( الحب أزرق من عضة الكلب على الأقل عضة الكلب بتاخدولها 21 حقنة فالواحد يخف
وممكن نعملها عملية تجميل فيختفي الأثر
إنما الزفت قصدي الحب مهما عملنا بيفضل أثر جرحه فينا وعذابه مالي قلوبنا
رواية ( ومازال قلبي يحبك) البارت الاخيررر (2) بقلم أسماء أبوشادي
_______________________________________
سما بدموع / أنا بعدت عنك عشان مابقاش أنا سبب تعاستك وحزنك
نور بهدوء وعيون مُدمعه / خلاص يا سما يلا نمشي ونتكلم في بيتنا بعدين الوقت أتأخر ولازم نمشي
وبالفعل رجعوا للشقة تاني اللي على النيل
نور دخل سما أوضة نوم بس مش هي الأوضة اللي هو قاعد فيها
نور / دلوقتي نامي وارتاحي شوية ماتفكريش في أي حاجة
سما / أنت رايح فين
نور / رايح أنام في اوضتي
سما استغربت / أومال هي إيه دي
نور بهدوء/ أنتي هتنامي هنا وأنا هنام هناك
سما / نور أنا
نور / سما هنتكلم الصبح وياريت تسمعي الكلام
________
دخلت سما الأوضة وهي زعلانة جدا
وراحت نايمة على السرير تعيط
وبعد ما يقارب من الساعتين ونص كان قرأن الفجر قامت سما علشان تشوف ملابس ليها وتاخد شور وتغير هدومها بس مالقيتش فأتوضت وصلت ركعتين قبل الفجر وبعد شوية الفجر إذن وصلت
_______
عند نور
ما اقدرش ينام أبدا
نفسه يروح ياخدها في حضنه وينام وهي جنبه بس مش قادر
وكان مستني النهار يطلع بفارغ الصبر
وقام صلى الفجر
وبعدها حس بحركة في أوضة سما فراحلها
نور. خبط على الباب/ ممكن أدخل
سما / اتفضل
نور / صليتي الفجر
سما / أيوة الحمد لله
نور / طيب أنتي هتنامي دلوقتي تاني
سما / لا مش هنام تاني
نور بهدوء/ طيب دلوقتي أنا عايز اعرف في الخمس شهور دول أنتي كنتي فين وبتعملي إيه وعايشة مع مين
سما / أنا كنت في طنطا
نور / سؤالي واضح مش عايز اعيده كل شوية اتكلمي علطول
سما / أنا كنت عايشة في دار صغيرة بتربي أيتام في طنطا واللي بيديرها واحد اسمه الحاج رضوان
نور بصدمة / كنتي عايشة في ملجأ.
بس انتي مش صغيرة للدرجة دي
وبعدين انتي عرفتي الملجأ دا نفسه منين
سما / فاكر البنت اللي العربية كانت هتخبطها أدام الكافية وأنا انقذتها
نور بضيق / أيوة فاكر لما خرجتي من غير أذني
سما بتوتر / أيوة هي. وقتها أنا قابلتها وقعدنا اتكلمنا مع بعض شوية
فلاش بااااااااااااااااااااااااااااااااك
مها / ممكن تهدي بقى وتقوليلي مالك
سما ببكاء / ماليش أنا بس مخنوقة شوية ومش عارفة أروح فين ولا أعمل أيه
مها / طيب أهدي بس هو انتي اتخانقتي مع جوزك اللي هو كان معاكي في المستشفى ده مش هو يبقى جوزك. ولا انا فهمت غلط
سما 😭 / أيوة هو
مها / طيب حصل إيه ممكن تحكيلي
