اغتصاب
الحلقه 16
استيقظت يسرا ف الصباح ونزلت الجنينه تجلس بها لتجد يونس ياتي من وراءها
صباح اللبن الحليب والجشطه ياجشطه
ف يسرا تشبه حبيبه في بياضها وعينها الملونه ولكن يسرا عينها خضراء
فاتخضت يسرا صباح النور
يونس:مش هتاجي افسحك وافرجك الارض
يسرا:مش هينفع امشي معاك لوحدنا والناس تتكلم علينا
يونس:طب حد يفتح خاشمه بس واني افرغ طبنجتي ف صدره ماحدش يجدر يتحدتت عن يونس اني ماتعرفيش ماشيه مع مين عاد
يسرا:طب اطلع اغير
جذبها من يدها لع انتي اكده مستوره وحشمه ولا عايزه تمشي معايا ف البلد بالمناطيل بتاعتك دي
يسرا:همشي بالجالبيه
يونس:مالها زينه وهتاكل منيكي حته ياقمر
يسرا:خلاص يلا واخذها علي الجرار بتاعه وذهبو للارض نزلت تتامل الارض
الله جميله اوي دي ارضكو
يونس:دي ارضي وارض عمامي وولادهم
مساحات شاسعه من الخضره والقصب وما الي ذلك
اقترب منها اني عاوز اتجوزك
يسرا:بس انا ....
يونس:جاي اتقدملك الخميس الجاي
يسرا:بس انا مش مواف.....
يونس:اني ماباخدش رايك اني بجولك للعلم بالشيء اني هتجوزك
يسرا:ياسلام وانا طيشه ف القصه دي بس انا مش عاوزه اتجوزك
يونس:ماهو انتي لو ماوافقتيش اني هجتلك اي حد يتجدملك والاخر هتجوزك برديك
يسرا:انت اكيد مجنون روحني
فحملها ووضعها علي الجرار
وانزلها ف البيت ومال عليها ماشوفش طرفك برات البيت وخليكي بالعبايه اكده ببلاها المناطيل اللي مالهاش عازه دي
هتوحشك ياجشطه
فجرت مسرعه للبيت
كانت حبيبه تبحث عنها فعندما دخلت
حبيبه:كنتي فين يابت بدور عليكي
يسرا:كنت بتفرج ع الارض مع يونس
حبيبه:ايوه ياعم ماشيه معاك
يسرا:اسكتي دا طلع استنجالينا خالص
دا اتقدملي ولما قلتله مش موافقه قالي مابخدش رايك انا بقولك تبقي عارفه اني هجوزك ولو ماوافقتش هيقتل اي حد يتقدملي
حبيبه:دا خلاص حطك ف دماغه ودا دماغه طاقق وممكن ينفذتهديداته باين الحب ولع ف الدره معاه
يسرا:وانا اعمل ايه يعني ف ابومخ طاقق ده منك لله انا ايه اللي جابني هنا ماكنت قاعده ف بيتنا
حبيبه:والله واد عسل وراجل ودمه خفيف ووسيم ماهتلاقي زيه
يسرا:بس ساعات بخاف منه
حبيه:هم كلهم كده هنا بس والله كلهم رجوله وشهامه وحنيه وقت الحنيه
وافقي يابت واحنا نتوانس سوا
يسرا:بس حتي لو وافقت ماما عمرها ماتوافق تسيبني هنا
حبيبه :ما خالتك عاشت طول عمرها هنا وكانت بتعشق ابويا وهو بيموت ف التراب اللي بتمشي عليه
واهي خالتي تيجي تعيش هنا معانا وممكن نجوزهة لابويا ههههههه
يسرا:ايوه ياختي شغاله راسين ف الحلال
حبيبه:والله لسه قايله لابويا علي مهجه لبدر
مهجه:يوبجي انتي اللي عملتيها ياحبيبه وعاوزه يخلالك الجو مع ادهم بن عمي وانتي عارفه اني لادهم من صغري عاوزه تشيليني من جصادك
حبيبه:ادهم مين يابت دا جوزي وهو مارايدش غيري ولا هيبصلك
مش تحمدي ربك ان بدر زينه شباب النجعاويه هيتجدملك بس انتي تستري معاه
مهجه:اما وريتك ياحبيبه مابجاش اني مهجه
واني مش موافجه
حبيبه:خلاص ياختي الرجاله هيتفجو ومافيش كلام للحريم بعد اتفاجات الرجال
يسرا:بااااس انا نفوخي ورم منكو
مهجه:وانتي ياختي جايه تخدي يونس ولد عمي
يسرا:وانتي مالك ومال يونس هو كمان
مهجه:مش ولد عمي
ولا عاوزين تاخدو شباب الهراويه يابنات النجعاوي
حبيبه:يلا يايسرا نعمل الاكل للرجاله اللي جايه
مش هتاجي يامهجه تعملي الوكل لعريسك
مهجه:بالسم الهاري اللي يهري بدنه
حبيبه:بعد الشر عليك ياولد عمي ان شالله عدوينك واللي يكرهوك
