فصلية اياد البارت الثاني

فصلية اياد البارت الثالث

لارا :خلص العرس تحضرنه دتجي السيارات حته نطلع رحت عدلت شعري بالحمامات درت وجهي داطلع شفت احمد منتجي ع الباب
احمد:لارا ليش هيج اسوين
لارا:احمد صدك متستحي انته ادري مو عيب روح يم مرتك حرام عليك شنو ضلمته بهل زواجه هاا ادري بنات الناس لعبه عندك داحجي مااحس اله وهو انفاسه قربت ع انفاسي دفرته وطلعت بس مرعوبه حيل
حسين :لارا يله وينكم منتضركم اني صارت هوسه بره تره صيحي امي والبنات يله احجي وياه وهي مو يمي
لارا:ها يي ماشي حسوني
حسين:لارا لحضه شبيج حبيبي
لارا :اسكت بعدين اسولفلك
حسين راحت تصيحهم طلع احمد من الحمامات اخذته ع صفحه شعدك هنا
احمد :حسين مااكدر اشوفه كدامي وهي مو الي
حسين : لك لتخبلني احمد لتخليني اكفر يابه اياك ثم اياك اشوفك مره ثانيه متدني يم لارا تحسب الله ماخلقك ماكتبلكم الله قسمه سوه تشوفه بنت خالتك وبس فهمت عفته ومشيت طلعت بالسياره انتضرهم طلعوا
لارا:طلعنه فرحانين بس احس كلبي مخنوك ماعرف ليش يمكن بسبب احمد شكد سخيف والله حريمه هذا ابن خالتي هيج مع الاسف اندمجت وياهم زفه واغاني وهيج شي خابر بابا حسين حسين الوجي تغير لونه نكوله شبيك ميرد وصلنه للبيت بسرعه وطلع
رنا :يربي اكو شي صار شي كلبي حاسني اني ناغزني
لارا:اتصل ع حسين ماكو بابا ماكو اما مصطفى ف مبايله مغلق صدك خفنه ماما تبجي ياسو تهدي بيه فجأه دخل خالي وبابا وحسن كله طفرت عليهم شكو شكو
ابو مصطفى :شكول وشحجي ابنج من وره سياقته الطايح حظه ضاربله واحد وصالنه3ساعات ويا حالته خطره وجماله صغير عمره17شاب بعده واهله متخبلين عليه
لارا:ماما هنا من سمعت تخبلت تخربطت اخذناها للمستشفى نفس الي بيه الولد طلعت يم حسن بره الغرفه
حسن :شوفيهم ذوله اهل الولد ستوني سألت حالته زينه الحمدلله
لارا :سوده عليه صوفي يله همزين عاد خلصنه كلشي ولا يسوون شي ال مصطفى
حسن :شوف هاي شتحجي حبيبي ذوله ولد شيوخ ومعروفين بغداد /عشتو مو صار زين طلابه شنو
اياد :اسمي عرفتوا عمري 21مدلل البيت اني طالب جامعي قسم طب عام مرحله 3عايشين بغداد شاب صاك احمم لا كلكم ولا تكلولي اجنن اي اي 😂اخبل عيوني ملونه لونهن ازرق شعري ع الشكار طويل ورشيق احب احافظ ع جسمي انيق بهيج سوالف عندي اخوان 2سيف طالب سادس اعدادي وزيد طالب كليه مرحله 1قسم ترجمه لغات واخوات ثنين وحده مزوجه ساره بس عايشه يمنه زوجه مسافر كل سنه هيج يله يجي لو مااقارب منسكت وجنى عمره 18طالبه والدي شيخ عشيره معروف حالتنه الماديه وكلش ممتازه مو بيت قصر بالمنصور ساكنين والدتي مديره مدرسه
طبعا الاحداث عرفتوا بيه ماحب اعيد صايرين نار ع سيف لحد مااجه الدكتور طمنه حالته زينه اجوي اهل الولد طبعا عرفناهم يعني عن طريق والدهم دكتور مشهور بغداد خطيه وره 2ساعتين همه اجوي جابوه وحده يمكن والدتهم ماعرف بصف غرفتنه همه يااابه شنو من بنيه عدهم ملاك ويمشي ع الارض تجنن كاعده يم اخوه شلون تحجي اسمعه فدووه بعدين عفتهم ورحت كعدت