سما / ارجوكي أنا مش عايزة احكي حاجة ولا اتكلم دلوقتي
باااااااااااااااااااااااااااااااااااااااااااااااااااااااااااك
نور / وبعدين
سما / لما عرفت اني مش عايزة ارجع ومصممة اخدتني معاها طنطا
لأن هي عايشة هناك في الدار لأنها تبقى بنت الحاج رضوان
وأبوها رحب بيا جدا وفضلت عايشة معاهم هناك
نور / ومين عايش في الدار دي تاني
سما / دادتين موجودين علشان يهتموا بالأطفال دول موجودين علطول والجنيني والبواب
والصبح بييجي 4 مدرسين علشان يدرسوا للأطفال
نور / والمدرسين دول كانوا ستات ولا رجالة
سما / 2ستات و 2 رجالة. بس كبار في السن مش شباب
نور / واتحجبتي أمتي
سما / بعد ما دخلت الدار بشهر
نور / وكنتي بتخرجي من الدار دي
سما / لأ من يوم ما روحت ماخرجتش منها خالص غير من شهر تقريبا لما قررت اشتغل
نور بهدوء/ خلي بالك ان كل كلمة أنتي بتقوليها أنا هعرف بنفسي إذا كانت كذب ولا صدق
سما / أنا مابكذبش يا نور وتقدر بنفسك تتأكد من كلامي بالطريقة اللي انت عايزها
نور بحدة / أنا عايز أسألك سؤال
انتي روحتي كدة وقعدتي مثلا أسبوع مش هقولك يوم أو اتنين لأ اسبوع بحاله هديتي فيه وغيرتي جو
ما رجعتيش ليه على الأقل ماكلمتنيش ليه في التليفون
سما / لأني مش عايزة ارجع ولو كنت أنت عرفت مكانى كنت هترجعني غصب عني
نور بصوت عالي / تقومي تطفشي وماحدش يعرفلك طريق وأنا أدور عليكي زي المجنون صح مفروض كدة اني أصدق أن أنتي بتحبيني صح
طب أزاي وأنتي اتخليتي عني في اكتر وقت أنا محتاجك فيه
سما بدموع / كان لازم أبعد علشان أنت ترتاح
نور 😠/ لا ماكنش لازم تبعدي لأنك عارفة ومتأكدة كويس أوي إني عمري ما أرتاح وأنتي بعيدة عني
انتي خلفتي بوعودك وبعدتي عني
سما / لا يا نور أنا وعدتك أن عمري ما ابعد عنك غير لما أنت اللي تطلب مني
وأنت اللي طلبت مني أسيبك لوحدك
وماكنتش طايقني
لدرجة أنك كنت بتنام في مكان تاني
حتى الأكل ماكنتش بتاكل في البيت
علشان كدة انا مشيت
لأني حسيت ان وجودي بيأذيك ويجرحك فكان لازم أمشي
نور بصوت عالي / لا ماكنش لازم تمشي
كان مفروض تقفي جنبي
تساعديني تهوني عليا
سما بصوت أعلى / ماقدرتش
ماقدرتش أعيش معاك وأنا حاسة إنك بتكرهني وندمان إنك اتجوزتني
طاااااااااااخ
( نور ضرب سما بالألم ✋ )
نور بعصبية / أنا ممكن اكره أبوية اللي خلفني بس مستحيل اكرهك أنتي
ولا أندم على لحظة واحدة عيشت معاكي فيها لان أنتي روحي. انتي كل حاجة في حياتي
( سما حطت ايديها على خدها مكان الألم وبتعيط )
سما / 😭😭 عارفة كل ده وعلشان كدة مشيت ماقدرتش استحمل إني اشوفك بالحالة اللي كنت فيها وأنا السبب
نور بدموع / تقومي تسيبيني وتبعدي عني علشان حالتي تتغير من سئ إلى أسوء صح
