နွေကန္တာ ၊ မြကတ္တီပါလမ်း နဲ့ မဟာရံတံတိုင်းကို ဖြတ်ကျော်ခြင်းကို ဖတ်ပြီးတဲ့အခါ မှာ ကျနော်မြင်ယောင်လာမိတာဟာ
စကားလက်အိုဟာရာပဲ ။ ဆရာမြသန်းတင့်ရဲ့ ဘာသာပြန်လက်ရာဖြစ်တဲ့ လေရူးသုန်သုန်ကို ဖတ်ဖူးတဲ့ သူတိုင်းလည်း
ဒီ သုံးအုပ်တွဲ ဘာသာပြန်ဝတ္တုရှည်ကြီး ကို ဖတ်ပြီးတဲ့အခါ စကားလက်ကို မြင်ယောင်မိမှာပါပဲ။
နွေကန္တာ၊ မြကတ္တီပါလမ်းနဲ့ မဟာရံတံတိုုင်းကို ဖြတ်ကျော်ခြင်း ကို ဆရာ တင်မောင်မြင့် ဘာသာပြန်ထားပြီး မူရင်း စာရေးဆရာမကြီးကတော့ Gwen Bristow ဖြစ်ပါတယ်။
မူရင်းဝတ္တုအမည်များကတော့ Deep Summer, The Handsome Road နဲ့ This Side of Glory ပါ။
မစ္စစ်ပီမြစ်ကြောင်းထဲက ပိန်းကောလှေကြီးတွေကနေစတင်ခဲ့တဲ့ ခမ်းနားတဲ့ သမိုင်းမျိူးဆက်တွေ အကြောင်း တခမ်းတနား ရေးဖွဲ့ထားတဲ့ ဒီဝတ္ထုရှည်ကြီးတွေမှာ အမေရိကန် ပြည်ထောင်စုကြီးရဲ့ သမိုင်း အရိပ်အငွေ့တွေလဲ အပြည့်ပါပဲ။
ဒီမှာတော့ ကျနော်ပြောချင်တာဟာ ဘာသမိုင်းအထောက်အထားနဲ့မှ မပက်သက်တဲ့ ဇာတ်ကောင်တွေရဲ့ အကြောင်းပါ။
မြကတ္တီပါလမ်းရဲ့ အမှာစာမှာ ကျနော် ဖတ်လိုက်ရမိတာ တစ်ခုကို အခုထိ မြင်ယောင်နေမိတုန်းပဲ။ ဆရာတင်မောင်မြင့်ရဲ့ အမှာစာမှာ ပါလာတာပါ။
" ဒီမယ် မှတ်ထား၊တောင်ပိုင်းသူတိုင်းမှာ စကားလက်အိုဟာရာရဲ့ သွေး နည်းနည်းစီတော့ ပါတာချည်းပဲ" .... တဲ့။
အဲ့ဒီစကားဟာ တကယ်မှန်တယ်။ ကျနော် စာအုပ်တစ်အုပ်လုံးကို ဖတ်ပြီးမှ ဒီ အမှာစာကို ဖတ်မိပေမယ့် ကျနော့် အတွေးထဲမှာလဲ ဒီအတိုင်းပဲ။အမေရိကန်တောင်ပိုင်းသူတိုင်းဟာ စကားလက် ရဲ့ မျိုးဆက်တွေပဲလို့ တွေးနေခဲ့မိတာ။
နွေကန္တာထဲမှာ ဂျူးဒစ်လန်းရဲ့ ခက်ခဲကြမ်းတမ်းတဲ့ နွေရာသီကြီးကို သည်းခံဖြတ်သန်းခဲ့ပုံတွေ၊ခင်ပွန်းဖြစ်သူရဲ့ အမှားအယွင်းတစ်ခုအပေါ် ခွင့်လွှတ်ခဲ့ပုံတွေ အထူးသဖြင့် ဝက်သစ်ချမြိုင်ရဲ့ ကျွန်တွေ ပုန်ကုန်မှုမှာ တစ်သက်လုံး နူးညံ့သိမ်မွေ့ခဲ့တဲ့ ဒီအမျိုးသမီးဟာ သေနတ်ကို ဆွဲပြီး ရှေ့ဆုံးက တက်ခဲ့တာတွေပေါ့။
