياسمين_العزي
#الجزءالثاني_البارت_٧
#الناشربارق_العراقي
#اalnasheraliraqi9
ام عمر...اششش طلعتي عروس
يمامه...سمعت صوت سياره احس كلبي صار طبل
عمه عفيه خليني ابدل قبل لا يجي
ام عمر...اششش ولا كلمه
يمامه...خوف وارتباك فشله ياربي شهل موقف
عمتي باوعت عليه من الشباك من شافته نزل
راحت وكلتلي يمامه اسمعي الكلام ترى يصير شي ميعجبج وطلعت
كعدت ع الجربايه واسمع خطوات وصوته سلم على امه
واني حالتي ينبجي عليه وعمتي اخذت عموري وياها
ياربي هسه شسوي
الباب انفتح
راسن نزلت راسي ماكدر شلون اباوعله كلبي اتسارعت دكاته اجه وكف يمي واني مدنكه ودموعي نزلت
حارث...يمامه
يمامه...سكتت
حارث...يمامه ارفعي راسج شبيج
يمامه...رفعت راسي ودموعي نزلت
حارث...هاي شبيج يمامه هاي شلابسه وليش تبجين
يمامه...فشلت أكثر وحاولت اغطي نفسي
حارث...يمامه شبيج مو دا احجي وياج
يمامه...كمت من مكاني ورفعت راسي عليه هوه اطول مني وكتله اكيد ما شوفني رخصيه
حارث ...يمامه شتحجين وليش اكول هيج
يمامه...ماعرف حسيت حارث من شافني هيج حسيت حتى ضيع لسانه حسيته شوي اتقرب مني وهوه يحجي حسيت بخوف مو طبيبعي وعمر
بين عيوني ماكدر انساه مستحيل
حارث...يمامه ليش خايفه وترجفين
يمامه...اني اني وماكدر اكمل وابجي
حارث....يمامه لا تخبليني مدا افهمج يعني انتي ترديني لو شنو
يمامه...من كال هيج حسيت ماكو اسخف مني
والثول نزل عليه ...اتقرب مني اكثر واخذني بحظنه
واني ابجي
حارث....اششش حياتي لتبجين
يمامه....حيل اتفاجئت من تصرفه حظني بقوه حسيت اعظامي اتكسرت وخر شعري من ركبتي
صارت انفاسه الحاره بركبتي
دفعته حيل شبيك حارث اتخبلت
حارث...شبيج يمامه اني لو انتي الي متحظره وتنتظريني
يمامه...بجيت بقوه وكعدت بالكاع ..كعد كبالي
يمامه شبيج ترى والله خبلتيني
يمامه...اني ماردت هيج
حارث...شنو الي ماترديه
يمامه...امك الي جابت الملابس وهيه جبرتني البس
حارث...شنوووو امي
يمامه....واني ابجي اي والله اني ماريد هيج اني ماريد غير عمر ...اباوع عليه صارت عيوني براسه
وجه ينطي الوان
حارث...يصير خير اني طالع انتي بدلي
يمامه...عفيه لا تحجي وياها اخاف تزعل مني
حارث...يعني واكفه كدامي وبهذا لبسج حتى بس ما تزعل انتي شنو تفكيرج تعبتيني يمامه
يمامه...اسفه بدون ميجاوبني طلع.. رحت باوعت
لنفسي بالمرايا اني شكد غبيه شلون قبلت
وليش من حارث اتقرب مني صار عندي تناقض مو طبيعي
بدلت ملابسي ورحت مددت نمت بدون مافكر بي شي اذا ابقى افكر انجلط
كعدت الصبح فتحت الباب اريد اطلع صرت اني وياه
وجه بوجه صباح الخير
حارث...صباح النور
يمامه...وين جنت طول اليل
حارث...مو مهم اني رايح انام لا تكعديني تعبان
يمامه...سكتت ومشيت وليش معصب اني شعليه
رحت للمطبخ لكيت عمتي كاعده والعصبيه
على وجها
ام عمر...صباح الخير يعروسه
يمامه...عمه ليش هيج تحجين هيج وياي
ام عمر...ولج هاي مادبرتيه
يمامه...والله محد بيكم يفهمني اذا نفسي ماتتقبل اني شسوي حاولت والله بس عمر ميروح من بالي
كعدت بالكاع واني ابجي اني احب عمر والله احبه
ودا اشوفه بكل مكان قطعه من روحي راحت
شلون تدرين بيوم وليله اتقبل حارث
واني كل ما انام ابجي على فراك عمر