انتي ماتعرفيش أنا كنت عايش أزاي من غيرك أنا اساسا ماكنتش عايش
أنا كنت ميت
قلبت الدنيا عليكي ومش لقيكي
كنت مرعوب يكون جرالك حاجة
كنت كل يوم أدعي ربنا واقوله ماتحرمنيش منها وأقول يارب تبقى كويسة
أنا كنت بموت بالبطئ
سما 😭/ وأنت فاكر أن أنا كنت عايشة ولا حتى نسيتك لحظة واحدة
أنا كل سجدة كنت بسجدها لربنا كنت بدعيلك فيها كنت بطلب من ربنا يصبرني على غيابك
أنت فكرك لما شوفتك بالليل حزين من الكلام اللي انا قولته اني كنت مبسوطة
دا انا كنت بموت كان في سكاكين بتغرز في قلبي
نور ودموعه على خده / وقولتيه ليه
سما / علشان قولت تزعل دلوقتي شوية وتكرهني وبعدها تعيش حياتك احسن من الأول بدل ما أفضل أنا في حياتك اجرحك
ولأني حسيت اني ما استحقش حبك ليا
لأني حسيت اني ما استهلكش
نور / كنتي بتقولي اني أناني بس طلعتي أنتي اللي أنانية أوي أوي أوي
سما / أيوة أنا أنانية في حبك أنانية فيك أنت عايزة اشوفك مرتاح وبس
نور / طب وأنا مش عايز أشوف حب حياتي مرتاحة مبسوطة
سما / تعرف لما شوفتك يوم عيد ميلادك
كنت هموت واحضنك كان نفسي اضمك اوي بس ما اقدرتش ما
نور مقاطعا / أنتي جيتي المقطم يوم عيد ميلادى صح
سما 😭/ أيوة جيت وندمت إني جيت
نور / كنت حاسس بوجودك بس كنت بكذب نفسي
اهو نفس اللي حسيتيه انا كنت بحسه لما بعدت عنك
سما / صدقني احساس وحش اوى
نور / عارف
أنا مستحيل اسامحك على اللي أنتي عملتيه أبدا طول العمر
سما / خلاص يا نور اعمل اللي انت عايزه أنا مش هعترض على أي حاجة
نور / الساعة دلوقتي قربت على 7 الصبح يلا علشان تروحي تشوفي أهلك واعملي حسابك هسيبك هناك ساعة واحدة بس وهرجع اخدك مفهوم
سما / مفهوم
_____________
سما راحت سلمت على أهلها بعد ما نور وصلها. وطبعا كانوا نيمين بس هي صحيتهم وقعدت معاهم شوية وقالتلهم أن نور اللي جابها
وبعد ساعة نور. راح اخدها
وطبعا الكل كان قلقان بس سما طمنتهم عليها وقالتلهم إنها هتكلمهم في التليفون وإن هي لازم تمشي علشان هي ونور لازم يتكلموا سوى
_________________
بعد ما رجعوا على الشقة اللي على النيل
نور / أنا جبتلك أكل كتير في التلاجة وجبتلك كمان هدوم جوة في الأوضة
وأي حاجة تحتاجيها تقوليلي عليها واعملي حسابك ممنوع الخروج من هنا ولا تنزلي الشارع ودا هيكون لمدة 5 شهور
نفس المدة اللي هربتيها وإذا حد من اهلك حب انه يشوفك تعرفيني وأنا هبقي اسمحلهم ييجوا يزروكي لأني هقفل الباب عليكي بالمفتاح
وكمان موضوع الشغل دا تنسيه خالص مافيش حاجة اسمها شغل
وبعد مايعدي 5 شهور من النهاردة هترجعي على القصر علشان هنعيش هناك.
