اغتصاب
الحلقه18
اتفق الجميع علي ان الفرح بعدشهر فبدر يمتلك دار مجهزه ولا ينقصه شيء
وقرات الفاتحه وتعالت الزراغيط والكل فرحان ماعدا مهجه التي تندب حظها فهي لا تعرف من هذا البدر وماذا سيفعل بها
.............
بعد سفر بسرا
حبيبه:شوف ياادهم لو يونس راح لخالتي الخميس اكده ومعاه الرجاله هترفض اكيد
ادهم:ليه هو يونس يتعيب ديه مافيش ف مصر كييلياتها زييه
حبيبه:لاه مش اكده
خالتي عتخاف علي بتها تجيبها الصعيد
ادهم:ليه عنكلوها عاد
حبيبه:مش بالظبط اكده بس عاداتنا وتجاليدنا غير المصراويه وتخال عليها ماتجدرش تعيش ويانا وتحصل مشاكل
ادهم:وبعدين عاد نفضها سيره ولا ايه
حبيبه:لاه نروح جبل الرجاله نحاول نجنعها لو اجتنعت يوبجي خلاص نبلغ الرجاله ياجو ماجتنعتش يبجو نفضها سيره ومانحرجوش الرجاله عاد
ادهم:والله كلام زين بس رجلي علي رجلك عشان لو سي ايمن هناك ماتجعديش معاه
احنا نسافر نحجز فندج ونروح لخالتك ولو وافجت نتصلو يحصلونا
وبالمره هاتي معاكي جمصين طالما هنقعدو وحدينا ف الفندج
حبيبه:ادماغك شمال ياولد هواره
ادهم:هو في احلي ولا اجمل من الشمال ياقمر
يلا اجهزي عاد عشان مانتاخروش
.......................
ذهبت حبيبه وادهم للقاهره وحجزو باوتيل ووضعو شنطهم واتصلت بخالتها لتذهب اليها هي وادهم
....................
جلس ادهم مع ايمن
اما الحريم سوا
حبيبه:شوفي ياخالتي يونس شاب كويس جدا جدا مش هتلاقي زيه ف مصر كلها
وانتي عارفه يسرا اختي ومش هجبلها حد وحش
بس هو بيحبها فعلا وهي كمان وهيحطها ف عنيه الجوز
خالتها:بس بنتي تبعد عني وتروح الصعيد
حبيبه:وايه يعني عاوزه تشوفيها ف اي وقت نبعتلك عربيه تجيبك ف ثانيه المسافات قصرت حالا والمواصلات سهله
ماهي ممكن تجوز واحد ويسافر بيها السعوديه وماتشوفيهاش الا كل سنه مره لكن دي جمبك ف اي وقت تهف عليكي هتشوفيها وكمان هتبقي معايا وتحت عيني ومش هخلي حد يكلمها نص كلمه
خالتها:والتار والارف بتاعكو
حبيبه:ماعادش العيلتين اتصلحو الي كان بينهم عداوه وبقي بينهم نسب ماتخافيش والله وماتكسريش قلبهم
خالتها:ياحبيبتي دي بنتي وخايفه عليها ماتتاقلمش هناك
حبيبه:واختك كانت اشتكت قبل كده كانت عايشه ملكه
خالتها:بس ابوكي طيب وكان بيحبها وتحبه
حبيبه:والله ويونس كده بردو
خالتها:خلاص ياحبيبتي طالما انتو شايفين كده
حبيبه:طب استاذن بقي اخد زوجي ونبلغهم
خالتها:لا لازم تبيتو هنا
حبيبه:لا ماينفعش احنا حاجزين اوتيل
خالتها :تحجزي وخالتك هنا انا زعلانه ومايصحش
وذهبت لادهم
انتو تجيبو شناطكو وتيجو ماينفعش تبيتو بره وبيتي موجود
ادهم:دايما عامر بحسك ياحاجه بس ماعينفعش واصل
خالتها:والله لتباتو معانا
ادهم:مره تانيه معلهش اعفينا ماعينفعش
خالتها :خلاص براحتكو مش عاوزه اتقل عليكو
واستاذنو
وذهبو الاوتيل وقصت حبيبه ماحدث
ادهم:عفارم عليكي يابت
استاهل جميص اجديد الليله
حبيبه:هههههه هو اني اللي عملت ولا انت عاد
ادهم:مش اني اللي وديتك لحديها
حبيبه:اه الصراحه تعبت ويايه جوي جوي
ادهم:شوفتي بجي مابتجدريش انتي التعب اللي بتعبه
حبيبه:كان الله ف العون ياسبعي
ادهم:يلا خلصي عاد ماتضيعيش الوجت علي ما اكلم يونس واطمنه يجيب الرجاله
حبيبه:ماشي هم عاد وكلمه
ادهم:مالكيش صالح انتي بجي خلصي اللي جلتلك عليه
حبيه:اباه ماني جايمه اهو جاك خابط
ادهم:ماتتحشمي ياوليه عاد بدل مااكسر ضلوعك
واتصل ادهم بيونس الذي طار فرحا واخبر عمه والرجال ليجهزو ويذهبو ليخطبو يسرا