ابو لارا :بابا اخذ اخواتك وروح امكم تحت المراقبه اليوم واني اصلا دوامي اليوم روحوا والصبح تعالوا
حسن :يله ياسو يله لارا تعبتي انتي كومي
لارا :لا شي اكيد مستحيل ابقه هنا اني
ابو لارا :حبيبتي تعبين روحي
حسن:امشي لولي شبيج صغيرونه كومي مابيه اضحك والله
لارا :ماااا شبيك ماا روح انت شوق هاي طفت روحوا اخذوا عشه تعشوا ورجعوا للبيت وقفلوا زين بابا فدوه صوفي شوكت يطلع
ابو لارا:والله يا باابا باجر كالوا الكعده وبعد مندري
حسن :يله رايحين واذا احتجتوا شي خابروني
لارا :راحوا بابا راح اجته حاله ضليت كاعده
اياد :شفته كاعده وحيده رحت جبتله مي وعصير وكفت كدامه ونطيته ذني
لارا :جنت منتجيه واذكر احمد السخيف بتصرفه جان يجي شاب يجنن صفنت بوجه اليه قدم قدم عصير ومي هه لاتسلم
اياد:لا لابويه 😂تفضلي شبيج هسه شجايبلج اني هو مي
لارا:ماكول لا لان صراحه ماندل غرفه بابا وستوني ردت ادك عليه
اياد:خوش اجت بمحله لعد ييي مكتيلنه طالبه شنو انتي
لارا:قسم صيدله مرحله اولى
اياد :اهاا حلو اني قسم طب عام مرحله ثالثه
لارا :ااه كيوت احب هذا القسم بس الصيدله اكثر😂
اياد :حلو للبنيه الصيدله بس شعجب مو ع والدج
لارا:تعرف بابا /تقريبا
لارا:مم انتبهت ع نفسي شنو هل ميانه وكاعده واسولف اني ترخصت وكمت
اياد:خرررب كل هذا الحجي ونسيت اسئله ع اسمه ضحكت ورحت يم الولد يسولفون وبالي يمه دخلت لكلبي بسرعه
لارا:مر هذا اليوم ع خير اجه علينه حسن طلعنه ماما تحسنت وطبعا تسأل ع مصطفى كل شويه رجعمه للبست وراح ويه بابا وعمامي ع الكعده مارجعوا لل6العصر رجعوا بس معبين وبابا شكله حزين
رنا :بشر ابو مصطفى شكالوا
اياد :اليوم الكعده صارت وصفنت من ابويه من طلب فصل
اياد :بابا صدك تحجي شنو فصل وهيج سوالف وزيد تحسنت حالته وصار زين وهذا كدامك كاعد طبعا اني بعيده عن هيج سوالف وشيخه ومشيخه حيل اكره ذني السوالف والدي دائما يكول انت وراي تاخذ المشيخه اعوفه واطلع

ابو اياد:بابا ميصير اني قبلت الباقين شلون وهذا ابن الشيخ
اياد :لافوكاها فصليه مره يعيني صدك تحجون واكيد تكربسوها براسي مووو مااعقد اني عفتهم وطلعت
ابو لارا:طلبوا فصليه مره ويابنيتي لارا انتي اكيد مارح تضحين باخوج مو لان اذا منوافق يسلمو للقانون بعد
لارا:ياا هو شنو من  كلشي مابي مثل الحصان كام اليوم شفته الصبح
رنا:يمه بنيتي مانطيه لو شو شنو يصير هاي لارا بنيتي اريظ افرح بيه بارقى عرس تاليها تروح فصليه
ابو لارا :شسوي ماكدر اضحي بمصطفى ولا بلارا بس اقلها لارا رح نكدر نشوفه وتره خوش ناس معروفين
لارا ؛ماشي بابا خلص اروح واتوكل ع الله
ياسمين :يمه همزين مو اني
حسن :لايردون وحده حلوه انتي من  يكلبج
ياسمين:شوفوا من  حجه يفدووه عشتو