မြကတ္တီပါလမ်းထဲက အန်းရှာရမီကတော့ ကျနော် သိပ်သဘောမကျတဲ့ ဇာတ်ကောင်ပဲ ။ ဒါပေမဲ့ သူလည်းပဲ သူ့နည်းသူ့ဟန်နဲ့ တောင်ပိုင်းသူ ဆန်တာပဲ ။ ခင်ပွန်းသည်မရှိတော့တဲ့ နောက် ခေတ်ပျက်ကြီးထဲမှာ အရင်က ပေါ့ပျက်ပျက် နေခဲ့သမျှ ကြိုးစားရုန်းကန်ပြီး ဝက်သစ်ချမြိုင်ကို ထိန်းသိမ်းသွားခဲ့တာပဲ။
ဒီနေရာမှာ နောက်ထပ် အမျိုးသမီး ဇာတ်ကောင် တစ်ဦးဖြစ်တဲ့ ကိုရီမေအပ္ပဂျွန်းဟာ အန်းရှာရမီနဲ့ ယှဉ်ကြည့်ရရင် သူ့ရဲ့ စိတ်ဓာတ်ပြင်းပြမှုဟာ တောင်ပိုင်းလုံးဝမဆန်ဘူးလို့ ကျနော်ထင်တယ်။ရွှေဘုံမှာစံပြီး မွေးဖွားလာတဲ့ အန်း နဲ့ လူဖြူဆင်းရဲသား ကိုရီမေတို့ရဲ့ ဘဝကို ရင်ဆိုင်ပုံက တစ်မျိုးစီပဲ။
မဟာရံတံတိုင်းထဲက အယ်လီနာလန်းဆီမှာတော့ တောင်ပိုင်းရဲ့ ယဉ်ကျေးမှုတွေကို မြင်ရတော့မှာ မဟုတ်ပါဘူး။ အယ်လီနာဟာ အမေရိကန်အစစ်ပါပဲ။ တောင်ပိုင်းယဉ်ကျေးမှုရဲ့ အငွေ့အသက်တွေထဲမှာ ရစ်မူးနေဆဲဖြစ်တဲ့ ကတ်စတာလန်းဆိုတဲ့ ကောင်လေးနဲ့ ဟောဟောဒိုင်းဒိုင်း တုတ်ထိုးအိုးပေါက်ရှိတဲ့ အယ်လီနာ အပ္ပဂျွန်းတို့ နှစ်ယောက်ဟာ သူတို့ကြားထဲက ကွာဟချက်ကြီးတစ်ခုကို အကြောင်းပြချက်ကလေးတစ်ခုထဲအတွက်နဲ့ ညှိနှိုင်းထိန်းသိမ်းသွားခဲ့တယ်။
အဲ့ဒီအကြောင်းပြချက်ကလေးကတော့ ချစ်ခြင်းမေတ္တာပါပဲ။
•••
အထက်မှာ ကျနော်ပြောခဲ့တဲ့တောင်ပိုင်းသူအမျိုးသမီးတွေဟာ
စကားလက်အိုဟာရာနဲ့ တစ်ထပ်တည်း တူညီနေတာမျိုးတော့
မဟုတ်ပါဘူး။ ဒါပေမဲ့ သူတို့အားလုံးဟာ အချိန်တစ်ခုရောက်လာရင် သူတို့နည်း သူတို့ဟန်နဲ့ တောင်ပိုင်းသူရဲ့ သွေးကို ပြခဲ့တာပဲ။
ခမ်းနားတဲ့ ကပွဲခန်းမကြီးတွေမှာ စည်းချက်ကျခဲ့တဲ့ အဲ့ဒီအမျိုးသမီးတွေရဲ့ ခြေထောက်တွေဟာ ကြမ်းတမ်းခက်ခဲတဲ့ ခေတ်တွေတစ်လျှောက်မှာလဲ ယိုင်လဲမသွားခဲ့တာဟာ
ကျနော် အလေးစားရဆုံးအချက်ပါပဲ။