كلامي واضح ولا تحبي اوضحلك اكتر
سما / نور لو سمحت ماتعملش كدة افهمني
نور بص لسما / مش عايز أي نقاش اللي اقولك عليه تنفذيه وأنتي ساكتة خالص وحاولي ماتعصبنيش لمصلحتك لأني ماسك نفسي عنك بالعافية. مفهوم
سما بصوت واطي جدا / مفهوم
_________
مر 5 أيام
سما ونور عايشين في شقة واحدة بس نور بينام في اوضته يصحى الصبح يخرج يروح شغله مايرجعش غير الساعة 12 بالليل يدخل اوضته مايطلعش منها غير الصبح
ومش بيدي أي فرصة لسما تتكلم معاه
سما بتكلم أهلها في التليفون وتطمنهم عليها وكمان كلمت مها وحكيتلها على كل اللي حصل
في التليفون
مها / صراحة معاه حق يعمل اكتر من كدة
سما / أنا هتجنن دا بيتجاهلني خالص ولا كأنه عايش معايا في مكان واحد
مها / اللي أنتي عملتيه مش حاجة سهلة لازم أنتي اللي تصالحيه وتخليه يقرب منك
سما / اصالحه إيه بس هو بيقعد في الشقة اصلا
مها / مش بتقولي بييجي بالليل خلاص اتكلمي معاه بالليل
سما / أتكلم إيه لا طبعا اخاف مش هقدر اتكلم معاه
مها / خلاص يبقى مافيش غير حل واحد
الاغراااااااء
سما / نعععععععععم
مها / هو إيه اللي نعم بقولك اغريه
سما / لا طبعا انا مستحيل اعمل كدة
مها / هو إيه اللي مستحيل جوزك دا ولا حد غريب بطلي عبط بقى
سما / لا يا مها ما ينفعش
مها / سما اسمعي الكلام مافيش حل غير كدة
__________
بالليل
سما قاعدة بتفكر في كلام مها وقررت إنها هتنفذه
وقامت علشان تشوف حاجة في اللبس اللي نور جايبه تنفع وفعلا لقيت غرضها
وكان عبارة عن بيبي دول لونه ابيض
ولبسته وفردت شعرها على ظهرها وحطت ميكب خفيف
وجهزت عشا حلوة وفضلت مستنية نور
والساعة 12 نور وصل
( نور أول ما دخل وشاف سما اتفاجأ من شكلها خصوصا أن هي من يوم مارجعت هو ماشافش حتى شعرها لأنها كانت بالطرحة
وهو بيخرج الصبح بدري وبيرجع بالليل علشان مايشوفش سما خالص ويتعصب عليها )
نور عمل نفسه ماشافش حاجة ودخل اوضته بس سما دخلت وراه
سما بدلع / حبيبي مش هتتعشى
نور فهم أن سما بتغريه علشان يصالحها وكان مبسوط جدا لأن سما أول مرة تعمل كدة من يوم ما اتجوزوا بس هو مابينش حاجة / لا أنا اتعشيت بره
سما قربت من نور أوي / بس انا حضرت عشى ومارضتش اتعشا لوحدي ومستنياك
نور عايز يضحك بس ماسك نفسه / وأنتي من أمتي بتستنيني روحي اتعشي أنتي
سما قربت اكتر منه وبتتكلم بدلع اكتر / بس انا عايزة اتعشا معاك
نور مااقدرش يمسك نفسه من الضحك
سما بأستغراب / بتضحك على إيه
نور بطل ضحك / لا ولاحاجة روحي وأنا هغير هدومي و جاي وراكي
بعد شوية نور خرج وكان لابس بنطلون رياضي وقط
وقعدوا أكلوا سوى بس نور مابصش حتى لسما
سما بدلع / حبيبي الأكل عجبك
نور حس انه خلاص هيضعف / اه حلو. انا شبعت خلاص. أنا قايم أنام.
( ودخل اوضته بس سما دخلت وراه )
نور واقف جنب السرير
وسما راحت وقفت جنبه
سما / حبيبي تحب اعملك شاي
نور بدء يتوتر من منظر سما / لأ.
