- البارت الماضي -
شوق و هي ماشيا شافت ولد مألوف يساعد عيوز تشل أغراضها
شوق : جني اعرفه.......حـ..حمداانن؟؟؟!!!!!!ا
يوم عرفت هوية الولد، انخشت ورا الشجرة
شوق : هذا شو يسوي هني
-----------------------------------------------------------------------------------------------
العيوز : شكراً يا وليدي ما قصرت، تقدر تروح الحين، بكمل انا الطريق
حمدان : لا والله يا عمة، بشل معج
العيوز : يزاك الله خير يا وليدي
هم و ماشين جان تتبطل التواير مال العربة اللي كان شالنها حمدان و طاحن الاغراض
العيوز : ما عليه يا وليدي، خلهن انا بسوي الباقي، بقول حق حفيدي ايي يساعدني، عن تتأخرعلى دراستك، طول اليوم كنت معاي، اللي سويته يكفي ما قصرت
حمدان : لا يا عمة، ما عندي شيء اسوي، بقعد معج
العيوز : يزاك الله خيييير
و هم يلقطون الاغراض، طلعت شوق من مخبأها، رفع حمدان راسه
شوق : بـ....بساعدكم
نزل حمدان راسه و كمل، و قعدت تلقط الاغراض معاهم
العيوز : يزاج الله خير يا بنيتي
بعد ما لقطو الاغراض و خلصو، وصلو العيوز بيتها
العيوز : شكراً عيالي الله يحفظكم يارب
شوق و حمدان : آمين
العيوز : دخلو شربو قهوة و كلو شوية فوالة قبل لا تروحون
حمدان : لا يا عمة، انتي تعبانه من متى تشتغلين، و لازم اروح اوصل ها البنت بيتها، بنزورج مره ثانية
العيوز : ان شاء الله، بارك الله فيكم
حمدان : الله يبارك فيج عمتي
يوم دخلت العيوز بيتها.....لف حمدان ع شوق اللي كانت خايفة منه ،و طالعها بنص عين
شوق : ا..انا بروح الحين
شل حمدان حدايد اللي كانت يمبه...و اقترب شوي شوي من شوق
حمدان : خوزي من الطريق
شوق و هي ترتجف : هاااا؟!ا
حمدان : سمعتيني اظن