لارا:دخل مصطفى يباوعلي رحت حظنته حضنته ماما هم كعدنه ماقبل بالبدايه بعدين اقتنع
ابو لارا :بابا لا اتفقنه ع باجر ساعه ب9 انتي يمهم
حسن ؛امشي نطلع نسوك وكلشي اجهزي عروس انتي يمه خيتي رح تزوج 😂😂😂
لارا :يله ايي اريد اطلع 😂😂خررب رح اروح فصليه واضحك كبووور يله خلي نبدل
ابو لارا؛رنا جهزيها من كلشي ماريد ينقصه شي عرووس ماشي
رنا :لعد نروح هسه للمركز مال تجميل نسوي شوي تغيرات وراها نطلع نسوك
لارا :طلعنه للمركز شعري عدلته غيرت كصته تنضيف بشره وسنفره وكلشي سويت بعدها رحنا للمول ماهليت شي ماشتريته اين وينطوني هيج سوالف 😂😂
رجعنا للبيت محملين كوومه اغراض كعدنا اني وياسو حضرنه الجنط صارن 3وحده الجدد 4
رنا :ها حبيبي هذه ذهبج يمه /ماما تعالي نامي يمي
لارا:نمت بحضن ماما ماحس غير كعدت الصبح ساعه ب8غسلت وبدلت تحضرت لبست شيرت زيتوني واوفر اسود حذاء رياضي اسود وجنطه كذلك اكسسورات شعري اني ماسرحه لان هو سرح بس اعدله سويت بوف ميك اب خفيف  صاحتني ماما حسن نزل الجنط تريكت شويه طبعا مااحب اتريك بس شسوي كملت ودعت اهلي ورحنا بابا وعمي وحسن طبعا صوفي ماشفته ضجت بس مشيته اخذت مبايلي بجيبي وطلعت ووف ضايجه الدمعه بطارف عيني بس ماريد اضعف خايفه وافكر شنو رح يعاملوني وصلنه لبيت مو قصر اكبر من بيتنه بقاطات نزلنه شفت نفس الولد الي اجه يمي بالمشفى ياااا والله نسيته ضحكت بداخلي سلمني بابا الهم ضليت واكفه بالباب وعدت حسون راحوا نزل الجنط وصوهم عليه بداخلي ضحكت كلت اكيد رح يطلعون حركتهم بيه بعدين اكول لا قابل مات اشو مثل الحصان
اياد:رح تضلين واكفه
لارا:هلاو بابتسامه
اياد :شلونج شلون صارت الوالده /الحمدلله /ادخلي جوه ادخل الجنط /وك دخلت شفت حديقه جبيره ضليت واكفه ستحيت ادخل
سيف :مممم وهسه هم تكول ماعقد عليه دشوفه شلون صكوك /نجب مادري بيه هي والله لو هي يمممه من باجر اعقد محمه عليه /لك مطي هي شبيك /هم صدك اي هيه بس خاف الحجي يصدمني ويكول مو الك 😂اتعارك والنبي
اياد :دخلت الجنط من الصاله حطيتهن بيه لان ماعرف ياغرفه ادخله طلعو للبره لكيته واكفه هاي شنو لسه واكفه شبيج دخلي
لارا:استحي /ووووي هههه تعالي /اكو شي يضحك /ممم لالا امشي ياخي من تمشي شنو هل رقه طبعا احجي بكلبي
لارا:دخلت اشوف كاعدين هواي بنات وكبار بالمطبخ اكو مره جبيره صاحتني تعالي ماما تعالي يعين مو كلش جبيره تطلع ب30هيج شي
ام اياد:تعالي حبيبتي تعالي اني ام زوجج ام اياد احسبيني مثل امج هاي بناتي ساره وجنى يبقن هنه يعرفنج كومي جنى ماما كومي ساره سبمن ع مرة اخوجن
اياد؛هنا من كالت هيج مدري اضحك مدري افرح مادري شسوي
ساره :اهلا وسهلا بيج حبيبتي تعالي امشي نصعد لغرفتج
لارا:تفاجئت بتعاملهم طبعا صعدت وياه البيت تصميمه يجنن حيل عجبني الغرفه تخبل بالبدايه نزله بيه مثل هيج تخم تركي حلو وراها غرفه تركيه لونه نيلي واوف وايت هيج شي حيل عجبتني وباداخله اكو حمام