سما قربت على نور وحطت ايديها على رقبته وبتحسس عليها / ليه بس يا حبيبي
نور / سما. انتي مش أد اللي أنتي بتعمليه دا
سما بدلع اكتر / لا يا نوري أنا أد أي حاجة
نور وهو بيبص على شفايفها / متأكدة
سما وهي على وضعها / أيوة متأكدة. بس اللي مش متأكدة منه أن أنت اللي اد اللي انا بعمله
( نور ماردش عليها لأنه وقعها على السرير ووقع فوقيها )
نور / ورحمة أمي لاندمك على الكلمة اللي قولتيها دلوقتي. دا انا ماسك نفسي عنك بالعافية
( وأسكت أنا بقى ونسيبهم مع بعض شوية حلوين كدة علشان عيب في ناس سنجل هنا )
سما ونور قاموا وصلوا الفجر جماعة وبعد كدة ناموا تاني
والصبح
سما قامت وحضرت الفطار ونور صحي وخرج من الأوضة علطول ودور على سما لقاها في المطبخ
نور مسك سما من زراعها جامد / أنتي إيه اللي خلاكي تقومي من جنبي وأنا نايم
سما أديها وجعتها / اه. أنا قومت علشان احضرلك الفطار
نور بصوت عالي / استأذنتيني قبل ماتقومي
سما بدموع من ألم زراعها/ يا نور أنا كنت بحضر الفطار وبعدين هصحيك
نور ساب زراعها / ماتتكررش تاني
سما بدموع / حاضر
( وجريت سما على أوضتها هي وفضلت تعيط ونور دخل وراها )
نور بهدوء / ممكن ماتعيطيش
سما مسحت دموعها / حاضر أنا والله قومت أحضر الفطار علشان تاكل قبل ماتمشي على الشركة
نور قعد جنبها وخدها في حضنه / ومين قالك انى هروح الشركة اساسا
سما لسه هتتكلم معرفتش لأن نور سرق الكلام بأنه اطبق على شفتاها لكي يأكلهم دون رحمة
ويغيبان معا في دنيا العشق
__________
وفضلوا يومين قاعدين في الشقة بين الأكل والحب فقط لا غير
نور بيجري ورا سما / تعالي هنا بقولك
سما / لا مش هاجي حرام عليك بقى هو كل شوية كل شوية
نور / حرام عليكي أنتي هو حد كان قالك تبعدي عني 5 شهور أنا بعوض الأيام اللي فاتتني
سما / لا بقى كفاية كدة
نور مسك سما وشالها بسرعة / لا مش كفاية يا حبيبتي أنتي مش قولتى انك أد أي حاجة استحملي بقى
_______________
بعد ساعة سما نايمة في حضن نور
سما / بحبك أوي
نور / انا بحبك موت موت موت
حبيتك وأنتي الطفلة الخجولة دلوعة أبوها
وحبيتك وأنتي البنت المجنونة واللي غنت راب ولبست لبس لو لبسته تاني هقتلها
وحبيتك دلوقتي أكتر لما سترتي نفسك بالحجاب يا احلى سما في الدنيا
سما / وأنا والله بموت فيك. واوعدك اني مش هكرر اللي عملته دا تاني أبدا حتى او أنت طلبت مني هترنيني من الباب هنط من الشباك
نور / خلاص بقى ماتفكرنيش
وحاولي على اد ماتقدري تنسيني اللي حصل
__________
سما ونور رجعوا القصر تاني بعدها علطول وبعد أسبوعين قدرت سما تقنع نور يرجعها تشتغل في شركتها
وكمان نور وسما بقى بيروحوا يزوروا الدار في طنطا كل أسبوع وبياخدوا معاهم هدايا للأطفال كلهم
وبعد شهر سما بقت حامل
ونور كان أسعد إنسان في الدنيا كلها
____@@@@@@@@@@@@@@@@
وبكدة تخلص قصتنا
الحب إنك تسامح
الحب إنك تثق في حبيبك
الحب هو كل حاجة حلوة
الحب أمااااااااااااااااان
اشوفكوا في الرواية الجديدة
( شمس وسط الظلام )
والرواية دي هتكون مختلفة جدا عن اللي قبلها واوعدكوا إنها تكون أحسن كمان
___##########
شكرا لكل الفاريندز والمتابعين
إلى اللقااااااااااء قريباا
قريبا اللي هو بكرة ومع Ana Amera Habeby ( اميرة السعادة:- أسماء أبوشادي. في ( شمس وسط الظلام )
✋✋👋👋