...اباوع على عمتي باوعت ع الباب بصدمه
باوعت وراي حارث واكف
نزلت راسي وسكتت
حارث...يمه صارت عندي شغله ويمكن اتاخر اني طالع
ام عمر...الله وياك
يمامه...عمه سمعني
ام عمر...لعد اطرش
يمامه...كعدت واحس حيلي راح وبعد مابيه قهر
ام عمر...اعذريني يمه يمكن اني زودته وياك
بس والله من خوفي عليج على مستقبلج ومستقبل ابنج وهم حارث وين يلكي احسن منج
يمامه..بدون ماجاوب رحت لغرفتي خلص اني
لازم اخذ قرار ماكدر اعيش اكثر وي حارث
صعب واني اشوف عمر بكل مكان من قبلت بيه ماجنت متوقعه هيج جنت متوقعه اعيش بغرفه وحدي وبدون ضغط ويبقى يعاملني مثل اخته
بس الظاهر كل هذا تفكيري غلط
طلعت جنطه وخليت ملابسي وملابس عموري
وحظرت كلشي اتصلت بحارث
الو حارث انت وين
حارث..ليش صار شي
يمامه...اذا تكدر تجي للبيت ياريت تجي
حارث...ماشي
يمامه..اني راح ارجع لاهلي اي ارجع احسن
بعد ما اتحمل ويمكن هذا هروب من الواقع
يمكن اكو شي بداخلي ماريد اواجه
كاعده وافكر وبدلت لعموري جان يدخل يباوع
عليه وعلى الجنطه بتعجب
حارث..هذا شنو وين
يمامه...اريد ارجع لاهلي
حارث...شبيج يمامه انتي كل عقلج تحجين
يمامه...اي حارث اني بعد ما تحمل
حارث...هوه شنو الي صار حتى تحجين هيج
يمامه...حارث امك تدريد اكون الك زوجه
وهذا الموضوع مصممه عليه
واني ماكدر خلص وديني وانت ازوج الي تريده
واهلي اني ادبر لاهلي عذر
حارث...يمامه كل عقلج اسمح الج اتروحين لج بابا
شتحجين اكعدي واسكتي
يمامه...بجيت عفيه حارث وديني
حارث...لهاي لدرجه متكدرين تعيشين ويانه
يمامه...لا والله مو هيج بس اخاف
حارث...يمامه لا تخافين وعد مني حتى بالغرفه بعد مانام بس ابقي
يمامه...وانت شنو ذنبك
حارث...انتي معليج بيه
وبدون نقاش ويلا رجعي كلشي لمكانه
يمامه...سكتت وحارث طلع ياربي شهل عذاب
طلعت كملت شغلي واباوع عمتي ماكو رحت لغرفته
لازمه صورة عمر وكاعده تبجي
سكتت ورجعت للمطبخ للعصر وحارث ماكو
اتعشينه كملت كلشي ورحت لغرفتي باوعت الساعه ٩ وينه ليش ماكو واستحي اسأل اذا احد خابره
نومت عموري ورتبت الغرفه سويت كلشي وهوه ماكو اباوع الساعه صارت ١١ كعدت ع التخم
غفيت وحسيت الباب انفتح ركضت بسرعه
حارث...شبيج
يمامه...هاي وينك وليش اتاخرت متت من الخوف عليك
كلت بدون مانتبه
حارث...وليش تخافين
يمامه...فشلت اي غير انت من الصبح قابل انت غريب وماخاف عليك
اتقرب وخر شعري من وجهي وخلاه وره اذاني
حارث...لتخافين عليه يلا روحي نامي
يمامه...وين راح تنام
حارث...مو مهم
يمامه...راح للكنتور اخذ ملابس وطلع
رجعت مددت لشوكت ابقى هيج خطيه وين راح ينام
كعدت الصبح قبل الكل حظرت ريوك بالصدفه.
شفت باب الصوره مفتوح رحت
فتحت الباب وشفت حارث نايم
اي الحمدالله نايم هنا طلعت للحوش غسلته
جان باب الحوش يندك دكه خفيفه لبست حجابي
زين هذا منو الي اجه من الفجر بس لا اهلي بيهم شي واحد منهم اجه تفكير غبي بدون ماكو منو
فتحت الباب
ماشفت شي غير واحد خله شي على وجهي وبعد ماشفت شي ......اتبع
أنت تقرأ
انثى في فم ذئب ل ياسمين العزي الناشربارق العراقي
Chick-Litانثى تتعرض للأغتصاب من اقرب الناس لها ياتره من يصدقها لتعاني ماتعاني من احزان القصة حقيقه
